Fréttablaðið - 13.06.2014, Blaðsíða 56

13. júní 2014 FÖSTUDAGUR| SPORT | 40SPORT
FÓTBOLTI „Við sýndum karakterinn sem er
búinn að byggjast upp í liðinu undanfarin tvö ár
með þessum sigri,“ segir Michael Præst, danski
miðjumaðurinn í liði Stjörnunnar í Pepsi-deild
karla, í samtali við Fréttablaðið.
Præst átti stórleik og réð lögum og lofum á
miðjunni er Stjarnan vann KR, 2-1, og er áfram
taplaus í öðru sæti deildarinnar. Hann er leik-
maður umferðarinnar hjá Fréttablaðinu.
„Það er alltaf erfitt að spila á móti KR og
það byrjaði líka vel í leiknum. Þeir settu mikla
pressu á okkur með löngum sendingum fram.
En þegar við lentum undir, 1-0, fórum við að
spila okkar leik; snöggar skyndisóknir og láta
boltann ganga. Þannig unnum við okkur inn í
leikinn. Frá því við lendum undir og þar til á
svona 60. mínútu spiluðum við okkar besta bolta
í sumar,“ segir Præst.
Gera það sem þarf til
Præst, eða presturinn eins og hann er stundum
kallaður, hefur verið hugfanginn af Silfurskeið-
inni, stuðningsmannasveit Stjörnunnar, síðan
hann gekk í raðir liðsins í fyrra. Hann gerir
mikið úr stuðningi Garðbæinga við liðið.
„Það er erfitt að vinna okkur á heimavelli.
Við gefumst ekki upp og sérstaklega ekki fyrir
framan okkar fólk. Það er ekki bara Silfurskeið-
in sem er að styðja okkur en hún kemur samt
líka í útileiki. Við erum undir pressu í öllum
leikjum, ekki bara frá sjálfum okkur heldur
stuðningsmönnunum,“ segir Præst.
Stjörnuliðið hefur verið að kreista út sigra í
byrjun móts, með góðu eða slæmu, og það líkar
Dananum sem var gerður að fyrirliða í vetur.
Honum er slétt sama hvort Stjarnan spilar sama
bolta eða ekki svo framarlega að liðið vinni.
„Stjarnan var einu sinni lið sem þurfti að
vinna alla leiki 4-3 en núna viljum við bara
vinna. Þannig er karakterinn í félaginu. Ein af
ástæðunum fyrir því að ég og Martin vorum
sóttir í fyrra var til að reyna að fá þennan kar-
akter í félagið. Það þarf ekki alltaf að spila voða
fallegan fótbolta. Fótbolti snýst um að vinna.
Ef þú vilt vera meistari þá hugsarðu þannig.
FH er á toppnum núna og vinnur allt 1-0. Við
unnum marga leiki 1-0 í fyrra. Maður þarf að
vita hvað þarf að gera til að vinna fótboltaleiki,“
segir Præst.
Gaman að hjálpa þeim ungu
Þegar Stjarnan vann Fótbolti.net undirbúnings-
mótið í janúar með ógnarsterkt lið fóru ýmsir
að benda á það sem líklegt meistaralið. En síðan
hvarf Jóhann Laxdal á braut til Noregs, Hall-
dór Orri Björnsson fór til Svíþjóðar, Veigar Páll
hefur verið meiddur og Garðar Jóhannsson ekki
tekið þátt. Þá fóru menn að efast en Stjarnan
Fótbolti snýst um að vinna
Michael Præst átti stórleik með Stjörnunni er hún lagði KR, 2-1, í 7. umferð Pepsi-deildarinnar og er leik-
maður umferðarinnar hjá Fréttablaðinu. Stjarnan er nú orðið lið sem gerir það sem þarf til að vinna leikina.
Guðjón Pétur Lýðsson, Breiðabliki
Miðjumaðurinn sparkvissi var inn og út úr liðinu
hjá Ólafi Kristjánssyni og byrjaði á bekknum
í síðustu tveimur leikjum hans með Blikana.
Guðjón Pétur fékk tækifæri í byrjunarliðinu í
fyrsta leiknum undir stjórn Gumma Ben. Hann
skoraði glæsilegt mark, beint úr aukaspyrnu, og
var valinn maður leiksins. Því miður fyrir hann
dugði það ekki til sigurs.
Pape Mamadou Faye, Víkingi
Pape hefur byrjað mótið vel og er markahæstur
ásamt tveimur öðrum með fjögur mörk. Í heild-
ina er hann búinn að skora fimm mörk í deild og
bikar á tímabilinu. Pape lék Þórsvörnina grátt í
fyrsta leik Víkinga í Víkinni í sumar. Það var ekki
verra að mamma var í stúkunni og benti Pape á
hana og brosti breitt er hann fagnaði mörkum
sínum á móti Þórsurum.
Góð umferð fyrir …
heldur velli enn sem komið er við
toppinn og á Veigar og Garðar
inni.
„Við höfum verið að þróa okkar
leik betur út af breytingunum.
Það var svakalega slæmt að
missa Jóa og enn verra að missa
Dóra. Hann gerði svo mikið
fyrir okkur sóknarlega. En Ólaf-
ur Karl Finsen er að leysa hann
af og gerir það vel. Svo eru ungu
strákarnir líka að koma flottir inn
í þetta. Þeir eru kannski ekki jafn-
frægir, en þeir eru rosalega góðir
og þjálfarinn er óhræddur við
að nota þá í hvaða stöðu
sem er,“ segir Præst
sem efaðist aldrei
um gæði Stjörnu-
liðsins.
„Það eru svo
miklir hæfi-
leikar í þess-
um strákum
og þeir þekkja
það líka að
v i nna . Við
verðum með
rosalega gott
lið eftir eitt
til tvö ár sem
byggt verður
á heimastrák-
um. Ég er bara
ánægður með að fá
að hjálpa þeim af stað
á sínum ferlum. Það eru
mikil gæði í okkar liði
og við erum fullir sjálfs-
trausts,“ segir Præst
ákveðinn.
Ólafur getur farið alla
leið
Ef einhver hefur borið
af í Stjörnuliðinu til þessa er það Ólafur Karl
Finsen, sem er markahæstur í deildinni
ásamt tveimur öðrum með fjögur mörk.
Þessi 22 ára gamli strákur er að springa
út og fyrirliðinn segir að hann geti farið
langt. Mjög langt.
„Það eru engin takmörk fyrir því
hversu langt hann getur náð. „The sky
is the limit,“ eins og þeir segja. Hann
getur orðið frábær kantmaður eða fram-
herji, bara það sem hann vill,“ segir Præst
en það er ekki bara sóknartilburðir Ólafs
Karls sem heilla Danann.
„Fólk fylgist eðlilega meira með því
sem hann gerir í sókninni; hvern-
ig hann rekur boltann fram
hjá öllum og skorar. En
hann vinnur líka vel
til baka og hjálpar til í
vörninni sem ég kann
að meta þar sem ég
spila vörn. Óli Kalli
er bara að gera allt
rétt núna þannig að
ég vona bara að hann
haldi áfram á sömu
braut. Þá getur hann
orðið einn af bestu
leikmönnum deildar-
innar,“ segir Michael
Præst.
Betri í fyrri hálfleik
Það skyldi engan undra að
Stjarnan hafi verið yfir á
móti KR í hálfleik.
Stjörnumenn hafa nefni-
lega verið yfir í hálfleik í
fimm af fyrstu sjö leikj-
um sínum í Pepsi-deildinni
í sumar og státa af mark-
tölunni 7-2 (+5) í fyrri hálf-
leik. Markatala Garðbæinga
í seinni hálfleiknum er aftur
á móti 4-5 (-1). tomas@365.is
FÓTBOLTI Lukkudísirnar voru í liði
með Brasilíu sem vann 3-1 sigur á
Króatíu í opnunarleik heimsmeist-
arakeppninnar í knattspyrnu sem
fór fram í Sao Paulo í gærkvöldi.
Svo fór að stórstjarnan Neym-
ar, leikmaður Barcelona, var hetja
heimamanna en hann skoraði tví-
vegis fyrir sína menn. Króatía
komst reyndar yfir snemma leiks
með sögulegu sjálfsmarki Marcelos
en það var fyrsta sinnar tegundar
hjá Brasilíu í úrslitakeppni HM.
Heimamenn náðu þó að róa taug-
arnar og tóku yfir leikinn, hægt
og rólega. Það skilaði sér í marki
Neymars um miðbik fyrri hálf-
leiks en hann lék laglega á varnar-
menn Króata og skoraði með hnit-
miðuðu skoti utan teigs í stöngina
og inn. Neymar var þó ljónhepp-
inn að vera þá enn á vellinum því
hann fékk aðeins gult spjald fyrir
olnbogaskot sem hann gaf Luka
Modric nokkrum mínútum fyrr.
Dómari leiksins, Yuichi Nishim-
ura frá Japan, kom sér svo aftur í
sviðsljósið þegar hann gaf Brasi-
líu vítaspyrnu fyrir afar litlar
sakir. Sóknarmaðurinn Fred féll
í grasið við minnstu snertingu
varnarmannsins Dejan Lovren en
ákvörðun dómarans stóð og Neym-
ar skoraði úr vítinu.
Króatar reyndu hvað þeir gátu
til að jafna metin en fengu þess í
stað mark á sig í blálokin er Oscar
skoraði eftir skyndisókn. - esá
Neymar hetja Brassa
Gestgjafarnir byrjuðu á 3-1 sigri á Króatíu í gær.
HEIMAMÖNNUM VAR LÉTT Neymar og varamaðurinn Hernanes fagna í gær. FRÉTTABLAÐIÐ/GETTY
HANDBOLTI Aron Kristjánsson,
landsliðsþjálfari Íslands, gerir
sér vonir um að leikstjórnandinn
Aron Pálmarsson geti spilað með
íslenska landsliðinu gegn Bosníu
í síðari umspilsleik liðanna um
sæti á HM 2015 í Katar. Bosnía
vann fyrri leikinn með eins
marks mun ytra um síðustu helgi.
Aron hefur verið að glíma við
meiðsli í hné og ökkla og missti
af fyrri leiknum af þeim sökum.
Landsliðsþjálfarinn segir enn
óvíst um þátttöku nafna síns í
leiknum en að það komi betur í
ljós eftir æfingu liðsins í dag.
Aðrir leikmenn sem bætast við
íslenska hópinn eru Stefán Rafn
Sigurmannsson, Daníel Freyr
Andrésson og Heimir Óli Heimis-
son. Allan landsliðshópinn má sjá
á íþróttavef Vísis. - esá
Aron í hóp
gegn Bosníu
LYKILMAÐUR Það munar mikið um
Aron Pálmarsson í íslenska landsliðinu.
FRÉTTABLAÐIÐ/DANÍEL
FÓTBOLTI Steve Evans, stjóri
Rotherham United, hefur staðfest
að Kári Árnason verði áfram í
herbúðum félagsins en munnlegt
samkomulag þess efnis liggur
fyrir.
Kári kom til félagsins árið 2012
en liðið hefur komist upp um
deild bæði árin hans og leikur
Rotherham í ensku B-deildinni á
næstu leiktíð.
„Hann er góður leikmaður,“
sagði Evans í samtali við fjöl-
miðla í Englandi. „Þegar við
þörfnuðumst þess að menn stigu
upp í síðari hluta umspilskeppn-
innar var hann algjörlega fram-
úrskarandi.“
Að auki hefur Jóhann Berg
Guðmundsson verið orðaður við
Rotherham í fjölmiðlum ytra. - esá
Kári áfram hjá
Rotherham
22.00 SÍLE– ÁSTRALÍA Um fátt
annað hefur verið rætt í Síle en meiðsli
miðjumannsins Arturo Vidal sem
leikur með Juventus á Ítlaíu. Hann
hefur verið að glíma við meiðsli í
aðdraganda keppninnar og gæti
þess vegna misst af allri riðlakeppn-
inni. Litið er á leikinn sem skyldu-
sigur fyrir Sílemenn en búist er við
að liðið muni berjast við Spán og
Holland um efstu tvö sæti C-riðils.
Ástralía er litla liðið í riðlinum en gæti
vel bakað „stóru“ liðunum vandræði.
HM Í FÓTBOLTA
Allt um HM á Vísi
FÓTBOLTI Liðin sem mættust í úrslita-
leik HM í Suður-Afríku fyrir fjórum
árum eigast við í B-riðli keppninnar í
dag. Spánn og Holland mætast í Fonte
Nova-leikvanginum í Salvador en flestir
reikna með því að þetta verði úrslita-
leikur riðilsins.
Hollenska liðið er þó af mörgum
talið ekki jafn sterkt og fyrir fjórum
árum en það kemur þá í ljós þegar það
mætir nú ríkjandi heims- og Evrópu-
meisturunum.
Allir í leikmannahópi Spánar eru
heilir heilsu– líka sóknarmaðurinn
Diego Costa sem er reyndar fæddur
í Brasilíu. Costa glímdi við meiðsli í
lok tímabilsins með Atletico Madrid á
Spáni en er nú leikfær á ný.
„Við verðum að vera einbeittir og
halda í þá hugmyndafræði sem hefur
fært liðinu velgengni síðustu ára,“
sagði varnarmaðurinn Sergio Ramos,
sem hefur verið lykilmaður í spænska
landsliðinu undanfarin ár.
Leikurinn hefst klukkan 19.00 í kvöld
en dagurinn byrjar með viðureign
Mexíkó og Kamerún í A-riðli klukkan
16.00.
Það er svo nóg fram undan um
helgina en alls fara fjórir leikir fram á
laugardaginn og þrír á sunnudaginn.
- esá
Úrslitaleikurinn endurtekinn í Salvador
BRUGÐIÐ Á LEIK Sergio Ramos og Pepe Reina á
æfingu spænska liðsins. FRÉTTABLAÐIÐ/GETTY