Skessuhorn - 21.08.2013, Blaðsíða 12

12 MIÐVIKUDAGUR 21. ÁGÚST 2013
ÚTBOÐ
Ljósleiðaravæðing
Hvalfjarðarsveitar
Hvalfjarðarsveit óskar eftir tilboðum í röralagnir, blástur
ljósleiðara og tengingar. Verklok eru eigi síðar en 15.6.2014.
Verkið felur í sér að plægja eða grafa niður blástursrör frá
dreifistöðvum kerfisins inn á lögheimili Hvalfjarðarsveitar,
setja niður tengiskápa og brunna ásamt frágangi lagnaleiðar,
blástur ljósleiðarastrengja og tengingar ljósleiðaranets
Hvalfjarðarsveitar.

Helstu magntölur eru:
- Plæging blástursröra 165.000 m
- Blástur stofnstrengja 112.000 m
- Blástur heimtaugastrengja 97.000 m

Útboðsgögn verða afhent á rafrænu formi frá og með
mánudeginum 19. ágúst 2013.
Þeir sem hyggjast gera tilboð í verkið skulu hafa samband við
Kristinn Hauksson með tölvupósti, kristinn.hauksson@efla.is
og gefa upp nafn, heimilisfang, síma og netfang og fá í kjölfarið
útboðsgögnin send í tölvupósti.

Tilboðum skal skila á Verkfræðistofuna EFLU, Höfðabakka 9,
110 Reykjavík (1.hæð gengið inn á suðurhlið)
fyrir kl. 11:00 mánudaginn 2. september 2013, en þá verða þau
opnuð að viðstöddum þeim bjóðendum sem þess óska.

Sveitarstjóri Hvalfjarðarsveitar
S
K
E
S
S
U
H
O
R
N
2
01
3
Áhugahópur um eflingu ferðaþjón-
ustu gekkst fyrir íbúafundi í Dala-
búð sl. miðvikudag, um ferða-
mannastaði í Dalabyggð. Þar var
lýst eftir hugmyndum um framtíð-
arskipulag atvinnu- og ferðamála í
sýslunni. Einkum var óskað eftir að
þeir sem tengdust ferðamálunum
mættu á fundinn og á hann komu
um 30 manns. Kristín Þorleifsdótt-
ir landslagsarkitekt hefur umsjón
með verkefni tengdu framtíð ferða-
þjónustunnar í Dölunum. Hafði
hún framsögu og ræddi við gesti á
fundinum. Fór hún m.a. yfir núver-
andi stöðu ferðaþjónustu í Dölun-
um og kynnti verkefni um skrán-
ingu og kortlagningu áhugaverðra
ferðamannastaða í Dalabyggð.
Margar hugmyndir komu fram og
var þeim safnaði í pott til frekari úr-
vinnslu. Sumar hugmyndirnar snú-
ast um það sem gæti verið á næsta
leyti og aðrar um framtíðarverk-
efni. Breyttar og bættar samgöngur
voru mikið til umræðu á fundinum
og þau áhrif sem þær gætu haft á
þróun mála næstu áratugina. Tölur
sýna að umferðin gegnum Dalina
hefur tvöfaldast á síðustu tíu árum.
Umferðin hefur ekki síst aukist eft-
ir að vegurinn um Þröskulda varð
aðaltengingin frá Vesturlandi vest-
ur á firði. þá
„Ég veit hreinlega ekki hvað er að
sumu fólki,“ segir Kristberg Jóns-
son í Baulunni í Borgarfirði um
umgengni bíleigenda um bílaþvot-
taplan við verslun hans upp á síð-
kastið. Segir hann umgengni afar
slæma. Af þessum sökum hefur ver-
ið ákveðið að loka bílaþvottaplan-
inu í sumar. „Við höfum stöðugt
verið að koma að ónýtum kústum í
sumar í upphafi vinnudags, illa frá-
gengum slöngum og rusli á víð og
dreif. Í sumar ákváðum við að hætta
að endurnýja kústana og vera bara
með slöngu á planinu. Bíleigendur
gátu þá komið með eigin svamp eða
bílaþvottasett til að nota einnig sem
húsbílafólk gætu notað slöngurnar
til að dæla vatni á bílana sína,“ segir
Kristberg, eða Kibbi eins og hann
er jafnan kallaður. „Umgengn-
in breyttist ekki við þetta og því
ákváðum við að hætta að bjóða upp
á þessa þjónustu.“
Kibbi segir að umgengni hafi
versnað á síðustu misserum en hún
hafi verið nokkuð góð fyrri hluta
sumars. „Síðan versnaði þetta ein-
hverra hluta vegna.“ Að auki segir
Kibbi að oft hafi komið fyrir að úr-
gangur úr húsbílum hafi verið los-
aður á bíla- og þvottaplan Baulunn-
ar. Í mörgum tilfellum hafi þetta
verið bílar með erlendum bílnúm-
erum. „Það þarf eitthvað að gera
í þessum málum. Fólk getur bara
ekki hagað sér svona áfram.“ Þess
utan höfðu hestakerrur verið þrifn-
ar á planinu og hrossatað skilið eft-
ir út um allt plan. Af þessum sök-
um hafi verið skrúfað fyrir vatn á
nóttinni síðasta mánuðinn. „Okkur
þykir leiðinlegt að þurfa að loka en
við höfum stolt boðið upp á á þessa
þjónustu hingað til þar sem það
sárlega vantar aðstöðu sem þessa í
Borgarfirði, einkum þó í Borgar-
nesi. Nú er hins vegar bara kom-
ið nóg.“
hlh
Veiðitímabil á grágæs og heiða-
gæs hófst 20. ágúst sl. og stend-
ur til 15. mars. Varpið hófst frem-
ur seint í ár og því var upphafi
veiðanna seinkað á austursvæði
Vatnajökulsþjóðgarðs til 1. sept-
ember. Algengt er að veiðimenn
bíði með gæsaveiði þar til í sept-
ember ekki síst í ljósi þess að þá
er einnig heimilt að hefja veiðar á
þeim andategundum sem veiddar
eru. Fjöldi veiðimanna fer hins-
vegar til veiða fyrstu dagana, sér-
staklega þeir sem veiða heiðagæs-
ir, en þeim hefur fjölgað mjög síð-
ustu árin, eins og reyndar ýmsum
andategundum, en veiðitölur end-
urspegla gott ástand á gæsastofn-
um. Á vef Umhverfisstofnunar
segir að veiðimenn séu minntir
á að óheimilt er að skjóta ófleyga
fugla og hafa ber í huga að bú-
ast má við ófleygum gæsaungum
á fyrstu dögum veiðitímabilsins.
Veiðimenn eru ennfremur minnt-
ir á alfriðun blesgæsar en hún hef-
ur verið friðuð síðan 2003.
þá
Makrílveiðar handfærabáta frá
Snæfellsbæ eru nú farnar að ganga
ágætlega, en þær fóru hægt af stað
þegar opnað var fyrir þær 1. júlí sl.
Síðasta föstudag var nóg að gera í
höfnunum í Snæfellsbæ en þá lönd-
uðu yfir 30 makrílbátar ágætum afla
og var verið að landa úr bátunum
til klukkan rúmlega eitt aðfararnótt
laugardagsins, þegar þessi mynd
var tekin í Ólafsvík. Á mánudaginn
voru flestir bátanna með góðan afla
og lönduðu sumir tvisvar þann dag-
inn. Aflinn hefur fengist alveg frá
Rifi og suður á Malarrif. Um það
bil eitt þúsund tonn eru eftir í pott-
inum og vonast sjómenn til að bætt
verði við hann.
þa
Stjórn Samtaka sveitarfélaga á Vest-
urlandi hefur ákveðið að koma að
styrkumsókn sem Orkusetur land-
búnaðarins við Landbúnaðarhá-
skóla Íslands á Hvanneyri stendur
að ásamt öðrum rannsóknastofn-
unum í Finnlandi og Írlandi. Um er
að ræða samstarfsverkefni um þró-
un lausna í framleiðslu lífeldsneyt-
is og lífræns áburðar en sótt er um
styrk til Norðurslóðaráætlunar Evr-
ópusambandsins (NPP). Markmið
samstarfsins er að sameina þekk-
ingu, reynslu og tengslanet þeirra
sem aðild eiga að samstarfinu í þeim
tilgangi að innviðir svæða, á borð
við Vesturlands, verði betur í stakk
búnir til að nýta lífmassa. Um er að
ræða orku- og áburðarframleiðslu
en meginmarkmiðið er að stuðla að
aukinni sjálfbærni á svæðinu. Dæmi
um rannsóknarefni er möguleg nýt-
ing lífrænnar orku til húshitunar og
sem eldsneyti.
Eiður Guðmundsson, verkefn-
isstjóri Orkuseturs landbúnaðar-
ins, segir að nú þegar hafi verkefnið
fengið vilyrði fyrir forverkefnis-
styrk frá NPP sem nýttur verður
til að undirbúna umsókn um aðal-
styrk. Hann segir að vinna við um-
sókn standi yfir fram á næsta vetur
en senda þarf inn öll gögn til NPP
í síðasta lagi fyrir júlí á næsta ári. Ef
af verður mun verkefnið standa yfir
í allt að tvö ár. Um spennandi verk-
efni verður að ræða, að mati Eiðs,
sem að stofninum til er rannsókn-
arvinna. Hvað Íslandshluta rann-
sóknarinnar snertir er meiningin sú
að framkvæma rannsóknir á tveim-
ur svæðum á landinu, á Norðaust-
urlandi og á Vesturlandi.
hlh
Frá fundinum um atvinnumál í Dalabúð. Frá hægri talið: Sveinn Pálsson sveitar-
stjóri Dalabyggðar, Henný Árnadóttir sumarstarfsmaður, Kristín Þorleifsdóttir
landslagsarkitekt og verkefnisstjóri, aðstoðarkona hennar og Rósa Björk Hall-
dórsdóttir framkvæmdastóri Markaðsstofu Vesturlands. Ljósm. bae.
Ágætlega mætt á fund
um ferðamál í Búðardal
www.skessuhorn.is
Fylgist þú með? S: 433 5500

Bílaþvottplani Baulunnar
lokað vegna slæmrar umgengni
Bílaþvottaplani Baulunnar hefur nú
verið lokað.
Líflegt á makrílveiðunum í Snæfellsbæ
Framtíðin getur borið ýmislegt í skauti sér. Hér má sjá nútíma haughús í útlöndum
sem safnar saman lífrænni orku.
Sækja um styrk til rannsókna á sjálfbærri
orkunotkun í landbúnaði
Gæsaveiðitímabilið er byrjað