Fréttablaðið - 05.02.2015, Qupperneq 2

5. febrúar 2015 FIMMTUDAGUR| FRÉTTIR | 2
SPURNING DAGSINS
E
M
M
N
N
E
M
M
E
N
N
Í
/
S
ÍA
/
/
N
M
6
0
0
3
7
0
0
3
7
0
0
3
SUÐUR-AFRÍKA Í gær stóð yfir rannsókn á hræi 41. nashyrningsins sem
veiðiþjófar hafa drepið í Kruger-þjóðgarði í Suður-Afríku það sem af
er ári. Veiðiþjófar ásælast horn skepnanna en þau eru seld á svörtum
markaði og stundum mulin í duft sem á að auka mönnum kyngetu.
Samkvæmt opinberum tölum drápu veiðiþjófar 1.215 nashyrninga í
Suður-Afríku á síðasta ári. Þar af voru 827 drepnir í Kruger-þjóðgarð-
inum. - óká
41 nashyrningur drepinn í Kruger-þjóðgarði það sem af er ári:
Yfir tólf hundruð drepnir í fyrra
DREPINN FYRIR HORNIN Frikkie Rossouw (lengst til hægri), sérfræðingur í rann-
sóknum á umhverfisglæpum hjá SANParks, undirbýr í gær krufningu á hræi nas-
hyrnings sem veiðiþjófar drápu. Náist kúlan sem grandaði dýrinu gæti það gagnast í
frekari rannsóknum. FRÉTTABLAÐIÐ/EPA
Davíð, verður röð við inn-
ganginn?
Nei, en fullt hús.
Davíð Þór Rúnarsson er formaður Póker-
sambands Íslands sem stendur fyrir dýrasta
pókermóti Íslandssögunnar á Grand hóteli á
laugardag.
DÓMSMÁL Róbert Ragnar Spanó,
dómari við Mannréttindadómstól
Evrópu, hefur vikið sæti í máli
Geirs H. Haarde, fyrrverandi
forsætisráðherra, gegn íslenska
ríkinu vegna vanhæfis.
,,Ég tjáði mig opinberlega um
málið sem lagaprófessor á meðan
það var til meðferðar auk þess að
skrifa um niðurstöðu Landsdóms
bæði í Fréttablaðið og í fræðirit
sem ég hef gefið út,“ segir Róbert
um málið.
,,Ég tók þessa ákvörðun sjálfur,
en hún var til-
kynnt forseta
minnar deildar
í samræmi við
lög,“ bætir hann
við og vísar í
reglur fyr ir
dómstólinn.
G e i r H .
Haarde, höfð-
aði mál á hendur íslenska rík-
inu vegna Landsdómsmálsins
svokallaða, það er málshöfð unar
á hendur honum og dómi fyrir
Landsdómi. Mannréttindadóm-
stóllinn er með málið til með-
ferðar, en ekki er vitað hvenær
búast megi við niðurstöðu í því.
Úr dómum Mannréttindadóm-
stólsins má lesa að reglur dóms-
ins kveði á um að að dómarar
verði ekki aðeins vanhæfir vegna
beinna tengsla við málsaðila í
dómsmáli, heldur verði að vera
hafið yfir allan vafa að þeir séu
óháðir málsaðilum og alveg hlut-
lausir í dómarastörfum sínum.
- ngy
RÓBERT SPANÓ
Róbert Spanó segist vanhæfur í dómarasæti í máli Geirs Haarde gegn ríkinu:
Ákvað að víkja úr dómstólnum
STJÓRNMÁL „Ég held að við höfum sofið fljótandi að
feigðarósi í þessum málaflokki,“ sagði Guð laugur
Þór Þórðarson, þingmaður Sjálfstæðisflokks, á
Alþingi í gær í sérstökum umræðum um ungt fólk
og fyrstu íbúðarkaup þess. Guðlaugur Þór hefur
áhyggjur af því að það sé snúið mál fyrir ungt fólk
að kaupa sér íbúð núna í skuldhvetjandi kerfi.
„Við þurfum að breyta um stefnu, við getum ekki
haft fyrirkomulag sem hvetur fólk til að skulda,“
sagði hann.
Eygló Harðardóttir, félags -og húsnæðismálaráð-
herra, svaraði Guðlaugi Þór og sagðist sammála
þingmanninum í því að það þyrfti að breyta um
stefnu og það þyrfti að horfa á kerfið í heild sinni.
Hún rifjaði það upp að Íslendingar hefðu lengi verið
Evrópumeistarar í vanskilum húsnæðislána. „Við
höfum vermt efstu sætin í vanskilum þrjú ár í röð,“
sagði Eygló. Hún benti einnig á að erlendis væri fólk
eldra þegar það keypti sér húsnæði og sagði nauð-
syn að ná niður húsnæðiskostnaði á leigumarkaði og
tryggja hagkvæmara skattaumhverfi fyrir leigu-
félög.
Sigríður Ingibjörg Ingadóttir, þingmaður Sam-
fylkingarinnar, reiknaði það út að ef foreldrar ætl-
uðu sér að aðstoða barn sitt með útborgun í íbúð
þyrftu þeir að leggja fyrir rúmlega 20 þúsund krón-
ur á mánuði alla æsku barnsins, í 216 mánuði. Sam-
tals fimm milljónir króna. -kbg
Stjórnarliðar ræða um erfiðleika ungs fólks við fyrstu íbúðarkaup:
Skuldahvetjandi markaður
EVRÓPUMEISTARAR Í VANSKILUM Eygló Harðardóttir,
félags- og húsnæðismálaráðherra, ræddi um slæma stöðu á
húsnæðismarkaði á Alþingi í gær. FRÉTTABLAÐIÐ/VILHELM
SJÓNVARP Ríkisútvarpið braut
lög þegar það sýndi James Bond-
mynd klukkan fimm mínútur í
níu að kvöldi 9. janúar sl. Lög
heimila ekki sýningu mynd-
arinnar fyrir klukkan 22.00. Fjöl-
miðlanefnd fjallaði um málið og
komst að þessari niðurstöðu.
RÚV gekkst við brotinu og
harmaði að það hefði átt sér stað.
Þrátt fyrir að heimild sé í lögum til
að leggja á stjórnvaldssekt vegna
brota af þessum toga ákvað fjöl-
miðlanefndin að gera það ekki. - kbg
Fékk bréf frá fjölmiðlanefnd:
RÚV harmar
brot á lögum
SAMFÉLAG Tuttugu endurhæf-
ingar rýmum verður lokað á
Hrafnistu í Reykjavík 1. maí
næstkomandi og hefur fimm
manns verið sagt upp. Skjólstæð-
ingar í endurhæfingu búa margir
í eigin húsnæði enn og halda sér
við með daglegri komu á Hrafn-
istu eða styttri dvöl.
Samningar náðust ekki við
ríkið um að halda áfram endur-
hæfingunni. Markmiðið með
henni er að lengja sjálfstæða
búsetu eldra fólks, með iðjuþjálf-
un, hjúkrunarþjónustu og sjúkra-
þjálfun. Í staðinn verður einfald-
ara hvíldarúrræði sett á fót. - kbg
Einfaldari hvíldarúrræði:
Fimm sagt upp
á Hrafnistu
ALÞINGI Frumvarpi um náttúru-
passa var í gær vísað til atvinnu-
veganefndar. Fyrstu umræðu um
málið lauk á þriðjudag, en við lok
umræðunnar opnaði Ragn heiður
Elín Árnadóttir iðnaðarráð-
herra á að málið færi frekar til
umhverfis- og samgöngunefndar
en atvinnuveganefndar.
Heitar umræður urðu um
málið, en að endingu lagði ráð-
herra til að atvinnuveganefnd
fengi málið. Róbert Marshall,
þingmaður Bjartrar framtíðar,
lagði þá til að málinu yrði vísað
til umhverfisnefndar. Hann féll í
gær frá þeirri tillögu. - kóp
Fyrstu umræðu lokið:
Náttúrupassa
vísað í nefnd
SAMFÉLAG Ólöf Þorbjörg Péturs-
dóttir, 18 ára stúlka, sem er þroska-
skert og mállaus og lýst hafði verið
eftir snemma í gær, fannst í læstum
bíl sem er á vegum Ferðaþjónustu
fatlaðra. Lögreglan telur að hún hafi
verið í bílnum frá klukkan 13 í gær
eða í nærri því sjö klukkustundir.
Sagt var frá þessu á Pressunni í
gærkvöldi.
Móðir stúlkunnar, Dóra Eydís
Pálsdóttir, segist munu ræða við
forsvarsmenn ferðaþjónust unnar
við fyrsta tækifæri og lýsir mikilli
óánægju með atvikið sem skaut fjöl-
skyldunni skelk í bringu. Sem betur
fer varð dóttur hennar ekki sýnilega
meint af ferðalaginu. „Hún er sjálfri
sér lík,“ segir hún.
Samkvæmt heimildum blaðsins
verður bílstjóranum, sem mun vera
verktaki hjá Strætó, sagt upp störf-
um hjá fyrirtækinu vegna atviksins.
Lögregla hafði lýst eftir Ólöfu í
gær eftir að henni var ekið frá skóla
að Hinu húsinu í Pósthússtræti í dag
en ekki skilað sér þangað inn. Björg-
unarsveitir á höfuðborgarsvæðinu
voru kallaðar út seinna þann sama
dag. Á sjöunda tug björgunarmanna
var við leit í miðbæ Reykjavíkur og
við höfnina. Ættingjar hennar tóku
þátt í leitinni.
„Þetta er ótrúlegt mál,“ segir Val-
garður Valgarðsson yfirvarðstjóri.
„Stúlkan var sótt upp í Ármúla um
eittleytið og er ekið í Hitt húsið. Þar
telur bílstjórinn sig horfa á eftir
henni út en síðan þegar á að fara að
sækja hana um fjögur þá finnst hún
ekki. Þá er farið að huga að henni
og leita að henni. Um hálfáttaleytið
finnst hún svo í bílnum,“ segir Val-
garður og segir lögreglu hafa komið
stúlkunni heim í hendur foreldra.
„Stúlkan virðist hafa gleymst í bíln-
um, bílstjórinn fór heim, hafði lokið
sínum vinnudegi og segist ekki hafa
tekið eftir henni.“
Fleiri alvarleg atvik hafa komið
upp í akstri Ferðaþjónustu fatl-
aðra upp á síðkastið. Nýverið var
ungri stúlku með þroskahömlun
og einhverfu ekið með Ferðaþjón-
ustu fatlaðra á leið til skóla. Í stað
þess að keyra hana í skólann var
henni vísað úr bílnum á öðrum stað
í grenndinni og þar var hún skilin
eftir.
Smári Ólafsson, sviðsstjóri akst-
ursþjónustu Strætó, sagði málið
vera í skoðun í samtali við Vísi í
gærkvöldi. „Við erum enn þá að átta
okkur aðeins á hvað gerðist en á
þessu stigi held ég að það eina sem
ég geti sagt er að við erum mjög
fegin að hún hafi komið fram heilu
og höldnu,“ segir hann. „Við erum
að vinna í því að fá upplýsingarnar
frá bílstjór anum og öðrum,“ segir
hann. kristjanabjorg@frettabladid.is
HEIL Á HÚFI Ólöf Þorbjörg (á innfelldu myndinni) fannst eftir sjö tíma í læstum bíl.
Hún virðist hafa orðið eftir í bílnum þegar aðrir fóru út við Hitt húsið. FRÉTTABLAÐIÐ/VILHELM
Mállaus föst í læst-
um bíl í sjö stundir
Átján ára þroskaskert, mállaus stúlka fannst í læstum bíl á vegum Ferðaþjónustu
fatlaðra fyrir utan heimili bílstjórans. Björgunarsveitir leituðu að henni í miðbæ
Reykjavíkur og ættingjar tóku þátt í leitinni. „Er sjálfri sér lík,“ segir móðir hennar.
Við erum enn þá að
átta okkur aðeins á hvað
gerðist en á þessu stigi held
ég að það eina sem ég geti
sagt er að við erum mjög
fegin að hún hafi komið
fram heilu á höldnu.
Smári Ólafsson,
sviðsstjóri akstursþjónustu Strætó.
0
4
-0
2
-2
0
1
5

2
2
:0
3
F
B
0
7
2
s
_
P
0
7
1
K
.p
1
.p
d
f
F
B
0
7
2
s
_
P
0
0
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
3
A
4
-C
4
4
0
1
3
A
4
-C
3
0
4
1
3
A
4
-C
1
C
8
1
3
A
4
-C
0
8
C
2
8
0
X
4
0
0
1
B

F
B
0
7
2
s
C
M
Y
K