Fréttablaðið - 18.03.2014, Blaðsíða 30

18. mars 2014 ÞRIÐJUDAGUR| MENNING | 22
Í HIMNARÍKI
Jon Bon Jovi lést þann 19. desember 2011
samkvæmt fjölda frétta og vefsíðunni
Wikipedia. Söngvarinn sannaði að hann væri
lifandi á Facebook og birti mynd af sér með
orðsendingu sem í stóð: „Himna-
ríki lítur út eins og New
Jersey, 19. desember
2011, 6.00.“
Platfréttir um andlát stjarnanna
tröllríða internetinu
Sögur um að leikarinn Wayne Knight, sem þekktastur er fyrir að leika Newman í Seinfeld, væri látinn fóru
á fl ug um helgina. Sögurnar reyndust ekki vera sannar og leiðrétt leikarinn misskilninginn á Twitter. Þetta er
hins vegar langt frá því að vera í fyrsta sinn sem sögur af þessu tagi plata heimsbyggðina upp úr skónum.
RUGLINGSLEGT KASSAMERKI
Kassamerkið #nowthatchersdead ruglaði marga í
ríminu þegar Margaret Thatcher lést í apríl í fyrra.
Sumir lásu kassamerkið sem Now That Cher Is Dead,
eða núna þegar CHER ER LÁTIN: Sögusagnirnar um
andlát söngkonunnar fóru á flug og var raunveruleika-
stjarnan Kim Kardashian ein þeirra sem létu blekkjast
og tísti: „Var ég að heyra að Cher væri dáin? Er það
rétt? Guð minn góður.“
STAÐFESTI ANDLÁTIÐ Á TWITTER
Leikarinn Russell Crowe átti að hafa dáið þann 10.
júní árið 2010 þegar hann var í tökum á kvikmynd
í Austurríki. Russell tók þátt í gríninu og staðfesti
það á Twitter. „Ég get ekki svarað tístum eftir að
ég datt niður af fjallsbrún í Austurríki. Fjölmiðlar
hafa aldrei rangt fyrir sér.“
ÁNÆGÐUR MEÐ AÐ
VERA Á LÍFI
Fréttir um að Playboy-
kóngurinn Hugh Hefner
hefði látist úr hjartaáfalli
þann 11. júlí árið 2011 fóru
eins og eldur í sinu um
heiminn. Hugh ákvað að
leiðrétta þennan hvimleiða
misskilning á Twitter-síðu
sinni. „Ég er glaður yfir að
sjá hve margir eru ánægðir
með það að ég sé ekki
dauður. Það er ég líka.“
MINNINGAR-
RÆÐA UM
HANN SJÁLFAN
Twitter logaði 25. júní
2009 eftir að hrekkja-
lómur bjó til frétt um
að Jeff Goldblum hefði
látist á Nýja-Sjálandi.
Jeff kom fram í þætti
Stephens Colbert
nokkrum dögum síðar
og sagðist vera lifandi.
„Mér þykir leitt að trufla
minn kæra vin Stephen
en ég er ekki dáinn. Ég
var ekki einu sinni á
Nýja-Sjálandi í síðustu
viku!“ sagði leikarinn.
Þegar Stephen sagði
honum að lögreglan á
Nýja-Sjálandi hefði
staðfest andlátið
bauð Jeff upp á
minningarræðu.
„Enginn mun
sakna Jeffs
Goldblum
meira en ég.
Hann var ekki
aðeins vinur
og lærimeistari,
hann var einn-
ig … ég.“
FRÆGASTA PLATFRÉTT Í HEIMI
Söngvarinn Paul McCartney á að hafa
hrokkið upp af árið 1966 og hefur
staðgengill hans spilað tónlist í hans stað
allar götur síðan. Í mars 2012 voru þessar
sögur endurvaktar þegar kassamerkið
RIP Paul McCartney varð trend á Twitter.
LÉST Í FLUGSLYSI
Vefsíðan fakeawish.com sagði frá því
í júní árið 2009 að leikarinn George
Clooney hefði látist í flugslysi.
Margir trúðu þessu og komust sumir
vina leikarans í mikið uppnám.
Söngkonan Lorde vandar forsvars-
mönnum fréttaveitunnar og sjón-
varpsstöðvarinnar E! ekki kveðj-
urnar á Twitter-síðu sinni. E!
hafði samband við kærasta henn-
ar, James Lowe, til að spyrja hvort
þau Lorde væru trúlofuð. Ástæða
vangaveltnanna var að Lorde hafði
verið mynduð með demantshring á
baugfingri.
„Maður er orðinn frægur þegar
viðrini frá E! halda að það þýði
að maður ætli að gifta sig þegar
maður gengur um með hring,“
skrifar söngkonan og birtir mynd
af tölvupósti sem James barst.
Bætir Lorde við að hún ætli að
byrja að ganga um með nammi-
hring framvegis upp á grín.
- lkg
Lorde ekki trúlofuð
Söngkonan margverðlaunaða blæs á kjaft asögurnar.
EKKI SKEMMT
Lorde fannst
tölvupóstur frá E!
ekki fyndinn.
FRÉTTABLAÐIÐ/GETTY
FRAMDI SJÁLFSMORÐ
Fréttir um að söngkonan Miley Cyrus hefði framið
sjálfsmorð vegna streitu grasseruðu eftir umdeilt atriði
hennar á MTV Video Music-verðlaunahátíðinni í fyrra.
Þá var það meira að segja tekið fram að Miley hefði
tekið upp kveðju fyrir aðdáendur sína áður en hún féll
fyrir eigin hendi. Hún er að sjálfsgöðu enn sprelllifandi.
HEFUR DÁIÐ MARGOFT
Enginn hefur lent verr í því en leikarinn Morgan Freeman sem hefur oft
látist í platfréttum. Náði þetta hámarki þegar einhver stofnaði Facebook-
síðuna RIP Morgan Freeman. Þá lét stórleikarinn í sér heyra. „Ég er alltaf
að lesa að ég sé dáinn eins og Mark Twain. Ég vona að þessar sögur séu
ekki sannar – en ef þær eru það get ég hamingjusamur sagt að lífið fyrir
handan er eiginlega eins og líf mitt meðal lifandi manna.“
KENNDI BETTY WHITE UM
Spéfuglinn Joan Rivers var fljót að
svara fyrir sig þegar fréttir um að hún
hefði látist þann 14. september árið
2011 komust á kreik. „Ég veit ekki
hvaðan þetta kom. Ég fór á kostum
á skemmtun í Ottawa um helgina og
klúðraði engu. Ég held að sagan sé
komin frá Betty White – en sú tík!“
LÍFIÐ
Rekstrarvörur
- vinna með þér