Fréttablaðið - 02.10.2014, Side 42

FÓLK|TÍSKA
Brigitte Bardot er önnur stærsta kynbomba kvik-myndasögunnar, á eftir
Marilyn Monroe. Árið 1956 lagði
hún heimsbyggðina að fótum sér
í kvikmyndinni „And God Created
Woman“ í leikstjórn þáverandi
eiginmanns síns, Rogers Vadim,
og í kjölfarið fékk heimurinn ein-
faldlega ekki nóg af Bardot.
Brigitte Bardot hóf fyrir-
sætuferil sinn strax á fimmtánda
árinu og varð fljótt eftirsóttasta
fyrirsæta Frakka. Hún fæddist í
tískuborginni París og ólst upp
hjá íhaldssömum kaþólikkum
sem vitaskuld tóku það nærri sér
þegar heimasætan ögraði fjöl-
skyldu sinni með því að sýna sig
fáklædda og stundum nakta á
síðum tískublaðanna.
Bardot setti sterkan svip á
samtímann og skapaði nýja
ímynd frjálslyndra kvenna með
því að vera sjóðheitt kyntákn en
einnig atkvæðamikil kvenréttinda-
kona. Hún gaf kvikmyndaleik upp
á bátinn þegar hún varð fertug,
helgaði líf sitt dýravernd og hefur
allar götur síðan verið einn áhrifa-
mesti dýraverndarsinni í heimi.
Einkalíf Bardot var skrautlegt
og prýddi iðulega forsíður blað-
anna og pólítískar skoðanir henn-
ar ollu ágreiningi í heimalandinu.
Þrátt fyrir allt var Brigitte Bardot
óumdeilanleg táknmynd 20. aldar
og persónugervingur langs tíma-
bils í kvikmyndasögunni.
80 ÁRA TÍSKUGYÐJA
Franska kynbomban, kvikmyndastjarnan og dýra-
vinurinn Brigitte Bardot varð áttræð í vikunni.
DANSARI Ávalar línur Brigitte Bardot
voru sem dáleiðandi. Hér er hún við tökur
á kvikmyndinni „Voulez-vous danser avec
moi“ árið 1959.
1967 Brigitte
Bardot var
vinsælasta
fyrirsæta
Frakka enda
klæddi hana
allt vel.
Það er mikið um grátt og silfurlitað hár hjá stelpunum núna og líka blátt. Þær sem eru orðnar gráhærðar eru mikið til hættar að
lita hárið og skella bara á sig bleikum varalit,“
segir Lena Magnúsdóttir, hársnyrtir hjá Epli
í Borgartúni, þegar við forvitnumst um hár-
tískuna í haust.
Hún segir sítt hár á undanhaldi, millisídd og
„bob- klippingar“ verði vinsælli í vetur.
„Línan er bein og svo verður líka svolítið um
rómantískan topp. Flétturnar og hnútarnir eru
þó ekki alveg úti en mikið um mjúkar greiðslur
og að helmingurinn af hárinu sé tekinn upp. Í
stutta hárinu eru mýkri línur. Rakaðar hliðar eru
á undanhaldi.“
En strákarnir?
„Gamaldags herraklipping verður vinsæl
í vetur. Strákarnir eru lítið að lita á sér hárið
núna en þeir sem eru með aðeins síðara ofan á
og jafnvel rakað í skiptingunni nota vax og gel.
Þó halda strákar líka áfram að safna hári, taka
upp í snúð og láta snyrta á sér skeggið með. En
annars finnst mér tískan frjálsleg núna og fólk er
bara með sinn eigin stíl.“ segir Lena. „Það gerir
vinnuna mína svo skemmtilega.“
Góð ráð fyrir veturinn?
„Nauðsynlegt er að djúpnæra hárið eftir sól-
ina og sumarið. Margir fóru til útlanda og komu
heim með upplitað og þurrt, jafnvel grænt hár
eftir vatnið úti. Svo er mikilvægt að nota alltaf
hitavörn þegar verið er að slétta hárið og renna
bara einu sinni í gegnum hvern lokk með sléttu-
járninu. Annars verður hárið strítt og rafmagn-
að og vantar allan glans.“
GRÁTT HÁR OG
BLEIKUR VARALITUR
TÍSKA Millisítt hár, grátt eða silfurlitt verður vinsælt í vetur svo og gamaldags
herraklipping. Lena Magnúsdóttir hjá Epli fræddi okkur um hausttískuna.
HÁRTÍSKAN
Lena Magnús-
dóttir hársnyrtir
á Epli í Borgar-
túni útlistar
hausttískuna í
hári.
MYND/STEFÁN
HITAVÖRN Nauðsynlegt er að
verja hárið vel áður en það er slétt-
að með heitu járni og fara aðeins
einu sinni í gegnum hvern lokk.
SNYRTILEGT Gamaldags herra-
klipping verður vinsæl í vetur hjá
strákunum.
RAKAÐAR HLIÐAR ÚT Mýkri
lína verður ríkjandi í stuttu hári í
vetur. MYND/NORDIC PHOTOS GETTY
SÍTT HÁR Á UNDANHALDI
Millisítt hár og „bob- klippingar“
verða vinsælar í vetur og hárið
jafnvel tekið upp til hálfs.