Fréttablaðið - 18.03.2014, Blaðsíða 10

18. mars 2014 ÞRIÐJUDAGUR| FRÉTTIR | 10
KENNARAR Í KJARABARÁTTU
Hrönn Baldursdóttir, náms- og starfs-
ráðgjafi við Fjölbrautaskólann í Ármúla,
segir að vart hafi orðið við uppgjafartón í
mörgum nemendum sem orðnir voru svo-
lítið eftir á í náminu. „Þeir héldu að það
væri bara best að hætta. Í fyrri verkföllum
hefur hins vegar verið tækifæri til að ljúka
önninni ef ákveðnum viðmiðum hefur
verið náð. Þess vegna er mikilvægt að
nota tímann á meðan verkfallið stendur
til að endurskipuleggja sig.“
Sveindís A. Jóhannsdóttir fjölskylduráðgjafi segir brýnt að foreldrar ræði
stöðuna við ungmennin, bæði þau sem eru yngri og eldri en 18 ára. „Sum
eru í námi án þess að það sé markmið í sjálfu sér og sjá þarna tækifæri til að
fara að vinna. Ef þau fá vinnu þarf það ekki að vera það versta en það þarf að
ræða um hver markmiðin og gildin í lífinu eru. Það er auðvitað hlutverk fjöl-
skyldunnar að hvetja ungmennin til náms.“ - ibs
➜ Brýnt að ræða stöðuna og nota tímann
HRÖNN
BALDURSDÓTTIR
SVEINDÍS A.
JÓHANNSDÓTTIR
1 Haldið áfram að læraMikilvægt er að nota tímann á meðan á verkfalli stendur til að halda náminu áfram og rifja upp.
2 Undirbúið verkefniSkoðið kennsluáætlanir og undirbúið og vinnið verkefni sem hægt er að vinna sjálfstætt.
3 Haldið rútínunniFarið ekki of seint að sofa, vaknið fyrir hádegi, lærið á hverjum degi, hreyfið ykkur og hugsið jákvætt.
4 Takið ykkur áNú er hægt að verja tíma í það sem setið hefur á hakanum.
5 Æfið af kappiVerið dugleg að æfa ef þið stundið einhverja sérstaka íþrótt.
6 Eflið fjölskyldutengslinNú er tækifæri til að heimsækja ömmu og afa og aðra í fjölskyldunni oftar.
7 Vinnið heimilisverkSemjið við foreldrana um aukna þátttöku í heimilisstörfum.
7 ráð fyrir nemendur
Ráð frá námsráðgjafa og fjölskylduráðgjafa um hvernig
gott er að verja tímanum á meðan á verkfalli stendur.
Í FJÖLBRAUT VIÐ ÁRMÚLA Sandra Sigurðardóttir var mætt í skólann upp úr níu í
gærmorgun til að læra. FRÉTTABLAÐIÐ/VILHELM
Sáttafundur í kjaradeilu fram-
haldsskólakennara og ríkisins
hefst klukkan tíu í dag. Sáttafund-
ur í deilunni stóð til klukkan sex í
gær án teljandi árangurs.
Að sögn Gunnars Björnssonar,
formanns samninganefndar ríkis-
ins, ber deiluaðilum mikið í milli.
Það varði ekki einungis launalið-
inn heldur mun fleiri þætti í kjara-
samningsgerðinni.
Ríkið lagði fram tilboð til
launsnar deilunni í fyrradag og
kennarar skoðuðu það í gær. Að
sögn Aðalheiðar Steingrímsdótt-
ur, formanns Félags framhalds-
skólakennara, leist kennurum illa
á það. Í tilboðinu væru ekki þær
tölur sem kennarar vildu sjá.
Kennarar telja að laun þeirra
þurfi að hækka um 17 prósent svo
laun þeirra verði sambærileg laun-
um þeirra stétta ríkisstarfsmanna
sem þeir miða sig við.
Aðalheiður segir enga ástæðu
til bjartsýni um að verkfallið sé
að leysast.
Gunnar segir að ríkið komi ekki
til með að leggja fram nýtt tilboð
fyrr en þeir fái endanleg viðbrögð
við tilboðinu sem lagt var fram í
fyrradag. „Við eigum von á frekari
viðbrögðum við því, kennarar eru
ekki búnir að svara öllum þáttum
þess,“ segir hann.
johanna@frettabladid.is
Lítið þokast í deilu
kennara og ríkisins
Verkfallsnefnd kennara ætlar að heimsækja nokkra skóla í dag og athuga hvort
einhverjir séu að fremja verkfallsbrot. Sáttafundur í kjaradeilunni er boðaður í
dag. Mikið ber enn í milli í kjaradeilunni. Ekki er von á nýju tilboði frá ríkinu.
- snjallar lausnir
545 3200 wise.is sala@wise.isGold Enterprise Resource Planning
Silver ndependent Software Vendor ( SV)
Borgartún 26, Reykjavík » Hafnarstræti 102, Akureyri
sími: 545 3200 » wise@wise.is » www.wise.is
Dynamics NAV er einn mest seldi
bókhaldshugbúnaður á Íslandi í dag.
Wise er í fararbroddi í upplýsingatækni með sérstaka áherslu á
ráðgjöf, hugbúnaðargerð og innleiðingar ásamt öflugri og
persónulegri þjónustu.
Fjölbreyttar lausnir á sviði fjármála, viðskiptagreindar, verslunar,
sérfræðiþjónustu, sjávarútvegs, sveitarfélaga og flutninga, sem
einfalda þér þitt hlutverk.
„Við verðum að bíða og sjá hvern-
ig skólarnir ætla að framkvæma
námsmat fyrir vorönnina,“
segir Jónas Fr. Jónsson, formað-
ur stjórnar Lánasjóðs íslenskra
námsmanna.
Hann segir að þegar það verði
ljóst verði hægt að svara nemend-
um sem eru á lánum frá sjóðnum
um hvort þeir fái lán í vor.
Nokkur hundruð nemenda á
framhaldsskólastigi treysta á lán
frá Lánasjóði íslenskra náms-
manna sér til framfærslu. Regl-
an er sú að námslán eru afgreidd
frá sjóðnum þegar nemendur geta
sýnt fram á að þeir hafi lokið til-
skyldum einingum sem þarf til að
fá lánin.
„Við höfum miklar áhyggjur af
þeim nemendum sem eru á námslán-
um,“ segir Laufey María Jóhanns-
dóttir, formaður Félags íslenskra
framhaldsskólanema.
„Ef verkfallið verður langt vonum
við að Lánasjóðurinn sýni því skiln-
ing og verði sveigjanlegur gagnvart
þessu fólki,“ bætir hún við.
Laufey María segir að margir
nemendanna séu með yfirdráttar-
lán í bönkum. Ef þeir fái ekki náms-
lán til að gera upp yfirdráttarlánin
geti þeir setið uppi stórskuldugir og
hrökklast frá námi. - jme
Fjöldi framhaldsskólanema fær námslán hjá Lánasjóði íslenskra námsmanna:
Hafa áhyggjur af lánunum
NEMAR Á LÁNUM Laufey María Jóhanns-
dóttir, formaður Félags íslenskra fram-
haldsskólanema, segir að framhaldsskóla-
nemdur á námslánum séu áhyggjufullir.
„Við ætlum að heimsækja nokkra skóla í dag og ganga úr skugga um að
það sé enginn að brjóta verkfallið,“ segir Sigurður Ingi Andrésson, for-
maður verkfallsnefndar Félags framhaldsskólakennara.
Verkfallsnefndin hittist í gær og fór yfir þær reglur sem gilda í verkfall-
inu. Kennarar mega til að mynda ekki vera í skólahúsnæði á verkfallstíma.
Þeir mega ekki vinna við náms- og kennsluvefi.
Félagsstarf nemenda sem fer fram undir umsjón kennara fellur niður
á meðan verkfall stendur. Kennarar mega heldur ekki fylgja nemendum í
skólaferðalög. Þá má ekki færa til stundatöflur eða breyta vinnuskipulagi
þeirra starfsmanna skóla sem ekki eru í verkfalli. Allt námskeiðahald á
vegum skóla í umsjón eða á ábyrgð kennara sem eru verkfalli fellur niður í
framhaldsskólum landsins.
Hvorki félagsstarf né skólaferðalög
SJÁLFSNÁM Þrátt fyrir að kennarar séu í verkfalli ákváðu þessir krakkar í MR að
koma í skólann og stunda sjálfsnám. FRÉTTABLAÐIÐ/STEFÁN