Fréttablaðið - 19.12.2013, Qupperneq 98

19. desember 2013 FIMMTUDAGUR| SPORT | 86
Allir stríðsmenn
þurfa að leggja niður
vopnin á endanum. Það
er ekki hægt að berjast
að eilífu. Ég er samt ekki
hættur að berjast.
Alexander Petersson
HANDBOLTI „Það styttist í seinni
hluta ferilsins hjá mér og að sjálf-
sögðu vil ég taka þátt í öllum
mótum með landsliðinu. Líkaminn
segir mér því miður að ég geti ekki
verið með núna,“ segir Alexander
Petersson stórskytta og einn besti
handboltamaður Íslands. Hann var
ekki með Íslandi á HM fyrir um
ári síðan og verður ekki með á EM
í janúar. Hann fór líka meiddur á
EM í Serbíu árið 2012 og þurfti að
yfirgefa liðið er skammt var liðið á
mótið. Hann gat ekkert beitt sér og
hefur því í raun misst af þremur af
síðustu fjórum mótum.
„Það er hrikalega erfitt að
sitja heima þegar strákarnir eru
að spila. Ég treysti mér ekki í að
horfa á leikina. Ég fer frekar út að
leika mér með krökkunum mínum.
Það er of erfitt fyrir mig að horfa
á.“
Verri en á sama tíma í fyrra
Alexander fór í axlaraðgerð á síð-
asta tímabili sem átti að binda
enda á hans vandræði. Það gekk
ekki eftir og um ári síðar er hann
nánast á sama stað.
„Ég er jafnvel í verra ástandi en
á sama tíma í fyrra. Ég var mjög
vongóður fyrir aðgerðina en hún
breytti engu. Öxlin varð verri ef
eitthvað er. Nú þarf ég að vinna
með öxlina á hverjum einasta degi
og vonast eftir því að hún lagist
eitthvað. Ég fer líklega ekki aftur
í aðgerð. Ef ég fer aftur í aðgerð þá
gæti ég misst liðleika í öxlinni og
það gæti skapað enn stærra vanda-
mál og jafnvel orðið þess valdandi
að ég þyrfti að leggja skóna á hill-
una. Það sem þeir löguðu síðast er
aðeins hluti vandans. Vandinn er
mun stærri. Þetta er algengt álags-
vandamál hjá handboltamanni.“
Axlarmeiðslin á skothendi Alex-
anders eru ekki ný af nálinni en
ástandið hefur farið versnandi
síðustu ár. Nú er staðan svo slæm
að hann spilar, samt ekki alla leiki,
og tekur svo takmarkaðan þátt í
æfingum.
„Ég æfi varla með liðinu. Spila
smá vörn. Ég má ekki skjóta á
markið. Það er rétt að ég má gefa
sendingar. Lengra nær það ekki.“
Bryður verkjalyf fyrir leiki
Til þess að skyttan komist í gegn-
um leiki með liði sínu, Rhein-Neck-
ar Löwen, þá þarf hún að bryðja
sterk verkjalyf fyrir leiki. Það
er augljóslega ekki mjög gott til
lengri tíma litið.
„Ég hef þurft að gera það mjög
lengi núna og það er ekki gott.
Lyfin virka stundum ekki og
líkaminn er að versna.“
Þessi meðferð á líkamanum er
augljóslega ekki góð og hefur sín
áhrif á leikmanninn.
„Mér líður allt í lagi daginn eftir
leiki en næstu dagar þar á eftir
geta verið hrikalega erfiðir. Þá get
ég stundum ekki hreyft handlegg-
inn almennilega. Get ekki sveiflað
honum og það getur tekið nokkra
daga að jafna sig,“ segir Alexander
en hann bítur á jaxlinn í leikjum.
„Þegar ég er á vellinum reyni ég
að hugsa ekki um meiðslin heldur
að hjálpa liðinu. Auðvitað finn ég
til þegar ég skýt að marki. Þá er ég
með verk í svona tíu sekúndur. Það
er samt ekkert vandamál. Vandinn
liggur í dögunum á milli leikja.“
Þetta stanslausa álag á líkam-
ann með tilheyrandi verkjum og
erfiðleikum hefur tekið sinn toll af
leikmanninum. Bæði líkamlega og
ekki síst andlega.
„Það reynir á. Þetta hefur ekki
alltaf verið auðvelt. Það komu
nokkrir mánuðir sem voru mér
miög erfiðir. Ég var þungur og oft
í vondu skapi því þetta ástand var
að fara í taugarnar á mér. Nú reyni
ég að vera jákvæður en það er ekki
alltaf auðvelt því ekkert breytist.
Stundum á ég frábæran leik og
læt mig dreyma um að ég sé að
lagast. Svo vakna ég daginn eftir
og finn að svo er alls ekki,“ segir
Alexander en hann fær góðan
stuðning heima fyrir.
„Ég á sem betur fer frábæra
konu og krakka sem styðja mig.
Þau halda mér gangandi og eru
dugleg að hvetja mig áfram.“
Vill spila fyrir landsliðið
Alexander átti frábæran leik gegn
Kiel í síðustu viku. Löwen átti
síðan leik gegn Hamburg nokkrum
dögum seinna og þá var ekki það
sama upp á teningnum. Það er því
ljóst að hann hefur ekkert að gera
á mót þar sem jafnvel eru spilaðir
um átta leikir á tveim vikum.
Ekki minn stíll að hvíla
Hvernig lítur hann annars á fram-
haldið? Er eitthvað vit í því fyrir
hann að reyna að halda áfram að
spila með landsliðinu eins og hann
er á sig kominn?
„Ég hef enga trú á því að lands-
liðsferlinum sé lokið. Ég vil ekki
hugsa um það. Auðvitað er þetta
þriðja mótið af síðustu fjórum sem
ég missi af. Ég fór til Serbíu og
gekk frá mér þar. Það var ekkert
vit í því. Ég nýt þess að spila fyrir
íslenska landsliðið og vil endilega
spila fleiri leiki. Ef ég get spilað
þá mun ég spila með landsliðinu.
Það eru leikir í sumar og vonandi
get ég hjálpað liðinu þá,“ segir
Alexander.
Á HM 2011 var Alexander
einnig að glíma við þessi meiðsli.
Þá gagnrýndi þáverandi þjálf-
ari hans, Dagur Sigurðsson,
landsliðsþjálfarann Guðmund
Guðmundsson fyrir að láta
Alexander spila of mikið.
„Þá voru meiðslin aðeins öðru-
vísi en þau eru núna. Ég hefði
kannski átt að hvíla meira síð-
ustu ár og fara betur með mig.
Það er bara ekki minn stíll. Það
er ekki ég. Allir stríðsmenn þurfa
að leggja niður vopnin á endanum.
Það er ekki hægt að berjast að
eilífu. Ég er samt ekki hættur
að berjast. Ég þarf samt smá frí
núna og það verður kærkomið að
geta unnið í öxlinni og hvílt hana
í janúar.“
Alexander er orðinn 33 ára
gamall og því farið að síga á
seinni hluta ferilsins hjá honum.
Hvað sér hann fyrir sér að hann
geti spilað lengi í viðbót?
„Eins og líkamanum líður þá
gæti ég spilað í fjögur til fimm
ár í viðbót. Öxlin er samt líklega
ekki á sama máli. Hún vill reyna
að lifa af fram á sumarið,“ segir
Alexander og hlær við.
henry@frettabladid.is
Landsliðsferillinn er ekki búinn
Alexander Petersson mun ekki spila með Íslandi á EM í janúar vegna þrálátra axlarmeiðsla. Þetta er þriðja stórmótið af síðustu fj órum
sem hann missir af. Þó svo ástand leikmannsins sé ekki gott ætlar hann ekki að leggja landsliðsskóna á hilluna. Hann segist ekki geta
horft á leiki landsliðsins þegar hann er ekki með. Alexander getur nánast ekkert æft og þarf að bryðja verkjatöfl ur fyrir leiki.
OFT ERFITT Alexander hefur spilað
kjálkabrotinn og lemstraður fyrir lands-
liðið án þess þó að kvarta. Er hann því
oft kallaður vélmennið. FRÉTTABLAÐIÐ/VALLI
STRÍÐSMAÐUR Alexander hefur alla tíð verið afar ósérhlífinn leikmaður og fórnað sér fyrir landsliðið og félagslið. Þessi fórnfýsi hefur komið í bakið á honum þar sem öxlin
er illa farinn. Hann segir það ekki vera sinn stíl að hlífa sér. FRÉTTABLAÐIÐ/VILHELM
Gerir eins og Óli Stef
Þessi mikli baráttujaxl leitar allra leiða til þess að halda ferlinum
gangandi. Hann hefur meðal annars leitað í smiðju síns gamla félaga úr
landsliðinu, Ólafs Stefánssonar.
„Ég er farinn að hugsa mun betur um líkamann en ég gerði áður. Farinn
að borða hollari mat og gera allt eins heilbrigt og hægt er. Líkaminn þarf
alla hjálp sem ég get veitt honum. Þetta hefur aðeins hjálpað en ekki
nóg. Ég mun samt halda áfram á þessari
braut. Óli Stef var í vandræðum með
öxlina á sér og annað. Um leið og hann
breytti mataræðinu lagaðist allt hjá
honum og hann náði fyrri styrk.
Það sem meira er þá spilaði hann
til fertugs. Hann spilaði meira
segja síðasta leikinn nánast án
þess að vera í skóm. Það segir
margt um hversu góðu formi
hann var í,“ segir Alexander
léttur og hlær við.