Fréttablaðið - 19.12.2013, Síða 10

19. desember 2013 FIMMTUDAGUR| FRÉTTIR | 10
FÓLK „Það á engin heima í Konukoti
en þrátt fyrir það viljum við hafa
andrúmsloftið heimilislegt.Hér
umgöngumst við alla af virðingu,“
segir Kristín Helga Guðmundsdótt-
ir, verkefnisstýra hjá Rauða kross-
inum í Reykjavík.
Það er hlýlegt um að litast
í Konukoti. Búið að gera jóla-
hreingerninguna, skreyta og baka.
Bara eftir að setja upp jólatréð, svo
er nánast allt klárt.
Á aðfangadag kemur matreiðslu-
maður og eldar hamborgarhrygg
og í eftirrétt er heimagerður ís.
Enn er ekki ljóst hvað verður í for-
rétt, hin síðari ár hefur einhver
gjafmildur birst, með forréttinn.
Eitt sinn kom maður færandi
hendi með graflax, árið eftir birtist
flugmaður á tröppunum á aðfanga-
dag með fínar kæfur og ýmislegt
annað góðgæti. Hver forrétturinn
verður í ár á eftir að koma í ljós,
það fer eftir gefandanum. Á jóla-
dag fá svo konurnar í Konukoti
hangikjöt.
„Nú erum við að ljúka við að
pakka inn jólagjöfum. Allar konur
sem hér eru á aðfangadagskvöld
fá nýútgefna bók, konfekt og ein-
hverja nýja flík svo enginn fari í
jólaköttinn. Svo slæðist eitthvað
fleira með, til dæmis snyrtivörur
eða eitthvað sem kemur konunum
að gagni. Við merkjum pakkana
hins vegar ekki fyrr en á aðfanga-
dag þegar við vitum hvaða konur
verða hjá okkur,“ segir Kristín.
Jólahaldið í Konukoti er með
hefðbundnum hætti. Það er hlustað
á jólamessuna í útvarpinu, borðað
og pakkarnir teknir upp.
Konukot er neyðarathvarf fyrir
konur og þar eru rúm fyrir átta.
Þar er opið frá fimm á daginn en
konurnar verða að vera farnar út
fyrir klukkan ellefu á morgnana.
Engum er vísað frá þótt búið sé
að fylla í öll rúm heldur er fundið
pláss, Konukot er einn af þessum
stöðum þar sem alltaf er pláss.
Það er Rauði krossinn í Reykja-
vík sem rekur staðinn með styrk
frá Reykjavíkurborg. Innanstokks-
munir og flest annað er annaðhvort
keypt fyrir gjafafé eða hefur verið
gefið af einstaklingum og fyrir-
tækjum.
Hjálpræðisherinn rekur Dag-
setrið á Eyjaslóð. Þar er athvarf
fyrir þá sem eru heimilislausir og
glíma við vímuefna- og áfengis-
vanda. Þar er opið alla daga á milli
klukkan tíu og fimm.
Það er búið að skreyta á Eyja-
slóðinni og menn í óðaönn að undir-
búa jólin. Þar er hlýlegur setkrók-
ur, matsalur, herbergi þar sem
þrjár konur geta lagt sig og annað
herbergi fyrir karla. Ef fleiri vilja
leggja sig yfir daginn en pláss er
fyrir í herbergjunum geta þeir
fleygt sér upp í sófa og dormað þar.
Gestirnir geta farið í sturtu og
þvegið föt sín og þeir fá heitan mat
í hádeginu og miðdegiskaffi. Vilji
menn vinna þá geta þeir fengið að
taka að sér ýmis störf og fá greitt
fyrir.
Í kjallaranum er til að mynda
verið að gera við og pússa upp
gömul húsgögn, á efri hæðinni er
verið að flokka föt svo eitthvað sé
nefnt. Líkt og í Konukoti eru innan-
stokksmunir gjafir frá einstakling-
um og fyrirtækjum auk þess sem
Hjálpræðisherinn leggur heim-
ilinu til fjármuni og borgin styrk-
ir starfsemina.
Rannvá Olsen hjá Hjálpræðis-
hernum ræður ríkjum á Dag-
setrinu.
„Það verður opið um jólin hjá
okkur eins og aðra daga. Hingað
koma sjálfboðaliðar og hjálpa til.
Hér verður bakað og búið til kakó.
Líkt og aðrir gerum við okkur
dagamun í mat og drykk. Hér
verður bæði boðið upp á hangikjöt
og steikur um hátíðarnar. Og allir
sem hingað koma fá jólagjafir,“
segir Rannvá.
Rannvá segir að margir vilji
leggja hönd á plóg. Hún segir þó
að það sem heimilið vanti helst
séu peningar. „Það er ýmislegt
sem okkur vantar, til dæmis háf
í eldhúsið og góða kæli- og frysti-
skápa,“ segir hún.
johanna@frettabladid.is
Búið að baka og
skreyta fyrir jólin
Margir leggja hönd á plóg til að gera jólin sem hátíðlegust fyrir þá sem eru heim-
ilislausir. Jólagjafir berast frá einstaklingum og fyrirtækjum. Í Konukoti og á
Dagsetrinu við Eyjaslóð svífur yfir jólaandi. Starfsmenn og gestir hlakkar til.
JÓLA GJAFIRNAR BÍÐA Kristín Helga Guðmundsdóttir hj á Konukoti segir að allar konur sem eru þar um jólin fái bók, konfekt
og fatnað. Gestir Konukots geta gengið að hreinu rúmi, kvöldmat og morgunverði. FRÉTTABLAÐIÐ/DANÍEL
Í DAGSETRINU Þessir karlar dormuðu í Dagsetrinu á Eyjaslóð. Þeir sögðust flestir fá inni í gistiskýlinu við Þingholtsstræti. Ef
fullt er þar leita þeir á náðir lögreglu eða fara á Umferðarmiðstöðina. Þar væri hins vegar kalt. Rannvá Olsen hjá Dagsetrinu
segir að margir vilji gefa þeim sem lítið hafa. Heimilið vanti þó einna helst peninga til að geta keypt stóran kæli- og frystiskáp.
„Ég kem í Dagsetrið daglega því ég á
engan samastað eftir að ég féll. Ég var
búin að vera um tíma í Krýsuvík en féll í
bæjarleyfi. Á nóttunni er ég í Konukoti,“
segir Anna Kristinsdóttir.
„Það er yndislegt að vera í Konukoti.
Eini gallinn er að maður þarf að vakna á
morgnana og fara út. Þá koma borgar-
verðirnir til aðstoðar og keyra mann í
Dagsetrið. Það er þvílíkur munur að fá
far út á Eyjaslóð í staðinn fyrir að þurfa
að ganga eða koma sér á einhvern annan hátt.“
Anna á fjögur börn og sex barnabörn. „Mig langar
að vera hjá börnunum mínum um jólin en ég veit ekki
hvort þau geta eða vilja hafa mig. Ef ég ætti eina
ósk þá er hún sú að vera hjá þeim. Annars verð ég í
Konukoti.“
➜ Langar að vera hjá börnunum
ANNA
KRISTINSDÓTTIR
„Það er gott að vera í Konukoti,
gallinn er bara að þurfa að fara út
á morgnana og fá ekki að vera yfir
daginn. Ég myndi vilja fá að sofa út á
morgnana, það getur verið erfitt að
vakna snemma yfir háveturinn,“ segir
Bergþóra Guðmundsdóttir.
„Ég var í Krýsuvík og féll þegar
ég fór í bæinn. Þá fór ég að koma
hingað og er hér flesta daga. Stundum
liggur maður bara fyrir allan daginn
og reynir að sofa til að láta tímann líða. Það er
alger lúxus að hafa sérherbergi fyrir konur hérna
í Dagsetrinu. Það er sérstaklega gott þá daga sem
kvíðinn læðist að manni. Ég veit ekki hvar ég ætla
að vera um jólin. Það kemur bara í ljós þegar þar að
kemur,“ segir Bergþóra.
➜ Veit ekki hvar ég verð um jól
BERGÞÓRA GUÐ-
MUNDSDÓTTIR
2.
prentun
komin
Velkomin í núið
– frá streitu til sáttar
Byggt á Mindfulness-based Cognitive Therapy sem tvinnar
saman aðferðum hugrænnar atferlismeðferðar og sálfræði
austrænnar visku.
NÝ NÁMSKEIÐ!
Innifalið 1 vika ókeypisaðgangur í alla opnatíma Nordica Spa,gufu og heita potta
Námskeiðið er í 8 vikur
á Hilton Reykjavík Nordica
15. og 28. janúar
frá kl. 17.30 til 19.15
Innifalið er geisladiskur með æfingum og handbók
Skráning hjá Nordica Spa í síma
444 5090 og á www.nordicaspa.is
Leiðbeinendur verða sálfræðingarnir
Guðbjörg Daníelsdóttir, Herdís Finnbogadóttir
og Margrét Bárðardóttir.
Verð: 49.000 kr.
Meðlimir Nordica Spa fá 10% afslátt
Gefðu
nærandi
jólagjöf
Ábendingahnappinn má finna á
www.barnaheill.is