Fréttablaðið - 18.03.2014, Blaðsíða 2

18. mars 2014 ÞRIÐJUDAGUR| FRÉTTIR | 2
Arnar, fékkstu nóg af öllu?
„Nei, alltaf getur gott bestnað.“
Arnar Dan Kristjánsson lék Abel í senu
Hollywood-myndarinnar Noah sem tekin var
á Íslandi árið 2012 og er forsýnd á sérstakri
viðhafnarsýningu í Egilshöll í dag. Arnar segir
mikinn lúxus hafa verið á tökustað.
ELDGOS Þensla eldfjallsins Heklu
hefur aukist jafnt og þétt undan-
farin ár. Jarðvísindamenn hafa
búist við gosi frá því skömmu fyrir
2010 þegar þenslan mældist meiri
en fyrir síðasta gos árið 2000.
„Í mínum huga er óvissa um hve-
nær Hekla gýs næst. En það er full
ástæða til að fylgjast vel með og
fara yfir viðbragðsáætlanir. En það
gæti líka liðið einhver tími þar til
næsta gos verður,“ segir Freysteinn
Sigmundsson, jarðeðlisfræðingur á
Jarðvísindastofnun Háskóla Íslands.
„Það sem við teljum að hafi
verið að gerast undir Heklu síðan í
síðasta eldgosi er að það hafi verið
kvikusöfnun undir eldfjallinu jafnt
og þétt. Hún gerist þannig að það
safnast kvika undir fjallið og það
rís lítillega og tútnar út um nokkra
millimetra á ári. Við teljum ekki
útilokað að Hekla geti enn um
sinn safnað í sig meiri kviku,“
segir Freysteinn og bætir við að
jarðskjálftar hafi verið meiri á
svæðinu upp á síðkastið en undan-
farin ár. „Ef til eldgoss kemur
verða jarðskjálftar líklega sterk-
asta vísbendingin. Það gæti orðið
með stuttum fyrirvara, einni til
tveggja klukkustunda.“
Lögreglan í Rangárvallasýslu
mælist til þess að fólk hafi með
sér farsíma ef það ætlar að ganga
á Heklu, svo hægt sé að koma
skilaboðum til þess ef mælar sýna
aðdraganda eldgoss. Unnin hefur
verið ítarleg viðbragðsáætlun í
samstarfi við ýmsa faghópa þar
sem tillit er tekið til mismunandi
gosa í Heklu. - fb
Kvika hefur verið að safnast jafnt og þétt undir Heklu undanfarin ár, segir jarðeðlisfræðingur:
Fjallið tútnar út um nokkra millimetra á ári
HEKLUGOS Hekla gaus síðast árið
2000. FRÉTTABLAÐIÐ/VILHELM
MARKMIÐIN UNDIRRITUÐ Fulltrúar kaþólsku kirkjunnar og múslíma sitja, en að
baki standa Ástralinn Andrew Forrest og fulltrúi ensku biskupakirkjunnar.
FRÉTTABLAÐIÐ/AP
PÁFAGARÐUR, AP Leiðtogar kristinna og múslíma hafa tekið höndum
saman um að útrýma þrælahaldi í heiminum.
Milljónir manna, jafnt karlar sem konur, fullorðnir sem börn, búa
við nútímaþrælahald og eru ýmist þvinguð til að sinna heimilisstörf-
um, vændi, barnahermennsku eða nauðungarvinnu af ýmsu tagi.
Fulltrúar kaþólsku kirkjunnar, ensku biskupakirkjunnar og músl-
íma undirrituðu í gær samkomulag um að gera átak til þess að útrýma
þrælahaldi. Frumkvæði átaksins kemur frá ástralska auðkýfingnum
Andrew Forrest, sem jafnframt mun leggja til fjármagn. - gb
Kristnir og múslímar ætla að sameinast gegn þrælahaldi:
Milljónir í nútímaþrælahaldi
SKÓLAMÁL Vilji er til þess hjá sveitarfélögum á
höfuðborgarsvæðinu að gera tilraun með flutning
reksturs framhaldsskóla til sveitarfélaga. Þetta
kemur fram í nýrri skýrslu sem Samtök sveitar-
félaga á höfuðborgarsvæðinu kynntu í gær.
Garðabær, Reykjavík og Hafnarfjörður hafa
þegar lýst yfir áhuga á að taka að sér rekstur fram-
haldsskóla og vilja hefja viðræður við menntamála-
ráðuneytið um rekstur einstakra skóla.
Í skýrslunni kemur fram að flutningur reksturs
framhaldsskólanna sé ákveðnum vandkvæðum
bundinn en kennarar og stjórnendur framhaldsskól-
anna hafa áhyggjur af því að flutningurinn gæti
skapað hættu á minni fjölbreytni innan skólanna og
færri valmöguleikum nemenda. Jafnframt að sjálf-
stæði skólanna yrði ógnað með aukinni pólitískri
miðstýringu frá sveitarfélögum.
Nú er staðan sú að skólarnir smíða sína eigin
námsskrá sem skapar skólunum sérstöðu og sjálf-
stæði.
Fram kemur að með flutningi náist meiri sam-
fella í nám sem skilar sér í betri þjónustu til nem-
enda. Samfellan gæti minnkað brotthvarf úr fram-
haldsskólum sem hérlendis er mun hærra en á
Norðurlöndum og í ríkjum OECD.
Flutningur reksturs framhaldsskólanna væri
svar við sívaxandi kröfu um að framhaldsskólinn
sé skilgreindur sem nærþjónusta. -ssb
Ný skýrsla frá Samtökum sveitarfélaga á höfuðborgarsvæðinu kynnt í gær:
Vilja meiri samfellu í skólastarf
Í FREMSTU RÖÐ Verkefnastjórn kynnti skýrsluna á fundi í
Austurbæjarskóla í gær. FRÉTTABLAÐIÐ/STEFÁN
UTANRÍKISMÁL Þvingunaraðgerðir
Bandaríkjanna og Evrópusam-
bandsins (ESB) gagnvart Rúss-
landi til stuðnings Úkraínu eru
mikilvægt skref, og Ísland ætti
að taka þátt í þeim aðgerðum að
mati Gunnars Braga Sveinssonar
utanríkisráðherra.
Í tilkynningu frá utanríkis-
ráðuneytinu segir að ráðherra
muni hafa lögbundið samráð við
utanríkismálanefnd um þátttöku
Íslands í aðgerðunum.
Þar er haft eftir Gunnari Braga
að Ísland geti tekið þátt í aðgerð-
um ESB á grundvelli samnings-
ins um Evrópska efnahagssvæðið
(EES). - bj
Ísland á að styðja þvinganir:
Málið rætt í
þingnefnd í dag
FJÖLMIÐLAR Tap af rekstri RÚV
verður umtalsvert meira á yfir-
standandi ári en áætlanir gerðu
ráð fyrir þrátt fyrir umfangs-
miklar niðurskurðaraðgerðir,
meðal annars uppsagnir, sem
gripið var til. Þetta kemur fram
í tilkynningu frá stjórn Ríkisút-
varpsins til Kauphallar Íslands.
Í tilkynningunni segir að
niður staðan valdi vonbrigðum og
stjórn félagsins hafi óskað eftir
því að fram fari óháð úttekt á
fjármálum fyrirtækisins.
Áætlað er að tap af rekstri
félagsins verði 305 milljónir
króna fyrstu sex mánuði ársins,
og 357 milljónir á árinu öllu. - bj
Áætlanir RÚV stóðust ekki:
Tap á rekstri
305 milljónir
EFNAHAGSMÁL Bankaráð Seðla-
banka Íslands kom saman til
tíu funda á síðasta ári. Kostnað-
ur vegna hvers fundar nam 1,6
milljónum króna. Heildarkostn-
aður bankans vegna bankaráðs-
ins nam því 16 milljónum króna
á árinu.
Sjö fulltrúar sitja í banka-
ráðinu og jafnmargir til vara.
Gjaldfærður ferðakostnaður
vegna bankaráðs Seðlabanka
Íslands á síðasta ári var 881 þús-
und krónur.
Ólöf Nordal, formaður banka-
ráðsins, býr í Sviss og bank-
inn greiddi 250 þúsund krónur
í ferðakostnað vegna hennar.
Annar bankaráðsmaður, Jón
Helgi Egilsson, bjó í Bandaríkj-
unum hluta tímabilsins og bank-
inn greiddi heldur meira í ferða-
kostnað fyrir hann, eða tæpar 280
þúsund krónur. Þá greiddi bank-
inn ferðakostnað fyrir Björn Val
Gíslason og Hildi Traustadóttur.
Ferðakostnaður sem greiddur var
vegna þeirra beggja nam rúmum
330 þúsund krónum.
Samkvæmt upplýsingum frá
Seðlabankanum setti efnahags-
og viðskiptaráðuneyti og Ríkis-
endurskoðun það viðmið fyrir
fjórum árum að bankanum bæri
að greiða ferðakostnað banka-
ráðsmanna. Í svari frá bankan-
um segir að við greiðslu ferða-
kostnaðar sé auk þess tekið
mið af reglum sem bankans um
greiðslu ferðakostnaðar vegna
starfsmanna.
Um 14,9 milljónir króna fóru í
laun og launatengd gjöld banka-
ráðsmanna í fyrra, um 1,5 millj-
ónir fyrir hvern fund. Það gera að
meðaltali um 214 þúsund á hvern
hinna sjö bankaráðsmanna, en
formaðurinn fær hærri laun en
aðrir. johanna@frettabladid.is
Hver fundur kostar
1,6 milljónir króna
Tíu fundir sem haldnir voru í bankaráði Seðlabanka Íslands í fyrra kostuðu alls
16 milljónir króna. Ferðakostnaður var greiddur vegna fjögurra fulltrúa í ráðinu.
Ólöf Nordal, formaður bankaráðs Seðlabanka Íslands, býr í Sviss. Hún
greindi Seðlabankanum frá þeirri ákvörðun sinni að hún ætlaði að greiða
hluta af ferðakostnaði sem hlytist af veru hennar erlendis þrátt fyrir að
bankanum bæri að greiða kostnaðinn. Frá því Ólöf var kosin í bankaráðið
í júní í fyrra hefur kostnaður vegna ferðalaga hennar numið 588 þúsund
krónum. Ólöf hefur sjálf greitt 338 þúsund en bankinn 250 þúsund.
Ólöf greiðir sjálf hluta ferðakostnaðar
BANKARÁÐ SEÐLABANKA ÍSLANDS Greiðslur vegna launa bankaráðsmanna og ferðakostnaðar námu samtals sextán millj-
ónum í fyrra. FRÉTTABLAÐIÐ/GVA
SPURNING DAGSINS
Reykvíkingar!
Ekki gleyma að
kjósa um betri
hverfi
kjosa.betrireykjavik.is
Virkjum íbúalýðræðið!
Opið er fyrir atkvæðagreiðslu
11.-18. mars