Skessuhorn - 21.08.2013, Blaðsíða 26

26 MIÐVIKUDAGUR 21. ÁGÚST 2013
abc
Grunnskóli Snæfellsbæjar hófst
með skólasetningu í gærmorgun,
þriðjudaginn 20. ágúst, að lokinni
skólasetningu. Nemendur eru 255
sem er lítils háttar fækkun frá síð-
asta ári. Starfsmenn við skólann eru
65, þar af 37 kennarar. Kennsla í
Grunnskóla Snæfellsbæjar fer fram
á þremur stöðum. Í Ólafsvík eru
144 nemendur í 5.-10. bekk, á Hell-
issandi 95 nemendur í 1.-4. bekk og
í Lýsuhólsskóla í Staðarsveit eru 16
nemendur í 1.-10. bekk. Einung-
is einn nýr kennari kemur til starfa
við skólann og er það sögulegt lág-
mark að sögn Magnúsar Jónsson-
ar skólastjóra. Hann segir sérstöðu
skólans liggja í áherslum í tengingu
við nærsamfélagið. Fyrir fjórum
árum hóf skólinn að leggja mikla
áherslu á átthagafræði sem er leið-
arljós skólastarfs í Snæfellsbæ. Þar
er kafað í náttúru, landfræði og
sögu samfélagsins, auk þess sem
nemendur læra um uppbyggingu
byggðarlagsins og velta fyrir sér
möguleikum þess til framtíðar.
Í Grunnskóla Snæfellsbæjar er
lögð áhersla á einstaklingsmið-
un náms. Magnús skólastjóri segir
að á undanförnum árum hafi ver-
ið leitast við að brjóta upp hefð-
bundið skólastarf í sem víðust-
um skilningi. „Með því telur skól-
inn sig kenna nemendum sínum
sjálfstæði í vinnubrögðum og auka
ábyrgð hvers og eins á því. Allar
starfsstöðvar skólans hafa umhverf-
isvottunina grænfánann og unnið
er samkvæmt Olweusar áætluninni
gegn einelti. Í vetur verður unn-
ið í Comeniusar verkefnum í sam-
starfi við nokkra evrópska skóla,“
segir Magnús. Hann segir inn-
leiðingarferli skólans vegna nýrr-
ar aðalnámskrár í fullum gangi og
stefnt sé að því að henni verði að
fullu lokið árið 2015. „Í vetur ligg-
ur áherslan í því að uppfæra greina-
og bekkjanámskrár í anda þess sem
segir í nýrri námskrá, auk þess sem
stór skref hafa verið tekin varðandi
viðmiðunarstundaskrá og kennslu-
magn faggreina,“ segir Magnús.
Hann segir viðburði skólaársins
hefðbundna, tengda árshátíðum,
þemavikum og öðrum minni upp-
ákomur, sem byrji strax í upphafi
skólaárs og standi til loka þess.
þá
Leikskólinn Skýjaborg í Hvalfjarð-
arsveit hóf starfsemi eftir sumarfrí
7. ágúst sl. Í sumar hafa staðið yfir
miklar framkvæmdir á skólalóðinni
þar sem búið er að endurskipu-
leggja og gjörbylta lóðinni. Gert
er ráð fyrir að þeim framkvæmd-
um ljúki fljótlega. Skólalóðin verð-
ur mjög skemmtileg og býður upp
á marga möguleika fyrir börnin til
hreyfingar og leiks, að sögn Jóns
Rúnars Hilmarssonar skólastjóra
Leik- og grunnskóla Hvalfjarðar-
sveitar. Leikskólinn verður þéttset-
inn í vetur en um 40 börn verða í
honum á tveimur deildum. Grunn-
skólinn, Heiðarskóli, verður settur
á morgun, fimmtudaginn 22. ágúst.
Um 80 nemendur verða í skólanum
í vetur sem er svipaður fjöldi og í
fyrra.
Þrír nýir verkefnastjórar
Í leik- og grunnskólanum hófst
sameiginlega vinna síðasta vetur að
gerð nýrrar skólanámskrá sem tekur
mið af nýrri aðalnámskrá. Sú vinna
heldur áfram í vetur undir leið-
sögn dr. Ingvars Sigurgeirssonar og
gert ráð fyrir að skólinn verði með
nýja fullgilda skólanámskrá næsta
vor. Skólinn fékk styrk frá Sprota-
sjóði annað árið í röð til að vinna
að sameiginlegri skólanámskrá
Leik- og grunnskólans. „Eins og
áður leggur skólinn mikla áherslu
á umhverfismennt, en bæði leik-
og grunnskólinn eru grænfánaskól-
ar,“ segir Jón Rúnar skólastjóri. Í
haust taka til starfa þrír verkefna-
stjórar við skólana. Verkefnastjóri
tækniþróunar, Örn Arnarson, hef-
ur m.a. umsjón með innleiðingu
Ipada í skólastarfið, en núna í haust
fá allir unglingar í 8.-10. bekk Ipad
og í janúar 2014 fá aðrir nemend-
ur grunnskólans og elstu börn leik-
skólans einnig spjaldtölvu. Verk-
efnastjóri umhverfismenntar held-
ur utan um umhverfisverkefni skól-
ans. Sú staða er tvískipt þar sem
áherslur leik- og grunnskólans eru
ekki þær sömu. Helena Bergström
er verkefnastjóri grunnskólans og
Berglind Bergsdóttir verkefna-
stjóri leikskólans. Verkefnastjóri
skólaþróunar heldur utan um ýmis
þróunarverkefni skólans svo sem
sjálfsmat, uppbyggingarstefnu og
mentor. Sú staða er einnig tvískipt
og sinnir Katrín Rós Sigvaldadótt-
ir henni í grunnskólanum og Þórdís
Þórisdóttir sviðsstjóri Skýjaborgar í
leikskólanum.
Mikil breyting með
spjaldtölvunum
„Ljóst er að innleiðing Ipada í
skólastarfið kemur til með að hafa
mikil áhrif á kennsluhætti hjá okk-
ur. Þeir verða einmitt til endur-
skoðunar í vetur með það fyrir aug-
um að auka einstaklingsmiðun í
námi, skoða möguleika á teymis-
vinnu kennara og útfæra svokall-
aða vendikennslu. Allt verður þetta
til skoðunar hjá okkur í vetur og
komum við til með að heimsækja
aðra skóla og fá sérfræðinga í heim-
sókn til að fræða okkur um mis-
munandi útfærslur á kennslufyrir-
komulagi,“ segir Jón Rúnar skóla-
stjóri, en Heiðarskóli fékk styrk frá
Endurmenntunarsjóði grunnskóla
til að endurskoða kennsluhætti.
Tveir nýir kennarar koma til starfa
í grunnskólann. Jónella Sigurjóns-
dóttir sem kennir á yngsta stiginu
og Hjálmur Dór Hjálmsson sem
kemur inn í náttúrufræði og um-
sjón á miðstigi. Í leikskólann kem-
ur ný til starfa Bára Tómasdóttir
leikskólakennari og Hjalta Sigríður
Júlíusdóttir matráður.
þá
Leik - og grunnskóli Hvalfjarðarsveitar
Spjaldtölvuvæðing og endurskoðun kennsluhátta
Leikskólabörn í Skýjaborg borða nestið sitt.
Nemendur í Hvalfjarðarsveit stunda mikið útivist og gönguferðir.
Nemendur Heiðarskóla ásamt kennurum tilbúnir út í umferðina á hjólum sínum.
Grunnskóli Snæfellsbæjar
Sérstaða skólans er tengingin við nærsamfélagið
Frá kennslustund í átthagafræði hjá nemendum eldra stigs. Sæmundur Kristjáns-
son situr hér fyrir svörum.
Söguskilti við Öxl var afhjúpað í fyrra.
Svipmynd frá starfi nemenda og kennara við Lýsuhólsskóla. Mynd úr safni.