Skessuhorn - 21.08.2013, Blaðsíða 18

18 MIÐVIKUDAGUR 21. ÁGÚST 2013
abc
Sumarfríum er nú lokið í leik-
skólum á Vesturlandi og mikið
um að vera hjá nemendum þeirra
og starfsfólki. Mikill fjöldi barna
dvelur og stundar nám í leikskól-
um landshlutans og er nemenda-
fjöldi þeirra 967 samkvæmt saman-
tekt Skessuhorns. Leggja skólarn-
ir mismunandi áherslur í starfi sínu
eins og gefur að skilja. Hér á eftir
er samantekt Skessuhorns um starf
leikskólanna á Vesturlandi unn-
in með símtölum við stjórnendur
þeirra. Tekið skal fram að í fjórum
tilfellum eru leikskólar sameinaðir
grunnskólum og vísar Skessuhorn í
greinar um þá sem er að finna á öðr-
um síðum hér í Skólablaðinu. Þetta
eru Leik- og grunnskóli Hvalfjarð-
arsveitar, Laugargerðisskóli í Eyja-
og Miklaholtshreppi, Auðarskóli í
Dalabyggð og Reykhólaskóli.
Akranes
Á Akranesi eru starfræktir fjór-
ir leikskólar; Akrasel, Garðasel,
Teigasel og Vallarsel. Í heildina eru
405 börn á leikskólum á Akranesi.
Akrasel
Leikskólinn Akrasel var stofnað-
ur 8. ágúst árið 2008 og átti því ný-
verið fimm ára afmæli eins og lesa
mátti um í síðasta Skessuhorni. Á
Akraseli verða 122 nemendur í vet-
ur og eru þeir yngstu sem tekn-
ir eru inn á öðru aldursári. Deildir
skólans eru fimm talsins og eru þær
aldursskiptar. Skólastarfið hófst
6. ágúst síðastliðinn. Starfsmenn
skólans eru 35 með fólki í eldhúsi
og við stjórnun og er hlutfall fag-
lærðra 74%.
Starfið á Akraseli snýr að miklu
leyti að heilbrigði og umhverf-
isvernd. „Akrasel er Grænfána-
skóli og við vinnum eftir kjörorð-
um skólans sem eru Náttúra, Nær-
ing og Nærvera. Aðaláherslur skól-
ans eru endurvinnsla, endurnýt-
ing og umhverfismenntun og einn-
ig vinnum við mikið með jóga.
Við erum í samtökum sem nefnast
Birta, ásamt þremur öðrum leik-
skólum,“ segir Anney Ágústsdótt-
ir skólastjóri Akrasels. Markmið
Birtu er að vinna að lífsleikni barna
í gegnum jóga og að gera umhverf-
ismennt, heilbrigði, hreyfingu og
hollt fæði áberandi í starfi leik-
skóla. „Við tökum svo þátt í Co-
meníusarverkefni sem er samstarfs-
verkefni leikskóla víða um Evrópu
og ber nafnið Me and my Europe.
Þann 27. maí til 1. júní fengum við
21 gest frá átta löndum í heimsókn.
Tilgangur þessarar heimsóknar var
að skiptast á hugmyndum og að
læra hver af öðrum,“ segir Anney.
Garðasel
Þetta skólaárið verða 76 nemendur
á leikskólanum Garðaseli á Akra-
nesi og þau yngstu fædd árið 2011.
Skólanum er skipt niður í þrjár ald-
ursskiptar deildir; Lón, Holt og
Vík. Starfsmenn Garðasels eru 22
í 19 stöðugildum. „Við erum með
marga faglærða og 14 leikskóla-
kennara í þessum stöðum,“ segir
Ingunn Ríkharðsdóttir leikskóla-
stjóri. Skólastarfið hófst 6. ágúst
síðastliðinn.
Garðasel er heilsuleikskóli og
aðili að Samtökum heilsuleikskóla
á Íslandi. „Það eru samtök sem eru
alltaf að stækka og eflast og eru nú
24 heilsuleikskólar víðsvegar um
landið. Það er mjög gaman að til-
heyra svona samtökum og gam-
an að hitta og vera með kennur-
um og stjórnendum annarsstaðar
af landinu. Það víkkar sjóndeildar-
hringinn og eflir okkur mjög. Við
erum einnig að vinna með uppeldi
til ábyrgðar sem er uppbyggingar-
stefna sem leggur áherslu á jákvæð
og góð samskipti og að taka ábyrgð
á sjálfum sér,“ segir Ingunn.
Leikskólinn Garðasel mun taka
þátt í Comeniusarverkefni með
aðilum frá sex löndum á komandi
vetri. „Það er mikið um að vera og
þetta verkefni gengur út á að efla
samskipti barna í Evrópulöndum.
Verið er að kynna hefðir og siði
landa og einnig er verið að vinna
með enskuna. Verkefnið víkkar
sjóndeildarhringinn hjá bæði nem-
endum og kennurum sem fara og
skoða aðstæður á leikskólum í öðr-
um löndum,“ segir Ingunn. „Einn-
ig erum við að setja endapunktinn á
vinnu við nýja skólanámskrá.“ Ing-
unn segir samstarf leikskólanna á
Akranesi skapa gott andrúmsloft.
„Viðhorf á leikskólum á Akranesi
er mjög gott og jákvæðni mikil.
Fólk er farið að taka eftir því og því
þakka ég miklu samstarfi sem er á
milli leikskólanna fjögurra á Akra-
nesi,“ segir Ingunn að endingu.
Teigasel
Á leikskólanum Teigaseli á Akranesi
verða 72 börn í vetur og þau yngstu
fædd árið 2011. Þar af eru 17 börn
að koma á leikskólann í fyrsta sinn.
Teigaseli er skipt í tvær aldursskipt-
ar deildir og á leikskólanum starf-
ar 21 starfsmaður með eldhúsi og
stjórnendum. „Við erum mjög vel
mönnuð af menntuðu fólki,“ segir
Margrét Þóra Jónsdóttir leikskóla-
stjóri.
Skólinn hófst skömmu eftir versl-
unarmannahelgi og hefur aðlögun
nýrra barna staðið yfir að undan-
förnu en hún tekur nú styttri tíma
en áður. „Aðlögunin gengur vel og
við munum klára hana á föstudag-
inn. Með styttri aðlögun erum við
að koma til móts við foreldra og að-
lögunin veitir öryggi fyrir börnin,“
segir Margrét. Líkt og áður spil-
ar stærðfræði stóran þátt í starfi
Teigasels sem og atferlisþjálfun fyr-
ir börn með röskun á einhverfurófi.
„Við erum heimaleikskóli á Akra-
nesi fyrir atferlisþjálfun og vorum
þau fyrstu til að taka það upp. Hvað
stærðfræðikennsluna varðar hefur
hún gefist mjög vel og grunnskóla-
kennarar í Brekkubæjarskóla hafa
talað um að börn frá okkur beri af í
stærðfræði,“ segir Margrét.
Nú stendur yfir undirbúnings-
vinna fyrir Grænfánaumsókn á
Teigaseli og vinna við gerð nýrr-
ar skólanámsskrár. „Ég er að vinna
með frábæru starfsfólki og hlakka
til að starfa í vetur með frábæru
starfsfólki og yndislegum börnum
og foreldrum. Allt vinnum við sam-
an og náum árangri með góðri sam-
vinnu,“ segir Margrét að endingu.
Vallarsel
Á Vallarseli eru 135 börn innrit-
uð, tveggja ára og eldri. Aðlögun
barnanna hófst fyrir skömmu og
segir Brynhildur Björg Jónsdóttir
leikskólastjóri hana ganga mjög vel.
Starfsmenn Vallarsels verða um 35
í vetur og þar af eru 19 leikskóla-
kennarar, tveir grunnskólakennar-
ar, fimm leikskólaliðar, þrír í eld-
húsi og leiðbeinendur þar að auki.
Vallarseli er skipt í sex aldurskiptar
deildir; Lund, Hnúk, Stekk, Velli,
Skarð og Jaðar.
Tónlistarkennsla spilar stórt
hlutverk í starfsemi Vallarsels. „Allt
skipulagt starf hefst formlega 1.
september og eins og alltaf verð-
ur tónlistin okkar helsta og stærsta
séreinkenni,“ segir Brynhild-
ur. Elstu börnin á Vallarseli munu
halda stóra Vökudagatónleika í
samstarfi við börn úr Brekkubæjar-
skóla og Heiðrúnu Hámundardótt-
ur tónmenntarkennara. Vallarsel er
elsti starfandi leikskólinn á Akra-
nesi og verður 35 ára á vordögum.
„Við komum til með að halda sér-
staklega upp á þann dag og verður
það kynnt þegar nær dregur,“ segir
Brynhildur. Hátt hlutfall nemenda
á Vallarseli eru af erlendu bergi
brotin. „Því erum við búin að gera
sérstaka fjölmenningarstefnu sem
við erum mjög ánægð með. Okkur
finnst skipta máli að vera með slíka
stefnu sem við vinnum eftir,“ segir
Brynhildur.
Ný aðalnámskrá leikskóla var
sett fram árið 2011 og er nú vinnu
að skólanámskrá Vallarsels lok-
ið. „Hún verður send út á haust-
dögum. Hér á Vallarseli hefur ver-
ið stanslaus vinna við að gera nýja
skólanámskrá upp úr aðalnámskrá
síðastliðin tvö ár og hafa allir starfs-
menn komið að henni,“ segir Bryn-
hildur. Lóðin á Vallarseli fékk ný-
verið mikla upplyftingu og var mik-
ið lagfært. Þær framkvæmdir voru
liður í fimm ára áætlun um endur-
gerð lóðarinnar.
Borgarbyggð
Í Borgarbyggð eru starfræktir fimm
leikskólar; Andabær á Hvanneyri,
Hnoðraból í Reykholtsdal, Hraun-
borg á Bifröst og leikskólarnir
Klettaborg og Ugluklettur í Borg-
arnesi. Alls eru 223 nemendur í
leikskólum Borgarbyggðar.
Andabær
Leikskólinn Andabær er á Hvann-
eyri og í vetur verða þar 28 börn.
Þau yngstu sem tekin eru inn eru
16 mánaða gömul og er skólan-
um skipt niður í tvær aldursskiptar
deildir. „Okkur var veitt undanþága
vegna dagmömmuleysis á svæðinu,
annars er takmarkið 18 mánaða í
Borgarbyggð,“ segir Valdís Magn-
úsdóttir leikskólastjóri. Í skólan-
um eru átta stöðugildi og hófst að-
lögunarferli fyrir nýja nemendur
8. ágúst sl. „Við erum heppin með
fjölda faglærðra og erum með fjóra
leikskólakennara og einn íþrótta-
kennara.“
Andabær er Grænfánaskóli og
hefur verið það síðan 2005. „Við
höfum endurnýjað fánan fimm
sinnum sem er með því mesta
sem þekkist á landinu,“ segir Vig-
dís. Andabær er einnig leikskóli
á heilsubraut. „Við erum reglu-
lega með íþrótta- og æfingatíma
í Andabæ og mataræði nemenda
fylgir ráðleggingum Lýðheilsu-
stöðvar. Mikil áhersla er lögð á að
vinna fæðið frá grunni og við bök-
um t.d. brauð okkar að mestu leyti
sjálf. Með haustinu stefnum við á
að verða fullgildur heilsuleikskóli,“
Leikskólar á Vesturlandi
Á fimm ára afmæli Akrasels fyrr í þessum mánuði kom Ingó veðurguð og tók lagið
með börnunum.
Börn úr Garðaseli á Akranesi að leik úti í náttúrunni.
Nemendur á íþróttahátíð Teigasels á Akranesi fyrr á þessu ári.