Fréttablaðið - 13.06.2014, Blaðsíða 6
13. júní 2014 FÖSTUDAGUR| FRÉTTIR | 6
VEISTU SVARIÐ?
utilif. isGLÆSIBÆ KRINGLUNNI SMÁRALIND
Á
R
N
A
S
Y
N
IR
tjaldaðu
ekki til einnar nætur
High Peak Como
37.990 / 44.990 KR.
4 og 6 manna traust
fjölskyldutjald
High Peak ancona
59.990 KR.
5 manna þægilegt
fjölskyldutjald
High Peak cave
26.990 KR.
2 manna þægilegt
göngutjald
The north face talus 3
64.990 KR.
3 manna létt og rúmgott
göngutjald
Frábært úrval af tjöldum í glæsibæ
LÖGREGLUMÁL Tveir fyrrverandi
starfsmenn Sérstaks saksóknara
upplýstu Ríkissaksóknara um
ólöglegar hleranir embættisins
árið 2012.
Þetta kemur fram í greinar-
gerð sem fréttastofa hefur undir
höndum sem starfsmennirn-
ir fyrrverandi sendu til Ríkis-
saksóknara í ágúst 2012. Tilefni
þessarar greinargerðar var að
starfsmennirnir voru til rann-
sóknar hjá Ríkissaksóknara
vegna meintra brota á þagnar-
skyldu í starfi sem lögreglumenn
hjá Sérstökum saksóknara. Málið
var síðar fellt niður hjá Ríkissak-
sóknara þar sem það þótti ekki
líklegt til sakfellingar.
Annar mannanna segir í sam-
tali við Fréttablaðið að Ríkissak-
sóknari hafi aldrei haft samband
við þá frekar eftir að sakamál-
ið var fellt niður til að rannsaka
þessar ásakanir um ólöglegar
hleranir Sérstaks saksóknara.
Sigríður Friðjónsdóttir ríkis-
saksóknari svaraði því aðeins til
í fyrirspurn fréttastofu að emb-
ættið hefði brugðist við þess-
um ásökunum „með viðeigandi
hætti“.
Í niðurstöðu Héraðsdóms
Reykjavíkur í Imon-málinu svo-
kallaða á dögunum, sem var höfð-
að á hendur stjórnendum Lands-
bankans, segir að Sérstakur
saksóknari hafi brotið gegn sak-
borningunum með því að hafa
hlerað símtöl þeirra við verjend-
ur sína og sleppt því að farga sím-
tölunum. Með því hafi embættið
gerst sekt um brot á ákvæðum
laga um meðferð sakamálagagna.
Þessi hlustun á símtölum sak-
bornings og verjanda átti sér
stað í fleiri málum. Hörður Felix
Harðarson, verjandi Hreiðars
Más Sigurðssonar, fyrrverandi
forstjóra Kaupþings, komst að
því fyrir tilviljun að símtöl hans
og Hreiðars hefðu verið hleruð.
Hörður kærði hlerun á þessum
trúnaðarsamtölum til Ríkissak-
sóknara sem komst að þeirri nið-
urstöðu að ekki væri ástæða til
aðhafast.
„Það er mjög alvarlegt þegar
æðsti handhafi ákæruvalds í
landinu, sem hefur eftirlit með
öllum rannsóknum, fær vitneskju
um þessi vinnubrögð árið 2012 en
þrátt fyrir það kemst þetta ekki
upp fyrr en núna þegar brotin eru
fyrnd,“ segir Sigurður G. Guð-
jónsson hæstaréttarlögmaður.
Sigurður er verjandi Sigur-
jóns Þ. Árnasonar, fyrrverandi
bankastjóra Landsbankans.
„Það er mjög alvarlegt að Ríkis-
saksóknari skuli ekki grípa inn í
atburðarásina þegar þessar ásak-
anir koma fram,“ segir Sigurður.
Sigríður sagði í skriflegu svari
til fréttastofu eftir niðurstöðu
héraðsdóms að hún liti hleran-
irnar alvarlegum augum. Emb-
ættið ætlaði að krefja Sérstakan
saksóknara svara um málin en
hún gaf það síðar út að hún teldi
ekki tilefni til frekari rannsókna
á brotunum þar sem þau væru
fyrnd.
„Það er algjörlega bannað að
fylgjast með samtölum verjenda
og sakborninga. Sakborningar
eiga skýlausan rétt á því að fá
að tjá sig í friði og við verjend-
ur erum þeirra trúnaðarmenn.
Þetta eru miklu alvarlegri brot
en menn gera sér grein fyrir og
ekki síður gegn okkur lögmönn-
unum. En það virðist sem mann-
réttindasáttmálar og mannrétt-
indaákvæði stjórnarskrárinnar
eigi bara ekkert við um þessa
menn. Það sé einhvern veginn
stemningin,“ segir Sigurður.
fanney@frettabladid.is
Vissi af ólöglegum hlerunum
Sérstaks saksóknara árið 2012
Tveir fyrrverandi starfsmenn Sérstaks saksóknara upplýstu Ríkissaksóknara um hleranir á símtölum lögmanna
og sakborninga árið 2012. Ríkissaksóknari segir að brugðist hafi verið við þessum ásökunum en þrátt fyrir það
hefur tvisvar komið í ljós síðan að Sérstakur saksóknari hafi hlerað símtöl sakborninga og verjenda.
FYRND HLERUNARBROT Ríkissaksóknari segir þau hlerunarbrot sem upplýst hefur
verið um fyrnd. FRÉTTABLAÐIÐ/VALLI
LÖGREGLUMÁL Rannsókn á leka
lögreglumanns úr skráningarkerfi
lögreglunnar, LÖKE, er á lokastigi.
Þetta staðfestir Jóhannes Jensson
sem fer með rannsókn málsins hjá
lögreglunni á Suðurnesjum.
Jóhannes staðfestir að málið
verði sent Ríkissaksóknara á allra
næstu dögum. Lögreglumaðurinn
er grunaður um að hafa flett upp
upplýsingum um konur sem kært
hafa kynferðisbrot til lögreglunn-
ar. Upplýsingunum deildi hann svo
í lokuðum Facebook-hóp þar sem
vinir hans tveir gátu skoðað þær.
Mennirnir ræddu upplýsingarnar
jafnframt sín á milli. Lögreglu-
manninum, sem starfaði í umdæmi
lögreglunnar á höfuðborgarsvæð-
inu, hefur verið vikið frá störfum.
Vitorðsmanni hans hjá fjarskipta-
fyrirtækinu Nova var sömuleiðis
vikið frá störfum en hann er grun-
aður um að hafa misnotað aðstöðu
sína hjá fyrirtækinu. Þriðji aðil-
inn, lögfræðingur á lögmannsstofu
í Reykjavík, er í leyfi vegna rann-
sóknarinnar. - ssb
Saksóknari tekur við rannsókn á máli lögreglu, símamanns og lögfræðings:
Rannsókn á lekanum á lokastigi
BROT Á LÖGREGLULÖGUM Lögreglu-
mönnum er óheimilt að leita upp-
lýsinga í LÖKE nema þeir hafi brýna
ástæðu til. FRÉTTABLAÐIÐ/PJETUR
DÓMSMÁL Héraðsdómur Reykja-
ness dæmdi mann á þrítugsaldri
fyrir sérlega hættulega líkams-
árás en hann hafði verið ákærð-
ur fyrir tilraun til manndráps.
Fórnarlambið er karlmaður á
fimmtugsaldri en árásarmaður-
inn stakk hann tvívegis í neðan-
verðan kviðinn og í síðuna. Eftir
árásina þurfti að fjarlægja milta
fórnarlambsins og sauma nýrað.
Þetta er í annað sinn sem mað-
urinn er dæmdur í héraði fyrir
þennan sama glæp. - ssb
Dæmdur fyrir líkamsárás:
Stakk mann í
tvígang í maga
SKIPULAGSMÁL Framkvæmdir
við viðbyggingu á Arnargötu 10 í
Vesturbæ Reykjavíkur hafa verið
stöðvaðar að kröfu nágranna á
Fálkagötu 23a.
„Þessi viðbygging myndi alger-
lega loka fyrir sjávarsýn okkar,“
segir meðal annars í kæru til
úrskurðarnefndar umhverfis-
og auðlindamála. „Eiginmaður
minn er fyrrverandi sjómaður
og ein af ástæðunum fyrir því
að við ákváðum að kaupa hér
var þessi fyrrnefnda sjávarsýn,“
segir í bréfi sem áður var sent
skipulagsfulltrúa borgarinnar.
Framkvæmdir liggja nú niðri þar
til úrskurðarnefndin kemst að
endan legri niðurstöðu. - gar
Framkvæmdir stöðvaðar:
Sjómannshjón
vilja sjávarsýn
VIÐ ÆGISSÍÐU Sjávarsýnin er verðmæt
segja húseigendur. FRÉTTABLAÐIÐ/VALLI
Þetta
eru miklu
alvarlegri
brot en menn
gera sér
grein fyrir.
Sigurður G. Guðjónsson
hæstaréttarlögmaður
1. Hver verður forseti nýrrar borgar-
stjórnar í Reykjavík?
2. Hvað voru mörg ofbeldisatvik af
hendi sjúklinga skráð á Landspítala í
fyrra?
3. Með hversu miklum mun sigraði ís-
lenska kvennalandsliðið í handbolta
hið fi nnska í fyrradag?
SVÖR
1. Sóley Tómasdóttir. 2. Tæplega þrjú
hundruð. 3. Með níu marka mun, 20-29.
SAMGÖNGUR Einn vestfirsku
fjarðanna, Kjálkafjörður, er að
lokast þessa dagana með vegfyll-
ingu. Það var rétt eins og opnað
væri fyrir flóðgátt þegar sjónum
var í fyrsta sinn hleypt undir
nýju brúna yfir fjörðinn. Hún
verður langþráð vegarbót sem
vegfarendur fara að njóta eftir
sjö vikur eða svo. Fyrir utan jarð-
göng er þetta mesta vegagerð
sem stendur yfir á Íslandi um
þessar mundir. - kmu
Kjálkafjörður að lokast:
Brú opnuð
eftir sjö vikur