Skessuhorn - 12.06.2013, Síða 17

17MIÐVIKUDAGUR 12. JÚNÍ 2013
Tölvumaður óskast
Landbúnaðarháskóli Íslands óskar eftir tölvumanni
í 100% starf í notendaþjónustu á Hvanneyri
Meginverkefni: Aðstoð við starfsfólk og nemendur, ásamt viðhaldi og uppsetningu á
tölvubúnaði. Önnur verkefni á þessu sviði sem starfinu tengjast.
Æskileg menntun, reynsla og hæfni: Nám í tölvunarfræði eða önnur samsvarandi
menntun sem nýtist vel í starfinu eða töluverð reynsla á þessu sviði. Góð þekking á tölvum og
Microsoft hugbúnaði. Ábyrgð, vandvirkni, frumkvæði og sjálfstæði í vinnubrögðum. Góð færni
í mannlegum samskiptum.
Vinnustaður: Landbúnaðarháskóli Íslands, Hvanneyri.
Launakjör: Launakjör eru samkvæmt kjarasamningum opinberra starfsmanna. Um starfskjör,
réttindi og skyldur gilda að öðru leyti lög um réttindi og skyldur starfsmanna ríkisins nr.
70/1996.
Upplýsingar: Nánari upplýsingar veitir Guðjón Helgi Þorvaldsson, umsjónamaður tölvumála,
netfang gudjon@lbhi.is, sími 8435311. Öllum umsóknum verður svarað þegar ákvörðun um
ráðningu hefur verið tekin. Landbúnaðarháskóli Íslands áskilur sér rétt til að hafna öllum
umsóknum.

Umsóknarfrestur: Umsóknarfrestur er til 1. júlí. Æskilegt er að umsækjandi geti hafið störf 1.
ágúst. Umsókn ásamt starfsferilskrá og prófskírteinum skal senda til:
Landbúnaðarháskóli Íslands, b.t. Guðjóns Helga Þorvaldssonar, Hvanneyri, 311 Borgarnes
eða á netfangið starf@lbhi.is
Opið miðvikudaga - sunnudaga
frá kl. 14.00 - 17.00
17. júní - 28. júlí 2013
Listasetrið Kirkjuhvoll
Merkigerði 7 - Akranesi
Ver
Samsýning
Guðrúnar Hrannar
Ragnarsdóttur, Sólveigar
Aðalsteinsdóttur og
Þóru Sigurðardóttur
Opnun
17. júní kl. 16.00
Haraldur Magnússon bóndi í
Belgsholti í Melasveit hefur síður
en svo látið staðar numið við rekst-
ur vindmyllu á jörð sinni, þrátt fyrir
að fyrsta vindmyllan hans hafi eyði-
lagst í roki einungis rúmum fjórum
mánuðum eftir vígslu hennar árið
2011. Myllan sú var jafnframt fyrsta
vindorkuver landsins sem tengt var
inn á dreifikerfi Landsnets, en Fall-
orka á Akureyri keypti þá raforku
sem Haraldur notaði ekki til bú-
rekstrarins í Belgsholti en útveg-
aði í staðinn það rafmagn sem búið
þurfti að kaupa þegar rafmagns-
framleiðslan var ekki næg heima
fyrir. Myllan framleiddi 70-75% af
raforkuþörf búsins en afgangs orka
var seld þegar vindar voru hagstæð-
ir. Haraldur er nú ásamt aðstoðar-
mönnum sínum að leggja lokahönd
á nýja og mikið endurbætta vind-
myllu sem ætlunin er að reisa um
eða uppúr næstu helgi, helst áður
en heyannir taka við.
Rifjaðist upp stærra áfall
Bilun varð í stýribúnaði gömlu vind-
myllunnar í Belgsholti í roki sem
gerði 29. nóvember 2011. Sló hún
ekki af þrátt fyrir mikinn vind og
mátti rekja orsökina til galla í stýri-
búnaði. Óhappið lýsti sér þannig
að þegar vindur jókst snerist myll-
an í heilar 180 gráður undan vindi
og byrjaði að basla á móti vindinum
og taka við það mikið rafmagn útaf
dreifikerfinu, í stað þess að senda
þangað rafmagn. Tveir af þremur
spöðum hennar flögnuðu sundur
við þetta og sá þriðji hékk á og við
það missti hún jafnvægið og hristist
þar til að hún braut sig af festingun-
um og steyptist niður. Þriðji spað-
inn hjó sundur efsta hluta masturs-
inns um leið og hún féll til jarð-
ar. Aðspurður segist Haraldur hafa
tekið þessu óhappi af karlmennsku
og ákveðið að láta ekki mótbyrinn
slá sig út af laginu. „Þegar ég kom
að brotnu myllunni varð mér hugs-
að til óhapps sem varð hér þegar
ég var barn. Faðir minn var nýbú-
inn að byggja fjárhús hér austan við
bæinn og einungis átti eftir að setja
hurðirnar í, þar sem endað var á að
mála þær. Þá gerði svona rosalegt
vestanrok að fjárhúsin hreinlega
splundruðust af því dyrnar vant-
aði, einungis annar hliðarveggur-
inn stóð eftir og þurfti því að end-
urbyggja þau frá grunni. Þegar ég
kom að vindmyllunni eftir óhappið
rifjaðist þetta atvik upp fyrir mér og
hugsaði ég sem svo að fyrst pabbi
komst í gegnum sitt áfall, þá hlyti
ég að komast í gegnum þetta,“ rifj-
ar Haraldur upp.
Endurhannað og bætt
Nú hefur Haraldur endurhannað
margt frá fyrri vindmyllunni. Held-
ur tafði hann að sænska fyrirtæk-
ið sem framleiddi myllurnar varð
gjaldþrota um svipað leyti og myll-
an skemmdist og erfiðara reyndist
því að nálgast varahluti. Í gegnum
þrotabúið fékk hann þó að endingu
nýjan mótor og gír ásamt nokkr-
um smærri hlutum en margt hefur
hann látið smíða nýtt, traustbyggð-
ara en áður. Nú hyggst Harald-
ur m.a. lækka hæð mastursins sem
vindmyllan hvílir á, þar sem kom-
ið hefur í ljós að meiri hagkvæmni
fæst í framleiðsluna með því að
beisla vindinn í minni hæð. „Nýja
vindmyllan er nánast að öllu leyti
endurbyggð, bæði styrkingar í vél-
arhúsinu og þá mun mastrið verða
lægra. Það er til bóta að lækka það
um nokkra metra því þá mun hún
síður slá út þegar vindur er of sterk-
ur í meiri hæð,“ segir Haraldur.
Þegar blaðamaður leit við í véla-
skemmunni í Belgsholti síðastlið-
inn sunnudag unnu tæknimenn
ásamt Haraldi við að forrita og fín-
stilla ýmsan búnað í stýrikerfi myll-
unnar sem stjórnar því t.d. hvern-
ig vindmyllan snýr eftir vindátt og
hvenær hún slær af sökum of mik-
ils vindálags. Nýja myllan er líkt og
sú fyrri tölvustýrð og getur Har-
aldur fylgst með úr heimatölvunni
hvernig allt stýrikerfi hennar virk-
ar. Eftir að hann var búinn að lýsa
fyrir gesti hvernig myllan og end-
urbyggingu hennar er háttað, er
blaðamaður ekki í minnsta vafa um
að bóndinn í Belgsholti er nú þeg-
ar orðinn einn fremsti sérfræðingur
landsins í svona búnaði.
Bremsudæla úr
25 ára Subaru
Þegar gamla myllan féll af stalli
sínum eyðilagðist flest í tækjabún-
aði hennar. Til að mynda brotn-
uðu spaðar hennar þrír, en þeir eru
hver um sig hálfur sjöundi metri
að lengd. Haraldur lét gera mót af
þeim norður í landi og steypti þá
nýja og sterkbyggðari en þá fyrri.
Mótin verða svo áfram til og hægt
að endurgera spaða eftir þeim ef
og þegar þess þarf. Mótor og gír
myllunnar var einnig endurnýjað-
ur. Þá hafa ýmsar festingar, tækni-
búnaður og stýringar verið endur-
byggðar þannig að galli eins og sá
sem olli skemmd á gömlu myllunni
á helst ekki að geta endurtekið sig.
Hugvit bóndans kemur svo víða við
í endurbyggingunni. Sem dæmi þá
lét Haraldur endursmíða bremsu-
disk fyrir spaðahjólið í myllunni og
á þessum bremsudiski er bremsu-
dæla. „Mér höfðu fróðir menn
sagt að bremsudælur í Subaru bíl-
um árgerð 1988 hafi verið þær öfl-
ugustu sem gerðar hafa verið. Ég
útvegaði mér því slíka dælu og lét
gera hana upp. Raunar má segja að
meirihlutinn af búnaði í nýju myll-
unni sé endurhönnun og bæting frá
þeirri gömlu og fær þessi því nafn-
ið Halli-Vind, enda er meirihlutinn
í þessari endurgerð íslensk hönnun
og framþróun á sænska hugvitinu,“
segir Haraldur.
Stofnkostnaður gömlu vindmyll-
unnar í Belgsholti var um 11 millj-
ónir króna en endurgerð þessar-
ar áætlar Haraldur að muni kosta
hann tæpar sjö milljónir. Eldri vind-
myllan var ótryggð fyrir áföllum og
því fellur allur kostnaður við verkið
nú á Harald. Hann segir þó ljóst að
ef þessi nýja skilar sínu jafn vel eða
betur en sú gamla gerði, muni hún
vinna fyrir fjárfestingunni á nokkr-
um árum. mm
Ný og endurbætt
vindmylla í Belgsholti
Hér er fyrri myllan á stalli sínum. Nú
verður mastrið lækkað en talið er hag-
kvæmara að beisla vindinn nær jörðu.
Haraldur við vélbúnaðinn í nýju vindmyllunni, en nú er unnið að prófunum og
fínstillingu fyrir uppsetningu um næstu helgi.
Hver mylluspaði er 6,5 metrar að
lengd.
Hér er búið að koma fyrir bremsudælu
úr Subaru árg. 1988 við bremsudisk
nýju myllunnar.