Skessuhorn - 04.12.2013, Page 10

10 MIÐVIKUDAGUR 4. DESEMBER 2013
Jóhanna Fjóla Jóhannesdótt-
ir framkvæmdastjóri hjúkrunar
við Heilbrigðisstofnun Vestur-
lands tók þátt í sameiningu heil-
brigðisstofnananna á Vesturlandi
og Hvammstanga árið 2010. „Ég
var þá reyndar ekki í því starfi sem
ég er í núna. Þá var ég verkefna-
stjóri og kom að vinnu við sam-
einingu sjúkraskránna. Við vor-
um með átta gagnagrunna fyrir
jafn margar stofnanir sem höfðu
verið á Vesturlandi. Ég vann við
að gera úr þessu eina sameigin-
lega sjúkraskrá fyrir allt Vestur-
land ásamt Rósu Mýrdal og Þur-
íði Þórðardóttur læknariturum og
Kristni Grétari Harðarsyni kerf-
isstjóra. Þetta var mjög skemmti-
leg en krefjandi vinna sem tók
nokkra mánuði, en var ómetan-
leg reynsla. Sameiningin á gagna-
grunnunum breytti mjög miklu til
hagræðingar og er einn af helstu
kostunum við sameiningarnar.
Með þessu fengu til dæmis heilsu-
gæslulæknar miklu greiðari að-
gang að upplýsingum en áður við
þeirra vinnu.“
Jóhanna Fjóla var spurð hvort
starfsemin hafi breyst eftir sam-
einingu. „Hún hefur gert það
hér á Akranesi. Á sama tíma og
hún átti sér stað þá komu þess-
ar miklu kröfur um niðurskurð.
Margt breyttist. Það var dregið úr
mönnun. Seinna kom til þess að
öldrunardeildinni við sjúkrahús-
ið á Akranesi var lokað. Það tók
mjög á. Hin daglegu störf hafa þó
ekki breyst svo mikið við samein-
inguna ef horft er á hverja ein-
ingu fyrir sig. Það gildir bæði hér
á Akranesi og á starfsstöðvum
HVE annars staðar á Vesturlandi.
Mestu breytingarnar eru í skrif-
stofuhaldi og stjórnun.“
Allir faglærðir við
aðhlynningu
En hvernig gengur að manna
heilbrigðisstéttirnar í dag?
„Hér hjá Heilbrigðisstofnun
Vesturlands hefur gengið mjög
vel að manna þær stéttir sem
heyra undir mig. Það eru hjúkr-
unarfræðingarnir, ljósmæðurn-
ar og sjúkraliðarnir. Fyrir nokkr-
um árum voru hér biðlistar. Fleiri
vildu koma hingað og vinna en
við höfðum þörf fyrir. Í dag er
hér enginn ófaglærður starfs-
maður við aðhlynningu eins og
kannski er sumstaðar annars stað-
ar. Við höfum verið mjög láns-
söm að þessu leyti. Þó eru nokkr-
ar áhyggjur af stöðunni til fram-
tíðar til dæmis hjá hjúkrunarfræð-
ingum vegna þess fjölda sem fer
á eftirlaun á næstu árum. Sama er
að segja um ljósmæður. Við erum
ekki að útskrifa nóg af fólki í þessi
störf. Eins og er þá er ekki skort-
ur en það gæti orðið fyrr en var-
ir. Ungt fólk ætti að skoða vand-
lega þá möguleika að mennta sig
innan þessara greina. Störfin eru
mjög fjölbreytt og skemmtileg þó
að þessar stéttir tali kannski ekki
alltaf nógu vel um sig út á við.
Hjúkrunarstarfið er til að mynda
þannig að það er hægt að velja sér
starf á mjög fjölbreyttum vett-
vangi. Allir sem ekki hafa ákveð-
ið sig ættu að hugleiða heilbrigð-
isstörfin sem góðan valkost,“ seg-
ir Jóhanna Fjóla. mþh
Stjórn Hollvinafélags Landbún-
aðarháskóla Íslands hefur sent frá
sér yfirlýsingu þar sem skorað er á
stjórnendur LbhÍ og stjórnvöld að
styrkja starfsemi skólans til fram-
tíðar. Eins og fram hefur komið
í fréttum telur hluti starfsmanna
LbhÍ og þar með talinn Ágúst Sig-
urðsson rektor skólans að farsælast
gæti verið að sameina LbhÍ og Há-
skóla Íslands. Því eru flestir heima-
menn og velunnarar Landbúnað-
arháskóla Íslands á Hvanneyri mót-
fallnir, eins og rækilega kom fram á
baráttufundi í Hjálmakletti nýver-
ið. Í tilkyningu Hollvina LbhÍ seg-
ir: „Með sameiningu Garðyrkju-
skóla ríkisins að Reykjum, Land-
búnaðarháskólans á Hvanneyri og
Rannsóknastofnunar landbúnað-
arins í upphafi árs 2005 var ætl-
unin að til yrði öflug rannsókna-
og kennslueining á sviði landbún-
aðar og garðyrkju. Af hálfu skóla-
stjórnenda frá þeim tíma hefur ver-
ið unnið markvisst að ná fram hag-
ræðingu í starfi nýrrar stofnunar
í ljósi takmarkaðra fjármuna sem
veittir hafa verið til skólans síð-
ustu ár. Að mati stjórnenda skólans
verður ekki lengra gengið til hag-
ræðingar án þess að til komi skert
þjónusta skólans að óbreyttum fjár-
framlögum.“
Leggja til sölu jarða í
eigu skólans
Þá segir að stjórn Hollvinafélags
Landbúnaðarháskólans hvetji
stjórnendur skólans og stjórnvöld
að tryggja nauðsynlegt fjármagn
til skólans svo hægt verði áfram að
veita þá nauðsynlegu þjónustu sem
kveðið er á um í lögum. „Benda
má á í því sambandi að Landbún-
aðarháskóli Íslands á umtalsverðar
eignir, m.a. einstaka jarðir er nýt-
ast ekki beint markmiðum skólans
til kennslu eða rannsókna, en þær
mætti að hluta selja til að greiða
upp uppsafnaðan halla skólans og
að auki treysta rekstrargrundvöll
hans.“
Starfsmenntanám þarf
að tryggja
Loks segir í ályktun hollvina:
„Samstarf við aðra háskóla, eins
og Háskóla Íslands, er sjálfsagt
að efla eins og kostur er. Hins
vegar þarf sjálfstæði Landbún-
aðarháskóla Íslands að vera fyr-
ir hendi, ekki síst til að tryggja
starfsmenntanám við skólann,
hvort sem um er að ræða hefð-
bundið búfræði- eða garðyrkju-
nám. Á sama hátt er Landbún-
aðarháskóli Íslands nauðsynleg-
ur þáttur í að rækta rannsókna-
og kennslustarf á háskólastigi í
samvinnu við atvinnuveginn og
aðrar háskólastofnanir á hverj-
um tíma.“
Stjórn hollvinafélagsins er
skipuð þeim Guðna Ágústssyni
formanni, Runólfi Sigursveins-
syni, Erlu Bil Bjarnadóttur og
Birni Sigurbjörnssyni.
mm
Heilbrigðisstofnun Vesturlands,
HVE, hefur þurft að sæta um fjórð-
ungs niðurskurði í fjárveitingum á
undanförnum árum. Nú er unn-
ið að hagræðingaraðgerðum til að
mæta enn einum niðurskurðar-
kröfum sem birtast í fjárlagafrum-
varpi því sem nú liggur fyrir Al-
þingi. „Samkvæmt fjárlagafrum-
varpi fyrir árið 2014 er okkur gert
að skera niður um 1,5% á næsta ári
og sá niðurskurður á allur að vera
á sjúkrasviði stofnunarinnar. Mið-
að við rekstrarumfang þeirra fjög-
urra stofnana sem tilheyra sjúkra-
sviðinu, er nú ljóst að þetta er krafa
um 31 milljónar króna niðurskurð
á Akranesi. Skera þarf niður um 6
milljónir í Stykkishólmi, 5,5 millj-
ónir á Hvammstanga og 2,2 millj-
ónir á Hólmavík,“ segir Ásgeir Ás-
geirsson framkvæmdastjóri fjár-
mála og rekstrar við HVE.
Stjórnendur HVE stefna ótrauðir
að hagræðingu þannig að ekki þurfi
að koma til lokunar neinna deilda
frá sem nú er. „Við viljum ekki grípa
til slíkra úrræða. Þó er ljóst að nú er
komið út á ystu nöf. Það er búið að
skera niður alveg inn að beini og
nú er ekki lengur neitt borð fyrir
báru. Við höfum áður þurft að fara
í gegnum sársaukafullar aðgerð-
ir þar sem til að mynda hefur ver-
ið fækkað um 66 starfsmenn í um
40 stöðugildum frá árinu 2009. Ef
áfram verður haldið á sömu braut
niðurskurðar verður ekki komist
hjá því að skerða grunnþjónustu og
jafnvel loka deildum,“ segir Ásgeir
Ásgeirsson.
Gott starfsfólk
bjargar miklu
Jóhanna Fjóla Jóhannesdótt-
ir gegnir stöðu framkvæmdastjóra
hjúkrunar við HVE. Hún vinnur
þannig náið með starfsfólki í hin-
um daglegu störfum við hjúkr-
un og umönnun fólks sem þarf að
leita til stofnunarinnar. Jóhanna
segir að langvarandi niðurskurð-
artímabil hafi reynt á starfsfólk-
ið. „Það er ekki hægt að neita því.
Fólk getur tekið á sig vissa hluti
í ákveðinn tíma en það kemur að
því að það verður ákveðin uppgjöf.
Það er kannski búið að starfa við
mjög þröngan kost í einhver ár en
það er hætt við því að það komi að
þeim punkti að það segist ekki geta
meir. Starfsfólk verður að geta séð
að hlutirnir taki enda, að það rofi
aftur til. Í fyrra var talað um að
botninum væri náð. Við trúðum
þessu. Þegar heilbrigðisþjónustan
í landinu fær síðan nýjar aðalhalds-
kröfur núna, þá er það niðurbrjót-
andi. Fólk var farið að horfa til
þess að nú væri starfsemin komin
í ákveðinn ramma. Það væri hægt
að horfa til framtíðar og eiga smá
svigrúm til að gera betur á sumum
stöðum. Við höfðum áætlanir um
slíkt og stefnum á fleiri aðgerðir
þar sem biðlistar eru eins og í lið-
skiptaaðgerðum. Við höfum ver-
ið að bæta okkur þar í haust. Auð-
vitað er þetta erfitt. Við búum þó
svo vel að vera með frábært starfs-
fólk með mikla reynslu. Hér er svo
góður kjarni á Akranesi, starfsand-
inn er góður.“
Fólk hefur leitað fyrir
sér erlendis
Síðustu misseri hefur borið á um-
ræðu um að starfsfólk í heilbrigð-
isstéttum hér á landi væri farið að
leita starfa erlendis. Mikið vinnu-
álag, léleg laun, endalaus niður-
skurður og eftirspurn eftir heil-
brigðisstarfsmönnum í nágranna-
löndunum og þá einkum í Nor-
egi, væri þess valdandi að rót væri
komið á heilbrigðisstarfsmenn hér
á landi.
„Ég veit til þess að fólk hefur
verið að leita fyrir sér. Við höfum
dæmi, bæði í ár og í fyrra, um að
starfsmenn hafi farið í sínum sum-
arleyfum til starfa erlendis. Það
hefur þó ekki verið þannig að fólk
hér á Akranesi hafi sagt upp störf-
um til að hefja ný störf í útlöndum.
Þetta hefur þó gerst á öðrum stöð-
um á Vesturlandi en það er mjög
lítið um það. Það er miklu minna
um þetta hjá okkur en maður heyr-
ir af á höfuðborgarsvæðinu,“ segir
Jóhanna.
mþh
Þangslætti hjá Þörungaverksmið-
junni á Reykhólum er nú lokið. Alls
voru slegin um 14 þúsund tonn á
veríðinni í ár, sem alla jafnan stend-
ur frá miðjum apríl til októberloka.
Vegna góðs tíðarfars teygðist ver-
tíðin fram í miðjan nóvember, sem
kom sér vel þar sem vinnsla lá niðri
í fjórar vikur í sumar vegna við-
halds. Framundan næstu mánuði
er mjölvinnsla úr hrossaþara sem
Grettir, skip félagsins, mun sækja
í Breiðafjörð í vetur með þar til
gerðum plógi.
Að sögn Garðars Jónssonar,
starfandi framkvæmdastjóra Þör-
ungaverksmiðjunnar, er afkoma af
þangvertíðinni í ár vel viðunandi
þrátt fyrir að hvorki væri slegið né
framleitt mjöl í fjórar vikur í sumar.
Nærri lætur að á þessu ári hafi ver-
ið fjárfest fyrir hátt í 100 milljón-
ir króna, m.a. í nýjum stjórnbúnaði
og rafkerfi í verksmiðjunni, sem var
að stofni til frá árinu 1973. Einnig
var fjárfest í verkefnum sem lúta að
öryggis-, gæða- og umhverfiskröf-
um og var verksmiðjan t.d. girt af
og tekin upp rafræn aðgangsstýring
að verksmiðjusvæðinu.
Öll framleiðsla Þörungaverk-
smiðjunnar er seld fyrirfram og er
meiri eftirspurn erlendis en unnt er
að anna. Markaðir, sem lokuðust í
efnahagskreppunni eru smám sam-
an að taka við sér á ný, m.a. í Japan,
Indlandi og Suður-Afríku.
mm
Fyrirsjáanlegur skortur á
hjúkrunarfræðingum og
ljósmæðrum
Þangvertíðinni á
Reykhólum er nú lokið
Ásgeir Ásgeirsson framkvæmdastjóri fjármála og rekstrar og Jóhanna Fjóla Jóhannesdóttir framkvæmdastjóri hjúkrunar hjá
Heilbrigðisstofnun Vesturlands.
HVE reynir að halda í horfi þrátt
fyrir niðurskurð
Hollvinir Landbúnaðarháskólans
brýna sverðin