Skessuhorn - 23.04.2014, Blaðsíða 11

11MIÐVIKUDAGUR 23. APRÍL 2014
Snæfellsbær sendir íbúum Snæfellsbæjar og íbúum
Vesturlands ósk um gleðilegt sumar
-gefur fyrirheit um yndislegt íslenskt sumar
Stykkishólmur
Skorradalshreppur óskar íbúum Skorradals
og Vestlendingum öllum gleðilegs sumars
Hvalfjarðarsveit óskar íbúum Hvalfjarðarsveitar
og Vestlendingum gleðilegs sumars.
Á föstudaginn langa fagnaði
Guðný Baldvinsdóttir, eða Guðný
frá Grenjum eins og hún er gjarn-
an kölluð, aldarafmæli sínu en hún
fæddist 18. apríl 1914. Skessuhorn
birti í síðasta blaði viðtal við Guð-
nýju þar sem fram kom að hún
horfði með fullri tilhlökkun til af-
mælisdagsins. Guðný ber aldur-
inn afar vel á aldarafmælinu, er við
góða heilsu og býr enn í eigin hús-
næði við Böðvarsgötu í Borgarnesi.
Afmælisveisluna hélt hún í Hjálm-
akletti í Borgarnesi og komu gest-
ir víða að, meira að segja utan úr
heimi. Vel á þriðja hundrað manns
mætti í veisluna og var bílaplan-
ið fyrir utan Hjálmaklett þétt set-
ið bílum á meðan á veislunni stóð.
Að sögn aðstandanda þótti Guð-
nýju dagurinn afar ánægjulegur og
var hún glöð og þakklát þeim sem
lögðu leið sína í Hjálmaklett til að
samgleðjast henni. Hún afþakkaði
allar afmælisgjafir og var gestum
bent á söfnunarbauk á staðnum til
styrktar MND félagsins. Félagið á
því von á vænum styrk á næstu dög-
um þegar Guðný lætur tæma bauk-
inn. grþ
Hópur súlna lét á sér kræla við
Langasand fyrir neðan Jaðarsbakka
á skírdagsmorgun. Súlurnar voru
þar við veiðar en talið er að þær hafi
verið að elta torfu af loðnu eða síld
sem þar svamlaði í sjó. Súlnanna
var vart um morguninn og voru
þær á sveimi fram á kvöld, að sögn
Gísla Jónssonar íbúa á Akranesi
sem fylgdist með fuglunum. Eftir
því sem best verður vitað eru súlur
sjaldséðar við Akranes. Fugl þessi
er einna helst þekktur fyrir athygl-
isverða veiðiaðferð, svokallað súlu-
kast. Þar steypir fuglinn sér lóðrétt
niður í sjóinn úr margra metra hæð
á miklum hraða. Í kastinu beitir súl-
an líkama sínum af fimi og mynda
beinagrind og vöðvar hans spjótlaga
form til að fullkomna stunguna.
Guðmundur Bjarki Halldórsson
ljósmyndari á Akranesi var á ferð-
inni við Langasand eftir hádegi á
skírdag til að fylgjast með fuglunum.
Sagði hann í samtali við Skessuhorn
mikinn atgang hafa verið í súlunum
sem köstuðu sér ítrekað á bólakaf
til að ná sér í fæðu, sem augljóslega
var nóg af. Yfirferð fuglanna var
líka nokkur og færðu þeir sig ört á
milli staða við Langasand, sennilega
í takt við ferðir fiskitorfunnar um-
setnu. Ekki sást síðan frekar til súln-
anna við bæinn að skírdegi loknum.
hlh / Ljósm. Guðmundur Bjarki
Halldórs.
Eigendur garnverslunarinnar Æv-
intýrakistunnar á Akranesi hafa
ákveðið að hætta rekstri búðarinn-
ar. Í tilkynningu frá eigendum Æv-
intýrakistunnar, þeim Bjarna Þor-
steinssyni og Ruth Jörgensdótt-
ir Rauterberg, segir að tilraunir til
að halda rekstrinum áfram hafi því
miður ekki tekist eftir að þau ákváðu
að taka áskorun viðskiptavina um
að halda honum áfram í desember.
Þá höfðu þau haft til skoðunar að
hætta rekstri. „Það hefur því mið-
ur ekki tekist. Hækkandi innkaups-
verð þeirra vara sem við verslum
með og síharðnandi samkeppni á
markaðinum hefur leitt til þess að
við teljum nú fullreynt með okkar
rekstur,“ segir í tilkynningunni sem
birtist á Fésbókarsíðu Ævintýra-
kistunnar.
Síðasti opnunardagur verslun-
arinnar verður föstudagurinn 25.
apríl nk. „Ýmis tilboð verða í gangi
fram að lokun verslunarinnar þann-
ig að endilega kíkið við og kannið
hvort það sé eitthvað sem nýtist
ykkur. Einnig viljum við minna á
að leysa inn gjafabréf og innleggs-
nótur.“
Ævintýrakistan hefur verið rekin
á Akranesi frá árinu 2006. Lengst
af var verslunin til húsa að Skóla-
braut, en hún var flutt í verslunar-
húsið að Smiðjuvöllum í desemb-
er 2012. Þar hefur hún verið síðan.
„Við viljum þakka öllum okkar við-
skiptavinum og starfsfólki kærlega
fyrir samfylgdina á liðnum árum,“
segir að lokum í tilkynningunni frá
Bjarna og Ruth.
hlh
Úr verslun Ævintýrakistunnar við Smiðjuvelli. Ljósm. sko.
Ævintýrakistan
hættir rekstri
Guðný klæddist fögrum
skautbúningi í tilefni
afmælisdagsins.
Margir heiðruðu Guðnýju á aldarafmælinu
Súlur við Akranes á skírdag
Hluti súlnahópsins við Langasand.