Fréttablaðið - 23.09.2014, Blaðsíða 46

23. september 2014 ÞRIÐJUDAGUR| LÍFIÐ | 30
„Ólafur Darri Ólafsson er uppáhalds-
leikarinn minn í myndinni,“ skrifar
Jane Boursaw á síðunni Reel Life
With Jane um frammistöðu Ólafs
Darra í myndinni A Walk Among
the Tombstones.
„Hamingjan góða, hann er góður.
Hann þarf að fá sína eigin sjónvarps-
seríu strax,“ bætir Jane við. Jane er
ekki eini kvikmyndagagnrýnand-
inn sem hefur fallið fyrir frammi-
stöðu Ólafs Darra í myndinni. Mark
McCarver hjá Los Angeles Post-
Examiner er einnig hæstánægður
með íslenska leikarann.
„Ólafur Darri Ólafsson er einfald-
lega heillandi í mikilvægu aukahlut-
verki,“ skrifar hann. Ólafur leik-
ur James Loogan, umsjónarmann
kirkjugarðs, og segir Linda Cook
hjá Quad-City Times að hann sé sem
skapaður fyrir hlutverkið.
„Ólafsson er frábær leikari með
gífurlega mikla nærveru á hvíta
tjaldinu.“
Ólafur Darri er hæstánægður með
viðtökurnar og segist ekki hræð-
ast að festast í hlutverki skrítna og
óhugnanlega náungans.
„Það eru til endalausar leiðir til að
leika vonda kallinn eða bestu vinkon-
una og svo framvegis. Lykillinn er að
láta ekki eigin skoðanir og kannski
fordóma um persónuna sem maður
leikur hafa áhrif á frammistöðuna,“
segir hann. Hann er nú í Pittsburgh
í Bandaríkjunum að leika í myndinni
The Last Witch Hunter. - lkg
Hamingjan góða, hann er góður
Erlendir gagnrýnendur heillaðir af Ólafi Darra í A Walk Among the Tombstones.
ÓHUGNANLEGUR Ólafur Darri leikur á
móti Liam Neeson í myndinni.
Ólafur Darri Ólafs-
son er einfaldlega
heillandi í mikilvægu
aukahlutverki.
Mark McCarver
„Hann er algjör goðsögn og fólk
fær að spyrja karlinn út í allt sem
það vill vita,“ segir bassaleikarinn
Guðni Finnsson og starfsmaður
Hljóðfærahússins og Tónabúðar-
innar en verslunin stendur fyrir
komu bassaleikarans Billys Sheeh-
an. Um er að ræða mikla kanónu í
tónlistarheiminum sem hefur spil-
að með þekktum nöfnum í tónlist-
arheiminum, en Sheehan er meðal
annars bassaleikari hljómsveitar-
innar Mr. Big. Þá hefur hann einn-
ig leikið með listamönnum á borð
við Steve Vai og David Lee Roth
svo nokkrir séu nefndir.
„Þetta er ekki bara fyrir bassa-
leikara, allir tónlistarmenn og
áhugamenn hefðu líka gaman af að
sjá hann. Þessi maður er með ótrú-
lega tækni og verður líklega einn
á sviðinu og miðlar visku sinni í
skemmtilegri nálægð við áhorf-
endur,“ bætir Guðni við. Sheeh-
an er þekktur fyrir mikla tækni
í bassaleik sínum og leikur við
hvern sinn fingur og spilar á bass-
ann líkt og hann sé að spila á gítar.
Sheehan, sem hefur fimm sinn-
um verið valinn besti rokkbassa-
leikarinn af lesendum Guitar
Player Magazine, mun spila
og tala um bassaleik og tónlist
almennt, og svara spurningum úr
sal. Viðburðurinn er hluti af fyrir-
lestraferðalagi hjá Sheehan en
hann hefur farið um öll Norður-
löndin að undanförnu en fer til
Japans eftir stoppið á Íslandi.
Sheehan kemur fram í í Hljóð-
færahúsinu/Tónabúðinni á föstu-
dagskvöld klukkan 20.00 og kostar
2.500 krónur inn.
- glp
Goðsögn miðlar visku
Bassaleikarinn Billy Sheehan, sem hefur leikið með
nokkrum af vinsælustu listamönnum heims, ætlar
að miðla af visku sinni hér á landi.
➜ Billy Sheehan er
bassaleikari hljóm-
sveitarinnar Mr. Big
sem hefur sent frá sér
slagara á borð við To Be
with You og Green-
Tinted Sixties Mind.
➜ Hann hefur mikið
leikið með gítarhetjunni
Steve Vai. Þá hefur
hann einnig spilað með
gullbarkanum David Lee
Roth.
➜ Hann er líka með-
limur í ofurhljóm-
sveitunum Niacin og
The Winery Dogs en
báðar sveitirnar skarta
heims klassa hljóðfæra-
leikurum.
Billy Sheehan hefur komið víða við
TÆKNITRÖLL
Bassa-
leikarinn Billy
Sheehan er
þekktur fyrir
mikla tækni
í sinni spila-
mennsku.
N
O
RD
IC
PH
O
TO
S/
G
ET
TY
„Hún er svo vær og góð að þetta er ekkert mál. Hún
kemur bara með mér á sýningarnar og horfir meira
að segja á myndirnar,“ segir kvikmyndagerðarkon-
an Vera Sölvadóttir sem nú er stödd á kvikmyndahá-
tíðinni Nordisk Panorama í Malmö. Þar keppir stutt-
myndin hennar, In Search of Livingstone, til úrslita í
aðalkeppni hátíðarinnar. Með henni í för er Saga, sem
er tveggja mánaða gömul dóttir hennar. Þrátt fyrir
ungan aldur er Saga orðin ansi sjóuð í kvikmyndahá-
tíðum enda er þetta önnur hátíðin sem hún fer á og eru
foreldrarnir farnir að kalla hana í gríni SagaClass.
„Hún kom með mér til Toronto en þá var pabbi hennar
með líka. Þá vorum við í tíu daga. Svo sá ég hvað það
var lítið mál að vera með hana með mér úti þannig að
ég fór bara með hana ein núna,“ segir Vera.
Þær mæðgur flakka því á milli kvikmyndasýninga
og annarra viðburða á hátíðinni. „Þetta væri náttúru-
lega ekki hægt nema af því að hún er svo frábær og
góð,“ segir Vera og bætir við: „Hún er eiginlega bara
besta auglýsingin fyrir myndina því að það muna allir
eftir konunni með barnið,“ segir Vera hlæjandi og
viður kennir að það hafi vakið athygli margra að sjá
svo ungt barn á kvikmynda hátíðum.
Myndin sem sýnd er í Malmö, In Search of Living-
stone, fjallar um tvo vini sem ferðast um landið í leit
að tóbaki vegna tóbaksskorts. Eiginmaður Veru, leik-
arinn Damon Younger, leikur annað aðalhlutverkið í
myndinni en hitt er í höndum Sveins Þóris Geirsson-
ar. Damon hefur leikið í nánast öllum myndum Veru.
„Við vorum reyndar bara vinir þegar þessi mynd var
tekin upp. Hann hefur verið í nánast öllum myndunum
mínum. Við kynntumst þannig að ég fékk hann til að
fljúga frá London til Parísar til þess að leika í útskrift-
armyndinni minni. Mér fannst hann hafa svo sérstakt
andlit,“ segir hún en þau urðu svo par síðar.
Vera er líka búin að gera aðra mynd sem ber nafnið
Gone og verður frumsýnd á kvikmyndahátíðinni í
Helsinki í vikunni. „Við Helena Jónsdóttir, dansari
og kóreógrafer, gerum hana saman og Ingvar E. Sig-
urðsson leikur aðalhlutverkið. Myndin er tekin upp á
Gljúfrasteini og það er ekkert talað í henni, bara dans-
að. Við erum svolítið skotnar í Ingvari því hann er
svo físískur þegar hann hreyfir sig og ákváðum þess
vegna að fá hann til þess að leika í myndinni,“ segir
Vera. „Helena er með ákveðna kenningu um að allir
geti dansað og hún hefur gaman af því að fá fólk sem
er ekki dansarar til þess að dansa,“ segir hún.
Myndin verður heimsfrumsýnd í Helsinki en
verður sýnd í framhaldinu á Íslandi. Vera kemur þó
ekki til með að vera á kvikmyndahátíðinni í Helsinki
en báðar myndirnar hennar verða sýndar þar. „Nei,
því miður þá kemst ég ekki þangað, ég held að þetta
sé orðið ágætt í bili þó ég væri mikið til í að vera við-
stödd.“ viktoriah@365.is
Tveggja mánaða á
kvikmyndahátíðum
Vera kynnir myndir sínar á hátíðum um allan heim. Dóttirin með í för.
MÆÐGURNAR Þrátt fyrir ungan aldur hefur Saga nú þegar
farið á tvær kvikmyndahátíðir. MYND/ÍSAK EYMUNDSSON
IN SEARCH OF LIVINGSTONE
In Search of Livingstone fjallar um ferðalag tveggja
vina, Denna og Thor, um landið þar sem þeir leita
að tóbaki. Tóbaksskortur er í landinu og keyra þeir
landshluta á milli í leit sinni að sígarettum. Myndin
var heimsfrumsýnd á Clermont-Ferrand-stuttmynda-
hátíðinni í Frakklandi í byrjun ársins. Með aðalhlut-
verk fara Damon Younger og Sveinn Þórir Geirsson.
DRYKKURINN
„Ég verð að viðurkenna að ég á svo-
lítið erfitt með að gera upp á milli
vatns og kaffis. Kaffið er nefnilega í
miklu uppáhaldi hjá mér þar sem ég
byrja alla morgna á góðum bolla og
svo eigum við yfirleitt samleið svona
í gegnum daginn.“
Kolbrún Pálína Helgadóttir, markaðs- og upp-
lýsingafulltrúi Sporthússins.