Skessuhorn - 12.03.2014, Blaðsíða 23
23MIÐVIKUDAGUR 12. MARS 2014
hörku áhöfn. Frábæra stráka, allt-
af sömu menn. Sá sem er búinn að
vera lengst með okkur hefur verið
síðan 1987. Hann var með okkur á
Gáskabátnum forðum daga.“
Kristín samsinnir þessum orðum
Sigurðar. Hún segir að skipverjar
á Magnúsi hafi alltaf lagt sig mik-
ið fram við að halda miklum gæð-
um á aflanum. Þeir passi vel upp á
allar afurðir svo sem hrogn og lifur.
„Þannig höfum við hámarkað það
sem við höfum getað fengið út úr
kvótanum. Það þarf að gera þetta
svona og umgangast þetta allt af
virðingu. Bæði aflann og sjálfa auð-
lindina.“
Eiginmaður hennar segir að nú-
tíma útgerðarmynstur og aflameð-
ferð skili úrvals hráefni á land.
„Við höfum mest stundað veið-
ar við Snæfellsnesið undanfarin ár,
höfum ekkert þurft að fara lengra.
Undanfarnar vertíðir höfum við
verið framan við plássið heima,
lagt netin að morgni og dregið á
hádegi. Það er lagt og dregið, lagt
og dregið og reynt að koma með
sem ferskastan afla að landi. Net-
in liggja kannski ekki nema í fjóra
til fimm tíma. Þetta hefur verið al-
veg frábært. Okkar fiskur fer all-
ur til sölu á markaði og við höfum
haldið mjög góðum gæðum,“ seg-
ir Sigurður.
Framtíðin er í
sjávarútveginum
Það lifnar yfir skipstjóranum á
Magnúsi SH þegar hann fær spurn-
ingu um hvað báturinn hafi verið að
fiska á undanförnum árum. Honum
verður greinilega hugsað til veið-
anna. Það má greina tilhlökkun hjá
honum að komast aftur út á miðin
eftir eins árs hlé.
„Við höfum verið að veiða hátt
í 300 tonn af skötusel yfir árið.
Heildar ársafli okkar á þennan bát
hefur verið um 1.200 tonn af öll-
um tegundum. Þar er að sjálfsögðu
mest af þorski auk skötuselsins.
Heildar kvóti á bátnum í dag er rétt
tæp eitt þúsund tonn. Síðan höf-
um við tekið þátt í netarallinu svo-
kallaða fyrir Hafrannsóknastofnun.
Það hefur verið ágætis búbót fyrir
strákana okkar sem við köllum en
það er áhöfnin. Þeir fá greitt fyrir
aflann þar samkvæmt hlutaskipta-
kerfinu,“ segir hann með stolti og
bjartsýnistón.
Þau hjón Sigurður og Kristín sjá
framtíð í sjávarútveginum. „Við
ætlum okkur að vera í þessu áfram.
Þetta er það sem ég kann. Ég vona
bara við fáum frið til að gera þetta í
framtíðinni. Ég hef ekki trú á öðru
en að samfélagið vilji hafa okkur
áfram í þessu,“ segir Sigurður.
Hann lítur brosandi til konu
sinnar og hún til hans. Þau eru
sammála.
mþh
Magnús SH við bryggjuna hjá Skipasmíðastöð Þorgeirs og Ellerts við Lamb-
húsasund á Akranesi, nær ferðbúinn til heimsiglingar.
Endurbótum var að ljúka þegar eldur kom upp í Magnúsi SH í skipasmíðastöðinni í lok júlí í fyrrasumar. Báturinn var dreginn
brennandi út úr húsi stöðvarinnar. Tjónið var svo mikið að hann var um tíma talinn ónýtur.
Skipverjar á Magnúsi SH voru mættir um borð í byrjun vikunnar til að undirbúa bátinn fyrir siglinguna heim til Snæfellsbæjar.
Frá vinstri Magnús Darri Sigðursson (sonur Sigurðar skipstjóra), Sigurður Hallgrímsson og Ingólfur Áki Þorleifsson. „Þetta er
allt annað skip,“ sögðu þeir allir. Sigurður Hallgrímsson og Ingólfur Áki hafa starfað fyrir útgerðina síðan 1999, eða í 15 ár.
70. ársþing Íþróttabandalags Akraness
70. ársþing Íþróttabandalags Akraness verður
haldið fimmtudaginn 10. apríl nk. kl. 18.30 í
Íþróttamiðstöðinni Jaðarsbökkum.
Dagskrá ársþingsins verður samkvæmt lögum ÍA.
Sláttur á opnum svæðum 2014-2016
Akraneskaupstaður óskar eftir tilboðum í verkið.
Útboðsgögn verða afhent á geisladiski, endurgjaldslaust frá
og með 13. mars n.k. í þjónustuveri Akraneskaupstaðar að
Stillholti 16-18.
Tilboð verða opnuð miðvikudaginn 2. apríl n.k. kl. 11 að
Stillholti 16-18.
Við óskum útgerð og áhöfn
Magnúsar SH 205 til hamingju
með breytingarnar.
Bakkatúni 26 300 Akranes www.skaginn.is
Við þökkum útgerð skipsins og áhöfn
Magnúsar SH 205 fyrir farsælt samstarf
við endurbyggingu skipsins.