Fréttablaðið - 08.01.2014, Blaðsíða 12

8. janúar 2014 MIÐVIKUDAGUR| FRÉTTIR |
Helsti veikleiki ferðaþjónustunnar
á Vestfjörðum eru samgöngurnar á
svæðinu. Hins vegar felast helstu
tækifærin í sjálfbærri nýtingu á
náttúru svæðisins, og því mikilvægt
að fara sér hægt við uppbyggingu
atvinnustarfsemi sem mögulega gæti
skaðað ímynd Vestfjarða sem óspillts
svæðis.
Þetta er meðal þess sem kemur
fram í skýrslu Gústafs Gústafssonar,
forstöðumanns Markaðsstofu Vest-
fjarða, um tækifæri í ferðaþjónustu í
fjórðungnum, en skýrslan er unnin að
beiðni Verndarsjóðs villtra laxastofna
(NASF), sem Orri Vigfússon veitir for-
stöðu.
Orri sagði við upphaf kynningar á
skýrslunni í gær að hvati NASF til að
láta taka út ferðaþjónustuna á Vest-
fjörðum væri það að alls staðar við
Norður-Atlantshaf væri nú reynt að
nýta náttúrulega sérstöðu svæða til
að byggja upp ný atvinnutækifæri.
Áhyggjur Orra og NASF af hugmynd-
um um stórfellt laxeldi í sjókvíum á
Vestfjörðum eru vel kynntar. Því vill
NASF nokkru til kosta til að kanna þá
möguleika sem fyrir eru á svæðinu,
áður en ráðist er í slíkt eldi eða annan
atvinnurekstur sem spillt getur ímynd
og sérstöðu Vestfjarða.
„Því vildum við gera úttekt á því
hvað hægt er að gera á Vestfjörðum; fá
fólk til að hrinda af stað fleiri verkefn-
um í ferðaþjónustu. Þar kemur gríðar-
lega margt til greina; skíðaferðir, sjó-
stangaveiði, lax- og silungsveiði og
gönguferðir upp um fjöll og firnindi,“
sagði Orri.
Útlínur
Eins og staðan er í dag má segja að
Vestfirðir verði af stórum hópi ferða-
manna af ýmsum ástæðum. Skýrslu-
höfundur tilgreinir sérstaklega sam-
göngur sem helsta veikleika svæðisins,
þó finna megi ýmsar samgöngubæt-
ur sem hafa verið til bóta. „Verulega
skortir á að bæta flugsamgöngur,
tengja þarf norður- og suðursvæðið
saman með heilsársvegi og byggja
upp heilsársveg á suðurfjörðunum og
á Ströndum. Einnig er fjarskiptum
og rafmagnsöryggi ábótavant í fjórð-
ungnum,“ skrifar Gústaf sem bindur
miklar vonir við að staðið verði við
núverandi samgönguáætlun, en sam-
kvæmt henni mun vinna við Dýra-
fjarðargöng hefjast á næsta ári með
tilheyrandi úrbótum.
Það ber ekki að skilja sem svo að
uppgangur ferðaþjónustunnar síð-
asta áratuginn hafi ekki náð vestur –
ferðaþjónusta er vaxtarsprotinn sem
vonir eru bundnar við eins og víðar.
Til ferðaþjónustunnar er litið til að
breyta ímynd, íbúaþróun og möguleik-
um svæðisins í samspili við sjávarút-
veginn sem fyrir er sterkur.
Framþróun ekki sjálfsögð
Gústaf, sem var veðurtepptur í gær og
talaði til fundarmanna í gegnum fjar-
fundarbúnað, sagði ljóst að „þolinmótt
fjármagn“ þurfi að koma til ef upp-
bygging ferðaþjónustunnar á að tak-
ast og tryggja nýliðun. Hann sagði að
greinin sjálf þurfi að spýta í lófana og
fjölga þurfi fyrirtækjum sem starfa
allt árið um kring. „En íslenska ríkið
og sveitarfélögin á svæðinu þurfa að
hlúa að þörfum greinarinnar, að mínu
mati, og ákveða hvort ferðaþjónustan á
að verða einn af burðarstólpum byggð-
ar hér – og þá með bættum samgöng-
um, skýrri stefnumótun og umhverf-
isvænu skipulagi á sjálfbærri nýtingu
svæðisins.“
Gústaf sagði að ferðaþjónustan á
Vestfjörðum gæti þróast í ólíkar áttir.
Hún gæti blómstrað, en annar mögu-
leiki væri sá að aðrar atvinnugrein-
ar, og þá þær sem vinna gegn hreinni
ímynd villtrar náttúru, rýri mögu-
leikana. Gústaf segir að það gæti
óöryggis í ferðaþjónustunni á Vest-
fjörðum gagnvart stefnu ríkis og sveit-
arfélaga varðandi nýtingu náttúrunn-
ar. Slík umræða hafi risið í tengslum
við olíuhreinsunarstöð í Arnarfirði og
þetta sé að endurtaka sig „varðandi
uppbyggingu sjókvíaeldis víðsvegar á
Vestfjörðum“.
Gústaf bætir við að „fjárfestar
þurfa tryggingu fyrir því að grunnin-
um verði ekki kippt undan þeirri starf-
semi sem þeir vilja byggja upp og það
þarf varla að benda á að samkeppni
svæða um fjárfestingu er gríðarleg. Í
viðtölum við aðila sem hyggja á fjár-
festingu í ferðaþjónustu á Vestfjörð-
um kom skýrt fram að grunnforsenda
frekari uppbyggingar er ósnortin nátt-
úra svæðisins.“
Samgöngur eru akkillesarhællinn
Ef ferðaþjónusta á að blómstra á Vestfjörðum verða að koma til stórtækar samgöngubætur. Byggja verður á ósnortinni náttúru og varast að
spilla þessari helstu söluvöru svæðisins. Ríki og sveitarfélög verða að axla ábyrgð með skýrri stefnumótun og sjálfbærri nýtingu.
LÁTRABJARG Í stefnumótun Ferðamálasamtaka Vestfjarða felst sérstaðan
í ósnortinni náttúru, einstakri friðsæld og öðruvísi upplifun, og á því skal
byggja. FRÉTTABLAÐIÐ/ANTON
■ Gistinóttum á Vestfjörðum hefur fjölgað um 92% frá árinu 2003
til ársins 2012. Það er 6,6% vöxtur á ári að meðaltali.
■ Heildarfjöldi gistinátta á landsvísu hefur aukist um 88% á sama
tímabili. Má þess geta að um 200 fyrirtæki eru í ferðaþjónustu á
Vestfjörðum, og fer fjölgandi.
■ Hagræn áhrif ferðaþjónustu á Vestfirði eru nú þegar töluverð.
Árið 2012 heimsóttu Vestfirði rúmlega 60.000 gestir og á móti
þeim tóku nálægt 150 manns sem starfa við greinina.
■ Árið 2011 heimsóttu tæplega 14% erlendra gesta Vestfirði að
sumarlagi, og 4,6% yfir aðra mánuði ársins 2012.
■ Kannanir sýna að erlendur ferðamaður sem heimsækir Vestfirði
er 50% líklegri en meðalferðamaðurinn til að stunda gönguferðir,
fuglaskoðun, bátsferðir og selaskoðun í Íslandsferðinni.
200 ferðaþjónustufyrirtæki á Vestfjörðum
Í viðtölum
við aðila sem
hyggja á fjár-
festingu í
ferðaþjónustu á
Vestfjörðum
kom skýrt fram
að grunnforsenda frekari
uppbyggingar er ósnortin
náttúra svæðisins
Gústaf Gústafsson,
forstöðumanns Markaðsstofu Vestfjarða
ASKÝRING | 12
FERÐAÞJÓNUSTA Á VESTFJÖRÐUM
Svavar
Hávarðsson
svavar@frettabladid.is
Skoðaðu úrvalið á
NOTADIR.BRIMBORG.IS
Söludeildir eru opnar virka daga kl. 9-17 og laugardaga kl. 12-16
Brimborg Reykjavík: Bíldshöfða 6, sími 515 7030
Brimborg Reykjavík: Bíldshöfða 8, sími 515 7040
Brimborg Akureyri: Tryggvabraut 5, sími 515 7050
Tilboð: 1.950.000 kr.
Mazda2 Advance ATA79
Skráður júní 2012, 1,5 bensín, sjálfsk.
Ekinn 56.000 km.
Ásett verð: 2.090.000 kr.
Tilboð: 1.990.000 kr.
Toyota Avensis EXE UZG16
Skráður nóv. 2007, 2,0i bensín, sjálfsk.
Ekinn 104.000 km.
Ásett verð: 2.290.000 kr.
Tilboð: 1.990.000 kr.
Volvo S60 SY658
Skráður jan. 2007, 2,0 turbo bensín, sjálfsk.
Ekinn 103.000 km.
Ásett verð: 2.290.000 kr.
Tilboð: 2.390.000 kr.
Ford Explorer Eddie Bauer VS425
Skráður maí 2007, 4,0i bensín, sjálfsk.
Ekinn 94.000 km.
Ásett verð: 2.790.000 kr.
Við tökum notaðabílinn þinn uppí á hagstæðu verði og þú getur fengið milligjöfina lánaða - möguleiki á engri útborgun.
Fylgstu með á
FACEBOOK
Notaðir bílar
- Brimborg
Nýlegir bílar hafa mun lægri rekstrarkostnað en eldri bílar. Viðhaldið er minna og eyðslan lægri.Kynntu þér málið!
LÆKKAÐU
REKSTR
Mikið úrvalnýlegra bíla
Tilboðsbílarnir fara
beint á Facebook!