Skessuhorn - 18.09.2013, Page 7

7MIÐVIKUDAGUR 18. SEPTEMBER 2013
Laugardaginn 7. september sl.
var hús flutt í heilu lagi úr byggð
og upp á Arnarvatnsheiði. Um er
að ræða tæplega sextíu fermetra
hús sem áður var þjónustubygg-
ing við skólagarðana í Reykjavík,
en mun nú fá hlutverk mötuneytis
við gangnamannaskálann við Álft-
árkrók. Skessuhorn sagði nýverið
frá framkvæmdum við grunn und-
ir húsið og að til stæði að flytja það
í heilu lagi. Sökum votviðris var
flutningnum þó frestað um tíma.
Að sögn Snorra Jóhannessonar
veiðivarðar gekk flutningurinn eins
og í sögu enda vanir menn á góðum
tækjum sem að honum stóðu. Það
var Brynjar Bergsson á Sleggju-
læk á stórri og vel búinni dráttarvél
sem dró vagn með húsinu. Örn Ey-
fjörð Arnarson og Höskuldur Kol-
beinsson fóru auk þess með gröfur,
lagfærðu vegi á leiðinni og drógu
húsið á grunninn. Ferðin tók alls
12 tíma frá Stóra Ási í Hálsasveit
og þar til það var komið á sökkul-
inn á heiðinni. Húsið nýttist strax
í liðinni viku gangnamönnum sem
þá voru við fjárleit á heiðinni. Ekki
verður þó búið að tengja í það hita-
eða frárennslislagnir fyrr en í síð-
ari leit, en Jón á Kópareykjum og
fleiri liðtækir spilarar vígðu hús-
ið sl. fimmtudagskvöld með því að
spila þar bridds.
mm
Meðal frétta liðinnar helgar var
ein sem bar yfirskriftina: „Elsti
maður heims er látinn.“ Í henni
var sagt frá að hinn aldni Sal-
ustiano Sanchez-Blazquez hafi
látist á elliheimili í New York
í Bandaríkjunum síðastliðinn
föstudag, 112 ára að aldri. Mað-
urinn var þá elsti maður heims
samkvæmt Heimsmetabók Gu-
inness og hafði haldið því meti
allt frá því hinn 116 ára gamli Ji-
roemon Kimura lést saddur líf-
daga 12. júní síðastliðinn. Líkt
og hin heimsspekilega spurn-
ing um hvort komi á undan; egg-
ið eða hænan, er þó trauðla hægt
að segja að elsti maður heims sé
látinn. Ætíð tekur einhver ann-
ar við því hlutverki og er þar
af leiðandi elsti maður heims -
sprelllifandi. Eða hvað?
mm
Stjórn og trúnaðarráð Verkalýðs-
félags Akraness hefur mótað og
samþykkt kröfugerð vegna kjara-
samninga á hinum almenna vinnu-
markaði, en samningar renna út í
lok nóvember. „Kröfugerð félags-
ins byggist á því að stíga stór skref
í áttina að því að horfið verði frá
þeirri láglaunastefnu sem hér hefur
ríkt á undanförnum árum og ára-
tugum en félagið vill sjá lágmarks-
laun hækka úr 204.000 kr. í 250.000
kr. eða sem nemur um 22,5% við
undirritun samningsins. Félagið
telur þetta vera ágætis fyrsta skref í
að brjótast út úr vítahring láglauna-
stefnunnar,“ segir í tilkynningu á
heimasíðu félagsins.
Þar segir að kröfugerðin bygg-
ist meðal annars á hugmyndum
um nýja launatöflu fyrir verka-
fólk þar sem 16 lægstu launaflokk-
arnir í eldri töflu eru þurrkaðir út
og byggð upp ný launatafla. Einn-
ig eru starfsaldurshækkanir auknar,
en í gömlu töflunni munar einung-
is rétt rúmum 3% á milli byrjanda
og starfsmanns sem hefur starfað í
7 ár. Í nýju töflunni verður launa-
munurinn 7% á milli sjö ára taxta
og byrjanda. Rétt er að geta þess
að lægsti launataxti verkafólks í dag
er einungis rétt rúmar 191 þúsund
krónur fyrir fulla dagvinnu.
„Það verður að vera þjóðarsátt
um að hækka launataxta verkafólks
svo um munar því það sér hver ein-
asti maður að þau lágmarkslaun og
taxtar sem verkafólki er boðið upp á
duga engan veginn til að verkafólk
geti framfleytt sér og sínum. Samfé-
lagið í heild sinni verður að brjótast
út úr vítahring láglaunastefnunnar
og bjóða verkafólki mannsæmandi
laun fyrir sína vinnu. Það er alveg
spurning hvort fyrirtæki sem ekki
geta boðið sínum starfsmönnum
uppá dagvinnulaun sem nema 250
þúsundum á mánuði eigi yfir höf-
uð tilverurétt á íslenskum vinnu-
markaði,“ segir m.a. í tilkynning-
unni frá stjórn og trúnaðarmanna-
ráði Verkalýðsfélags Akraness.
þá/ Ljósm. Friðþjófur.
Getur elsti maður heims dáið?
VLFA vill 250 þúsund
króna lágmarkslaun
Flutningur á húsi gekk vel í Álftárkrók
Við verðum á Snæfellsnesi á næstunni
Mætum
& Mæ
lum Fr
ítt !
á með
an við
verðu
m á sv
æðinu
sími 5
10 970
0
fáðu ti
lboð o
g kynn
ingu ,
þér að
kostn
aðarla
usu
CE Gæðavottuð framleiðsla
Slagveðurspróf án athugasemda
Hurðir með 5 punkta læsingu
Barnalæsingar
Næturöndun
Viðarútlit
Viðhaldsfríir gluggar og hurðir - íslensk framleiðsla
Hér er ekið um Hallmundarhraun áleiðis upp að Norðlingafljóti. Ljósm. sj.