Fréttablaðið - 11.09.2014, Page 24

11. september 2014 FIMMTUDAGUR| FRÉTTIR VIÐSKIPTI | 24
Fólk sækir
mikið á netið í leit
að afþreyingu eða
skemmtiefni eins og
finna má á Youtube
eða öðrum síðum. Á
sama tíma hefur
krafan um aukin
gæði þess efnis sem
sjónvarpið sýnir
aukist.
United Silicon hefur samið við
alþjóðlega fyrirtækið Tenova
Pyromet um byggingu og upp-
setningu á 32 megavatta ljós-
bogaofni sem mun framleiða
kísil málm í verksmiðju félags-
ins í Helguvík.
Ofninn verður sá fyrsti sinn-
ar tegundar á Íslandi. Í fréttatil-
kynningu United segir að Tenova
Pyromet hafi mikla reynslu af
framleiðslu háþróaðra kísilofna
og sé það eina sem komið hefur
að byggingu nýrra ofna í hinum
vestræna heimi á undanförnum
árum.
Magnús Garðarsson, fram-
kvæmdastjóri United Silicon,
segir í tilkynningunni að búið sé
að trygga raforku fyrir ofninn
en að fyrirtækið hafi starfsleyfi
fyrir þrjá ofna til viðbótar.
„Miðað við fjóra ofna verður
framleiðslugetan 85.000 tonn
á ári. Við stefnum að því að ná
þessari framleiðslu á tíu árum,“
segir Magnús.
Áætlað er að framleiðsla fyrir-
tækisins hefjist vorið 2016 og að
ársframleiðsla verksmiðjunnar
nemi 21.300 tonnum á ári í fyrsta
áfanga. - hg
Framkvæmdir við byggingu fyrsta áfanga kísilverksmiðjunnar að hefjast:
Byggir ljósbogaofn fyrir United
FYRSTA SKÓFLUSTUNGAN Jarðvegs-
framkvæmdir eru þegar hafnar á
svæðinu.
Creditinfo Group hf. hefur samið
við seðlabanka Suður-Súdans
um að fjármálastofnanir lands-
ins noti fjárhagsupplýsingakerfi
og aðrar sérlausnir fyrirtækisins
við lánveitingar.
Í fréttatilkynningu Creditinfo
um samninginn segir að hann
hafi komið til að undangengnu
alþjóðlegu útboði seðlabankans
sem unnið var í samvinnu við
Alþjóðabankann. Tilkoma upplýs-
ingalausna Creditinfo er þar sögð
auka umfang, aðgengi og öryggi
lánshæfisupplýsinga og þannig
bæta lánaaðgengi íbúa Suður-
Súdans. - hg
Á að bæta lánaaðgengi íbúa:
Kerfi Creditinfo
í Suður-Súdan
SAMNINGAR HANDSALAÐIR Reynir
Grétarsson, framkvæmdastjóri Credit-
info Group, undirritaði samninginn 28.
ágúst síðastliðinn.
Afkoma ríkisfyrirtækisins Isavia
á fyrri helmingi ársins var jákvæð
um 836 milljónir króna saman-
borið við 1.367 milljóna hagnað á
sama tímabili í fyrra.
Rekstrartekjur samstæðunnar,
sem samanstendur af Isavia og
dótturfélögunum Fríhöfninni og
Tern Systems, jukust um 11,3 pró-
sent milli ára og námu 9.929 millj-
ónum.
Í uppgjörstilkynningu fyrir-
tækisins segir að tekjuaukninguna
megi að stórum hluta rekja til
fjölgunar farþega á Keflavíkur-
flugvelli. Góð afkoma á fyrstu sex
mánuðum ársins styðji jafnframt
við áætlanir Isavia um uppbygg-
ingu á vellinum. Fjárfestingar á
fyrstu sex mánuðum ársins hafi
numið 1,7 milljörðum króna en
áætlanir geri ráð fyrir að þær geti
samtals numið allt að fimm millj-
örðum á árinu.
Björn Óli Hauksson, forstjóri
Isavia, segir í tilkynningunni að
fyrirtækið hafi áhyggjur af innan-
landskerfinu.
„Lögum samkvæmt megum við
ekki nýta auknar tekjur af alþjóða-
fluginu til innanlandsflugvalla
en á undanförnum sjö árum hafa
framlög til innanlandskerfisins á
fjárlögum verið skorin niður um
850 milljónir króna að raunvirði.
Ef til áframhaldandi niðurskurðar
kemur í fjárlögum næsta árs verð-
ur eitthvað undan að láta,“ segir
Björn. - hg
Styður við áætlanir um uppbyggingu á Keflavíkurflugvelli en innanlandskerfið skortir auknar tekjur:
Hagnaður Isavia dregst saman um 38,8%
FORSTJÓRINN Björn Óli Hauksson
segir fjármagn vanta til reksturs innan-
landsflugvalla.
Raforkuframleiðsla með endur-
nýjanlegum orkugjöfum jókst
mikið á heimsvísu árið 2013 og
nemur nú um 22 prósentum af
allri raforkuframleiðslu.
Þetta kemur fram í frétt á vef
Samorku, en samtökin styðjast við
nýja skýrslu Alþjóðaorkumála-
stofnunarinnar. Ef einungis er
horft til evrópskra aðildarríkja
OECD nam aukningin árið 2013 sex
prósentum. Endurnýjanleg orka
nemur nú 30 prósentum allrar raf-
orkuframleiðslu landanna. - sáp
Aukning um 6% innan OECD:
Endurnýjanleg
orka nemur 22%
Skuldasöfnun ríkissjóðs hefur
verið stöðvuð en engin markmið
virðast vera uppi um að hefja nið-
urgreiðslu skulda, segir í umfjöll-
un Hagdeildar Landsbankans um
fjárlagafrumvarpið. Í stað þess
að hefja niðurgreiðslu skulda sé
reiknað með að hlutfall skulda
ríkissjóðs af landsframleiðslu
fari lækkandi. Vaxtakostnaður
ríkissjóðs verði því áfram veru-
legur á næstu árum og aukist til
dæmis um sex milljarða á næsta
ári - jhh
Tugir milljarða vegna vaxta:
Engar greiðslur
af skuldunum
„Þegar internetið varð öflugur
auglýsandi var litið á það sem ógn
við sjónvarpið en í löndum eins
og Bandaríkjunum og Bretlandi
hefur netið gert sjónvarpið stærra
og það sama má segja um Ísland,“
segir Richard Marks, sjálfstæður
ráðgjafi frá Bretlandi sem hefur
sérhæft sig í rannsóknum á þróun
fjölmiðla.
Marks er staddur hér á landi til
að kynna niðurstöður sem byggja
á mælingum á sjónvarpsáhorfi
og öðrum gögnum frá 85 lönd-
um. Hann segir þær sýna sterka
stöðu sjónvarpsins sem gangi
gegn spám um að netið ætti eftir,
og eigi eftir, að ganga að miðlin-
um dauðum.
„Á Íslandi og í mörgum öðrum
löndum er sjónvarp enn ríkjandi
þegar kemur að hlutum eins og
auglýsingatekjum. Þetta á þó
ekki við um öll lönd því í Noregi
og Singapúr eru prentmiðlar með
ríkjandi stöðu,“ segir Marks.
Hann segir eigendur sjónvarps-
stöðva vissulega hafa þurft að
aðlaga sig að breyttum heimi en að
netið hafi á endanum reynst óska-
barn miðilsins.
„Fólk sækir mikið á netið í leit
að afþreyingu eða skemmtiefni
eins og finna má á Youtube eða
öðrum síðum. Á sama tíma hefur
krafan um aukin gæði þess efnis
sem sjónvarpið sýnir aukist. Þau
fyrirtæki sem verða ekki við
þeirri kröfu eru hins vegar í hættu
á að tapa fyrir netinu. Þeirra efni
verður að vera betra en það sem
videóbloggarinn á Youtube er að
birta af háaloftinu sínu,“ segir
Marks og heldur áfram:
„Ástæðan fyrir því að fyrirtæki
eins og Netflix hafa farið út í að
framleiða sína eigin þætti er sú að
miðillinn er enn að laða til sín stór-
an áhorfendahóp og ég get nefnt
þætti eins og Game of Thrones sem
eru sérstaklega vinsælir hjá yngri
áhorfendum.“
Marks segir spár um dreifingu
auglýsingatekna gera ráð fyrir að
sjónvarpið haldi velli og auki hlut
sinn í einhverjum tilfellum.
„Sem er ekki það sem fólk hefði
spáð fyrir tíu árum síðan. Þá spáðu
allir að sjónvarpið myndi enda í
einhvers konar útlegð úti í horni
langt frá auglýsendum,“ segir
Marks.
Hann segist sjálfur hafa gert
ráð fyrir því að tækninýjungar
ættu eftir að leiða til þess að áhorf-
endur hættu að fylgjast með dag-
skrá sjónvarpsstöðva. Rannsóknir
sýni hins vegar að fólk horfi í 90
prósent tilvika á sjónvarpsefni á
sama tíma og það er sent út.
„Fólk sækir í þennan félagslega
þátt sem fylgir því að horfa á efni í
rauntíma og tekur virkan þátt með
því að hringja inn eða senda sms á
þætti eins og Britain´s Got Talent.
Þetta sést hvað best á Twitter og
Facebook þar sem fólk er að tjá
sig um það sem það sér í beinni
útsendingu.“
haraldur@frettabladid.is
Netið óskabarn sjónvarpsins
Spár um dreifingu auglýsingatekna gera ráð fyrir að sjónvarpið eigi eftir að halda velli og auka hlut sinn í ein-
hverjum tilfellum. Breskur ráðgjafi sem staddur er hér á landi segir miðilinn hafa styrkst með tilkomu netsins.
FJÖLMIÐLARÝNIR Richard
Marks hefur unnið rannsóknir
fyrir fyrirtæki eins og BBC,
Google og Sky. FRÉTTABLAÐIÐ/PJETUR
VOGAR
Kaupa íþróttahúsið
Sveitarfélagið Vogar ætlar að kaupa
íþróttahús staðarins af Eignarhalds-
félaginu Fasteign og taka til þess allt að
400 milljóna króna lán hjá Lánasjóði
sveitarfélaga. Bæjarráðið segir þetta
ekki munu auka skuldbindingar þess
frá núverandi stöðu.
Jóhann H. Hafstein og Einar
Hugi Bjarnason hafa stofnað lög-
mannsstofuna Atlas lögmenn,
en þeir voru áður meðeigend-
ur í Íslensku lögfræðistofunni.
„Ástæðu breytinganna er ekki
hvað síst að rekja til þess að Atlas
lögmenn hyggjast leggja ríkari
áherslu á þjónustu við fyrirtæki
og stofnanir heldur en gert var
á fyrri vinnustað. Þannig verður
sérstök áhersla lögð á lögfræði-
lega ráðgjöf og hagsmunagæslu
til lögaðila á sviði viðskipta- og
fjármunaréttar,“ segir Jóhann
Hafstein. Markmiðið sé þannig
að mæta síauknum kröfum við-
skiptalífsins um sérþekkingu á
þessu sviði. - jhh
Krafa um sérþekkingu eykst:
Ríkari áhersla á
viðskiptarétt
Á NÝJUM STAÐ Einar Hugi og Jóhann
stefna á aukna sérhæfingu.
FRÉTTABLAÐIÐ/GVA