Fréttablaðið - 19.12.2013, Síða 6

19. desember 2013 FIMMTUDAGUR| FRÉTTIR | 6
KJARAMÁL Laun forstjóra Íbúða-
lánasjóðs hækka um rúmlega 79
þúsund krónur á mánuði, eða um
7,2 prósent, í kjölfar nýlegrar
ákvörðunar kjararáðs.
Laun forstjórans voru rúmlega
982 þúsund krónur á mánuði frá
árinu 2010 þar til kjararáð ákvað
um mitt ár 2012 að hækka þau um
110 þúsund krónur, í 1.092 þúsund
krónur á mánuði.
Sigurður Erlingsson, forstjóri
Íbúðalánasjóðs, taldi þessa hækk-
un ekki endurspegla auknar
kröfur sem gerðar voru til for-
stjóra sjóðsins. Hann sendi kjara-
ráði bréf skömmu eftir að laun
hans voru hækkuð um mitt ár
2012 og fór fram
á að launin yrðu
endur skoðuð.
Sigurður
bent i meða l
annars á að nú
hafi verið lög-
festar kröfur
um forstjóri
skuli vera fjár-
hagslega sjálf-
stæður, hafa
lokið háskólaprófi auk þess sem
forstjórinn þurfi að standast
hæfis mat Fjármálaeftirlitsins.
Í bréfinu segir Sigurður að ekki
standist að laun forstjórans miðist
við launakjör framkvæmdastjóra
Lánasjóðs íslenskra námsmanna
eða forstjóra Byggðastofnunar.
Kjararáð tekur í úrskurði sínum
að nokkru undir þetta með for-
stjóranum. Ákveðið var að hækka
laun hans í 1.171 þúsund krónur á
mánuði, og hafa þau því hækkað
um 189 þúsund krónur, 19,3
prósent, frá árinu 2010.
Í umsögn stjórnar Íbúðalána-
sjóðs er tekið undir kröfur for-
stjórans. Í umsögn velferðarráðu-
neytisins er því hins vegar hafnað
að auknar kröfur leiði til aukins
álags á forstjórann, og þar með
því að hækka þurfi laun Sigurðar
umfram það sem þegar hafi verið
gert. - bj
Forstjóri Íbúðalánasjóðs fór fram á launahækkun vegna aukinna krafna:
Launin hækka um 79 þúsund
SIGURÐUR
ERLINGSSON
1. Hvað gáfu Salmann Tamimi og
eiginkona hans Mæðrastyrksnefnd
mörg kíló af kjöti?
2. Hver var valin besta skyttan í Olís-
deild kvenna í handbolta?
3. Hversu mörg stjórnarfrumvörp bíða
afgreiðslu Alþingis?
SVÖR
ÚKRAÍNA, AP Mikil ánægja er á
meðal leiðtoga í Úkraínu um fjár-
hagsaðstoð Rússa og segja þeir
hana tryggja fjárhagslegan stöðug-
leika í landinu. Gagnrýnendur segja
að samningurinn muni auka á efna-
hagsvandræði Úkraínu og gera
landið háðara Rússlandi.
Vladimír Pútín, forseti Rússlands,
hefur ákveðið að kaupa úkraínsk
skuldabréf fyrir 15 milljarða dala
og lækka verð á gasi til að draga
úr pólitískum þrýstingi á Viktor
Janúkóvitsj, forseta Úkraínu.
Janúkóvitsj
barðist fyrir fjár-
hagsaðstoð frá
Rússum og Evr-
ópusambandinu.
Eftir að hann
ákvað að halla sér
að Rússum í stað
þess að undir rita
samstarfssamn-
ing við Evrópusambandið urðu
mikil mótmæli í Úkraínu og meðal
annars hefur hópur fólks dvalið á
Frelsistorginu í Kænugarði, höfuð-
borg Úkraínu, allan sólarhringinn
og haft þar uppi mótmæli. Krefjast
þeir afsagnar bæði Janúkóvitsj og
forsætisráðherrans, Míkóla Asarov,
og vilja kosningar á næsta ári.
Asarov telur að samningur-
inn við Rússa muni auka sjálfs-
traust almennings og koma með
meiri stöðugleika inn í líf fólks.
Aftur á móti telur hann að samn-
ingur við Evrópusambandið hefði
tryggt Úkraínumönnum „nýársgjöf
með gjaldþrotum og félagslegri
hnignun“. - fb
Ráðamenn í Úkraínu eru mjög ánægðir með fjárhagsaðstoð Rússlands við landið:
Segja að samningurinn tryggi stöðugleika
VIKTOR
JANÚKOVITS
ENN ER MÓTMÆLT Fylgjendur samn-
inga við Evrópusambandið syngja þjóð-
sönginn í Kænugarði í gær. FRÉTTABLAÐIÐ/AP1. 140 kíló 2. Marija Gedroit, Haukum 3. 52
stjórnarfrumvörp.
STJÓRNMÁL Samkomulag náðist
milli ríkisstjórnar og stjórnarand-
stöðu á Alþingi seint á þriðjudag
um afgreiðslu mála á Alþingi fyrir
jólafrí.
Samkvæmt samkomulaginu fá
atvinnulausir greidda desember-
uppbót, fallið er frá komugjöldum
á spítala og framlag til rannsókna-
sjóða hækkað um alls 50 milljónir.
Fallið verður frá
þaki á endur-
greiðslur vegna
nýsköpunarverk-
efna og þá verð-
ur samráðsnefnd
um veiðigjöld
falið að fjalla
um álagningu
gjalds á nýjar
fisktegundir í
íslenskri lögsögu. Miðað er við að
hægt verði að taka upp slíkt gjald
strax á næsta ári en meðal annars
er verið að horfa til makríls í þessu
samhengi.
Árni Páll Árnason formaður
Samfylkingarinnar fagnaði þessu
samkomulagi í gær og sagði að
stjórnarandstöðunni hefði tekist
að gera vont fjárlagafrumvarp
aðeins betra. „Vont fjárlagafrum-
varp með vitlausa forgangsröðun
hefur aðeins skánað. Okkur hefur
tekist að vinda ofan af ýmsum af
þeim verstu þáttum sem birtust í
fjárlagafrumvarpi ríkisstjórnar-
innar,“ segir Árni. Katrín Jakobs-
dóttir, formaður Vinstri grænna,
tekur í sama streng. „Það sem
skiptir mestu máli er að þarna
hafa verið gerðar ákveðnar umbæt-
ur en þar með er ekki sagt að við
munum styðja allt frumvarpið,“
segir Katrín.
Breytingarnar munu hafa nei-
kvæð áhrif á afkomu ríkissjóðs á
næst ári. Vigdís Hauksdóttir, for-
maður fjárlagnefndar, segir að
ennþá sé þó stefnt að því að ríkis-
sjóður skili afgangi. Greiðsla des-
emberuppbótar kostar um 240
milljónir króna en hún er fjár-
mögnuð með því að færa fjármuni
frá Virk Starfsendurhæfingar-
sjóði yfir til Atvinnuleysistrygg-
ingasjóðs. Er það í samræmi við
tillögur Alþýðusambandsins og
BSRB. Eygló Harðardóttir félags-
málaráðherra fagnaði þessari
niður stöðu í gær en fyrr í þessum
mánuði bað hún þingheim um að
tryggja fjármuni svo hægt væri
að greiða út desemberuppbót.
Óskert nemur uppbótin rúmum
51 þúsund krónum en verður
aldrei lægri en 13 þúsund krónur.
hsk@frettabladid.is
FRÁ ATKVÆÐAGREIÐSLU UM FJÁRLÖGIN Í GÆR Greiðsla desemberuppbótar til
atvinnulausra kostar um 240 milljónir króna. FRÉTTABLAÐIÐ/GVA
KATRÍN
JAKOBSDÓTTIR
Vont fjár-
lagafrumvarp
með vitlausa
forgangsröðun
hefur aðeins
skánað.
Árni Páll Árnason
formaður Samfylkingarinnar
VEISTU SVARIÐ?
Jólatilboð
Save the Children á Íslandi
Fara í jólafrí í síð-
asta lagi á laugardag
Atvinnulausir fá desemberuppbót og fallið er frá komugjöldum á spítala sam-
kvæmt samkomulagi forystumanna allra flokka á Alþingi um þinglok. Gert ráð
fyrir því að Alþingi ljúki störfum og fari í jólafrí í síðasta lagi á laugardag.
■ Desemberuppbót fyrir atvinnulausa.
■ Aukið framlag í Rannsóknasjóð upp á 50 milljónir króna.
■ Aukið framlag í Myndlistarsjóð og Hönnunarsjóð.
■ Gjald á nýjar fisktegundir við Ísland tekið til skoðunar.
■ Fallið frá komugjöldum á spítölum.
■ Fallið frá þaki á endurgreiðslur vegna nýsköpunarverkefna.
HELSTU BREYTINGAR AFGREIDDAR Í SÁTT