Fréttablaðið - 17.04.2014, Síða 8

17. apríl 2014 FIMMTUDAGUR| FRÉTTIR | 8
Fæst án lyfseðils.
Lesið leiðbeiningar í fylgiseðli vandlega fyrir notkun.
20% afsláttur
SVEITASTJÓRNIR Útkoma ársreikn-
ings Kópavogsbæjar er tíu sinnum
betri en áætlanir gerðu ráð fyrir.
Rekstrarafgangur samstæðu bæj-
arins var 1.192 milljónir 2013, en
áætlun gerði ráð fyrir 108 milljón-
um. Munurinn er 1.084 milljónir.
Ársreikningurinn var lagður
fram í bæjarráði Kópavogs í gær
og verður ræddur í bæjarstjórn 22.
apríl.
Í tilkynningu frá bænum segir
að skýringin á þessum mun liggi
fyrst og fremst í hagnaði vegna
úthlutunar lóða sem nemi 660 millj-
ónum króna og gengishagnaði upp
á rúmar 300 milljónir. Þá lækkuðu
skuldir Kópavogsbæjar um rúma 2
milljarða króna á árinu þrátt fyrir
hækkun lífeyrisskuldbindinga og
hækkun vegna gjaldfærslu verðbóta
á verðtryggðum lánum.
„Niðurgreiðsla skulda Kópavogs-
bæjar um tvo milljarða eru góðar
fréttir fyrir Kópavogsbúa og mikill
rekstrarafgangur sömuleiðis,“ segir
Ármann Kr. Ólafsson bæjarstjóri í
tilkynningu.
Hafsteinn Karlsson, bæjar-
fulltrúi Samfylkingarinnar, tekur
í sama streng. „Það hefur verið
sameiginlegt átak bæði meiri- og
minnihluta á þessu kjörtímabili
að ná skuldum niður. Við í fyrri
meirihluta lögðum mikla áherslu
á að hagræða og það hefur skilað
sér út allt þetta kjörtímabil.“
Samtals námu laun og launa-
tengd gjöld bæjarstjórnar, bæjar-
ráðs og bæjarstjóra 73 milljónum
króna á árinu 2013.
- fbj
Hagnaður vegna úthlutunar lóða og gengishagnaður ástæða góðrar útkomu hjá Kópavogsbæ árið 2013:
Skuldir Kópavogs lækka um tvo milljarða
GÓÐAR FRÉTTIR Íbúar í Kópavogi voru
32.303 þann 1. desember 2013.
FRÉTTABLAÐIÐ/STEFÁN
PÁSKAEGGJALEIKUR Í FÁKASELI
Sveppi og Gói verða á staðnum og halda uppi fjörinu

Húllahoppkeppni
Andlitsmálning fyrir krakka
Heimsóknir í hesthúsið

Páskatilboð Hestaleikhússins
Aðeins 2.500 kr. inn á sýningar kl. 15:00 og
19:00 þann 19. apríl. Frítt fyrir 12 ára og
yngri í fylgd með fullorðnum. fakasel.is | fakasel@fakasel.is | s. 483 5050
Laugardaginn 19. apríl – dagskráin byrjar kl. 13:oo.
Aukasýning 19. apríl
Hestaleikhús kl. 15:00
með Sveppa og Góa
ÚKRAÍNA, AP Úkraínskir hermenn,
sem voru á ferð á sex bryn-
vörðum vögnum, sýndu enga mót-
spyrnu þegar aðskilnaðarsinnar
umkringdu bifreiðarnar og tóku
þær á sitt vald.
Bifreiðunum var síðan ekið
inn í borgina Slovjansk, sem upp-
reisnar menn hafa haft á valdi sínu
undanfarna daga. Hermennirnir
óku bifreiðunum en aðskilnaðar-
sinnar sátu ofan á þeim.
„Hvað átti ég að gera þegar
byssum var beint að mér?“ spurði
einn hermannanna. Annar her-
maður sagði að þeir væru gengnir
til liðs við aðskilnaðarsinna.
Mikil spenna hefur verið í
austan verðu landinu undanfarið.
Úkraínustjórn hefur sent herlið til
þess að ná stjórnarbyggingum úr
höndunum á aðskilnaðar sinnum,
sem vilja að Rússland innlimi
nokkur héruð til viðbótar við
Krímskaga.
NATO fullyrðir að Rússar hafi
sent allt að 40 þúsund hermenn
upp að landamærum Úkraínu.
Bæði núverandi Úkraínustjórn og
ráðamenn á Vesturlöndum hafa
sakað Rússa um að kynda undir
ólgunni í austanverðu landinu.
Anders Fogh Rasmussen, fram-
kvæmdastjóri NATO, sagði í gær
að NATO yrði sýnilegra í nágrenni
Úkraínu á næstunni: „Við munum
vera með fleiri flugvélar á lofti,
fleiri skip á siglingu og meiri við-
búnað á landi,“ sagði hann við
blaðamenn í Brussel í gær.
Stefnt er að fundi í dag þar
sem Rússar og vestrænir ráða-
menn munu spjalla um ástandið
í Úkraínu. Óljóst er þó enn hvort
Rússar ætli að taka þátt í fundinum.
Í héruðunum austan til í landinu
var mikill stuðningur við Viktor
Janúkóvitsj, fyrrverandi for-
seta sem hrökklaðist frá völdum
í febrúar eftir langvinn mótmæli
vestanmegin í landinu. Þau mót-
mæli hófust eftir að hann neitaði
að staðfesta samstarfssamning
við Evrópusambandið, en í staðinn
styrkti hann tengslin við Rússland.
gudsteinn@frettabladid.is
Hertóku sex
herbifreiðar
Aðskilnaðarsinnar í austanverðri Úkraínu náðu á sitt
vald sex brynvörðum bifreiðum frá úkraínska hernum.
Úkraínsku hermennirnir sýndu enga mótspyrnu.
SPENNA Í AUSTURHLUTA ÚKRAÍNU Úkraínsk herþota flýgur yfir þar sem hópur
fólks hafði stöðvað sex úkraínskar herbifreiðar. NORDICPHOTOS/AFP
FÉLAGSMÁL SFR, Stéttarfélag í
almannaþjónustu, hefur samþykkt
nýjan kjarasamning við ríkið.
Atkvæðagreiðsla fór þannig að
tæp 62 prósent samþykktu.
SFR er stærsta aðildarfélag
BSRB með um sjö þúsund félags-
menn. Einungis 40 prósenta kjör-
sókn var í atkvæðagreiðslunni.
Enn eru nokkur félög innan
BSRB sem eiga eftir að semja við
ríkið en Félag flugmálastarfs-
manna ríkisins hefur boðað áfram-
haldandi verkfallsaðgerðir. - ssb
60 prósent sátt við samning:
SFR samþykkti
kjarasamning
REYKJAVÍK Bernhöftstorfa við
Lækjargötu hefur nú bæst í hóp
þeirra svæða í miðborginni þar
sem heimilt er að hafa torgsölu.
Salan er hugsuð fyrir einstak-
linga en sækja þarf um þar til
gert leyfi til að opna þar sölubás
til allt að þriggja mánaða í senn.
Aðstaðan kostar tuttugu þúsund
krónur á mánuði.
Hægt verður að sækja um
pláss á Bernhöftstorfu frá og
með 15. maí næstkomandi en það
er umhverfis- og skipulagssvið
Reykjavíkurborgar sem sér um
útgáfu leyfanna. - ssb
Torgsala leyfð á Bernhöftstorfu við Lækjargötu:
Á að blása lífi í bæinn
SUMARDAGUR Meira líf verður við úti-
taflið á Bernhöftstorfu gangi áætlanir
borgarinnar eftir. FRÉTTABLAÐIÐ/VALLI