Fréttablaðið - 15.09.2014, Qupperneq 56

15. september 2014 MÁNUDAGUR| SPORT | 20
FÓTBOLTI Knattspyrnukonan
Ólína Guðbjörg Viðarsdóttir
hefur lagt landsliðsskóna á hill-
una. Þetta tilkynnti hún í viðtali
við RÚV í hálfleik á leik Íslands
og Ísraels á laugardaginn.
Ólína, sem leikur með Val, var
ekki valin í landsliðshópinn fyrir
leikina gegn Ísrael og Serbíu.
Þrátt fyrir það sagði Freyr Alex-
andersson landsliðsþjálfari að
ekki væri loku skotið fyrir það
að Ólína yrði valin í landsliðið á
nýjan leik. Nú er ljóst að ekkert
verður af því.
Ólína lék sinn fyrsta landsleik
í 4-1 sigri á Ungverjalandi í júní
2003 og þann síðasta gegn Dan-
mörku 21. ágúst síðastliðinn. Alls
lék Ólína 70 A-landsleiki fyrir
Íslands hönd og skoraði í þeim
tvö mörk. Hún lék með íslenska
liðinu í lokakeppni EM í Finn-
landi 2009 og Svíþjóð 2013. - iþs
Ólína hætt
í landsliðinu
LEIÐARLOK Ólína hefur leikið sinn
síðasta landsleik.
FRÉTTABLAÐIÐ/ANDRI MARINÓ
HANDBOLTI ÍBV og Haukar féllu bæði úr leik í EHF-
bikarnum í handbolta í gær. Íslandsmeistarar ÍBV
mættu ísraelska liðinu Maccabi í tveimur leikjum
um helgina sem fóru báðir fram í Vestmanna-
eyjum. Maccabi vann fyrri leikinn 25-30 og
þann seinni 25-27, og viðureignina samtals
57-50. Einar Sverrisson var markahæstur
Eyjamanna í báðum leikjunum.
Bikarmeistarar Hauka mættu rússneska
liðinu Dinamo Astrakhan á útivelli og höfðu
eins marks sigur, 25-26. Það dugði hins vegar
ekki til því Rússarnir unnu fyrri leikinn í
Schenker-höllinni 27-29 og viðureignina
samanlagt 54-53. Árni Steinn Steinþórsson
átti stórleik fyrir Hauka og skoraði níu mörk.
- iþs
Stutt Evrópugaman
FÓTBOLTI Stuðningsmenn Aston Villa
hafa ekki haft margt til að gleðjast
yfir síðustu ár. Eftir að hafa lent í 6.
sæti þrjú tímabil í röð undir stjórn
Martins O‘Neill og gert atlögu að
Meistaradeildarsæti hefur held-
ur betur hallað undan fæti hjá
félaginu. Fyrir tímabilið var ekki
búist við miklu af Villa, en Randy
Lerner, eigandi félagsins, setti það á
sölu eftir síðasta tímabil og enn sem
komið er hefur ekki fundist kaup-
andi.
Knattspyrnustjóri Villa, Paul
Lambert, þótti einnig sitja í einu
heitasta sætinu í úrvalsdeildinni. Sú
ákvörðun að fá Roy Keane, fyrrver-
andi fyrirliða Manchester United,
sem aðstoðarþjálfara kom mörg-
um á óvart, en síðustu ár hefur það
færst í vöxt að aðstoðarþjálfarar
eða aðrir meðlimir í þjálfaraliðinu
taki við þegar knattspyrnustjórar
liða á Englandi eru reknir.
Það verður allavega einhver bið
á því að Keane taki við, hafi hann
hug á því. Eftir fjórar um ferðir
situr Villa í öðru sæti ensku úrvals-
deildarinnar með tíu stig eftir fjóra
leiki. Villa byrjaði tímabilið á 0-1
útisigri á Stoke, gerði svo marka-
laust jafntefli við Newcastle United
á heimavelli og í síðasta leik fyrir
landsleikjahléið bar Villa sigurorð
af Hull City með tveimur mörk-
um gegn einu. Og á laugardaginn,
í fyrsta leik eftir landsleikjahléið,
fór Villa á Anfield Road og vann
mjög svo óvæntan sigur á Liver-
pool. Gabriel Agbonlahor skoraði
eina mark leiksins eftir hornspyrnu
á 9. mínútu.
Liverpool var mun meira með
boltann í leiknum og sótti stíft, en
vörn Villa var þétt og liðið gaf fá
færi á sér þrátt fyrir að Ron Vlaar,
besti varnarmaður liðsins, væri
ekki með vegna meiðsla. Læri-
sveinar Lamberts sluppu reyndar
með skrekkinn þegar skot Philippes
Coutinho small í stönginni á 80. mín-
útu, en fyrir utan það sköpuðu leik-
menn Liverpool sér ekki mörg góð
færi.
Villa hefur haldið hreinu í þremur
af fjórum leikjum liðsins í úrvals-
deildinni sem er lykilinn að vel-
gengninni. Spennandi verður að sjá
hversu lengi þetta góða gengi held-
ur áfram, en stuðningsmenn hafa
allavega fengið ástæðu til að brosa
eftir langt hlé. - iþs
Varnarmúr Villa hélt
enn eina ferðina
GAMAN Leikmenn Aston Villa fagna
marki. FRÉTTABLAÐIÐ/GETTY
FÓTBOLTI Ísland vann öruggan
sigur á Ísrael í næstsíðasta leik
liðsins í undankeppni HM 2015 á
laugardaginn. Íslensku stelpurnar
mættu ekki mikilli mótspyrnu, en
ísraelska liðið átti til að mynda ekki
skot að íslenska markinu í leiknum.
Þrjú mörk dugðu gegn slöku liði
Dagný Brynjarsdóttir skoraði
fyrsta markið á 2. mínútu með
skalla eftir fyrirgjöf Hallberu
Gísladóttur og mistök Hanit
Scwarz. Þetta var níunda mark
Dagnýjar í 47 landsleikjum.
Fanndís Friðriksdóttir bætti
öðru marki við á 26. mínútu með
fallegu skoti fyrir utan vítateig.
Þriðja markið kom svo í uppbótar-
tíma, en þar var að verki fyrirlið-
inn Sara Björk Gunnarsdóttir sem
hefur nú skorað 16 mörk í 77 lands-
leikjum.
Mörkin hefðu getað orðið fleiri,
en Ísland lét þrjú duga gegn slöku
liði sem sýndi oft leiðinlega til-
burði. Leikmenn Ísraels lágu hvað
eftir annað í grasinu en Freyr
Alexandersson landsliðsþjálfari
var mjög ósáttur við framkomu
þeirra.
„Þetta er bara til skammar og
kvennaknattspyrnunni ekki til
framdráttar. Það fannst öllum
þetta leiðinlegt og ég vil ekki sjá
þetta,“ sagði Freyr í samtali við
Fréttablaðið eftir leikinn.
Hann sagði að íslenska liðið
hefði oft spilað betur: „Við töl-
uðum um það að við þyrftum að
taka betri ákvarðanir á þeirra
sóknarhelming. Ég er ósáttur við
of mikið af sendingum sem fóru
ekki á bláa treyju, en mörkin þrjú
voru fín,“ sagði Freyr sem hrós-
aði varamönnunum þremur:
„Þetta voru frábærar inn-
komur hjá Sigrúnu (Ellu Ein-
arsdóttur), Guðmundu (Brynju
Óladóttur) og Gunnhildi (Yrsu
Jónsdóttur), og þá sérstaklega
hjá Sigrúnu. Hún var að spila
sinn fyrsta leik og mér fannst
hún frábær.“
Langaði að breyta til
Þessi nýjasta landsliðskona
Íslands var að vonum ánægð
þegar Fréttablaðið heyrði í henni
hljóðið í gær.
„Þetta var æðisleg upplifun,“
sagði Sigrún sem sagðist hafa
fundið sig vel á þeim rúmu 20
mínútum sem hún spilaði í leikn-
um: „Þetta gekk nokkuð vel. Ég
reyndi bara að gera það sem ég
hef verið að gera í sumar. Þetta
voru skemmtilegar mínútur sem
ég fékk á móti Ísrael.“
Sigrún, sem leikur sem hægri
kantmaður, er uppalinn FH-
ingur en gekk í raðir Stjörnunnar
fyrir tímabilið. Hún segist ekki
sjá eftir þeirri ákvörðun: „Mig
langaði aðeins að breyta til. Ég
var búin að vera í FH frá því ég
var fimm ára og langaði í smá
tilbreytingu og meiri áskorun,“
sagði Sigrún og bætti við:
„Stjarnan er auðvitað Íslands-
meistari og ég leit á það sem
hörku áskorun að fara í þetta
sterka lið. Ég sé ekki eftir þess-
ari ákvörðun.“
Stjörnunni hefur gengið allt
í haginn á tímabilinu, en liðið
á Íslandsmeistaratitilinn vísan
þegar tvær umferðir eru eftir
af Pepsi-deild kvenna. Stjarnan
tryggði sér einnig bikarmeistara-
titilinn með 4-0 sigri á Selfossi
fyrir tveimur vikum, en þetta
var fyrsti titilinn sem Sigrún
vinnur í meistaraflokki.
Hún stefnir á að halda sæti
sínu í íslenska landsliðinu: „Já,
þar vil ég vera. Og miðað við
byrjunina er það alveg raunhæft
og vonandi gengur það eftir,“
sagði Sigrún Ella Einarsdóttur,
nýjasta landsliðskona Íslands að
lokum. ingvithor@365.is
Ég sé ekki eft ir ákvörðuninni
Stjörnustúlkan Sigrún Ella Einarsdóttir lék sinn fyrsta landsleik þegar Ísland vann fyrirhafnarlítinn 3-0 sigur
á Ísrael í undankeppni HM 2015 á laugardaginn. Hún vonast til að halda sæti sínu í landsliðinu.
LEIKIN Sigrún fór oft illa með varnarmenn Ísraels á laugardaginn.
FRÉTTABLAÐIÐ/ANDRI MARINÓ
KÖRFUBOLTI Bandaríkin urðu
í gærkvöld heimsmeistarar í
körfubolta eftir 129-92 sigur á
Serbíu í úrslitaleik.
Bandaríkin, sem komust í
úrslitaleikinn með því að vinna
Litháen í undanúrslitum, voru
með undirtökin allt frá byrjun.
Eftir fyrsta leikhluta var staðan
35-12 og þegar liðin gengu til
búningsherbergja var munurinn
orðinn 26 stig, 67-41.
Bandaríkjamenn slökuðu ekk-
ert á í seinni hálfleik og unnu að
lokum öruggan 37 stiga sigur,
129-92. Kyrie Irving, leikmaður
Cleveland Cavaliers, var stiga-
hæstur í liði Bandaríkjanna með
26 stig, en fyrirliðinn James
Harden kom næstur með 23 stig.
Nikola Kalinic og Nemanja Bje-
lica skoruðu 18 stig hvor fyrir
Serbíu.
Þetta eru önnur gullverðlaun-
in sem Bandaríkin vinna á HM
undir stjórn Mike Krzyzewski
sem tók við þjálfun landsliðs-
ins árið 2006. Krzyzewski, sem
hefur þjálfað körfuboltalið Duke-
háskólans frá 1980, hefur einnig
stýrt Bandaríkjunum til tveggja
gullverðlauna á Ólympíu leikum.
- iþs
Bandaríkin heimsmeistarar
SVALUR Irving skoraði 26 stig.
FRÉTTABLAÐIÐ/GETTY
SPORT