Skessuhorn - 23.04.2014, Blaðsíða 12

12 MIÐVIKUDAGUR 23. APRÍL 2014
Þeir eru margir vorboðarnir í hug-
um fólks. Kannski er einn af þeim
þegar flokkar vélhjólafólks á glæst-
um fákum sínum birtast út á stræt-
um og vegum í hópkeyrslu. Þetta
hefur stundum gerst á sumardaginn
fyrsta og einnig á fyrsta maí. Bif-
hjólaklúbbar eru starfandi í mörg-
um bæjum og héruðum í land-
inu. Hér á Vesturlandi eru Raft-
arnir í Borgarfirði einna þekktastir.
Á Akranesi er klúbbur sem minna
hefur farið fyrir en Röftunum, það
er Bifhjólafélagið Skuggar. Það fé-
lag var formlega stofnað 2006, að
sögn Freys Breiðfjörð Garðarsson-
ar oddvita Skugganna. Virkir fé-
lagar eru milli 15 og 25 en alls hafa
verið á skrá hjá félaginu frá stofnun
64. „Þetta er ákveðinn kjarni í fé-
laginu sem eru virkir og svo koma
hinir og fara af ýmsum ástæðum.
Þetta gengur svolítið í bylgjum hjá
sumum með áhugann og svo er fólk
að selja hjólin og ýmislegt í gangi,“
segir Freyr.
Fyrsta hjólið var
algjört brak
Sjálfur segist Freyr hafa haft mótor-
hjólaáhugann frá blautu barnsbeini.
Freyr átti heima í Ólafsvík fyrstu
fjögur ár ævinnar en flutti síðan
með foreldrum sínum á Akranes
og hefur búið þar síðan. „Ég var í
kringum tvítugt þegar ég eignað-
ist fyrsta hjólið. Það var reyndar al-
gjört brak þegar ég keypti það, Ya-
maha XS 250 SE, árgerð ‘80 eitt-
hvað og ég gerði það upp frá a til
ö,“ segir Freyr. Núna á hann Honda
VTX 1800 C. Hann segir að það
sé mjög kraftmikið hjól. Spurð-
ur um umrædda hópreið vélhjóla-
fólks sem mikla athygli hefur vakið,
segir Freyr að þessi stóru samflot
sem áberandi voru um árabil heyri
nú sögunni til. Það er að segja þeg-
ar stórir hópar úr borginni voru að
sameinast hjólafólki frá Akranesi og
komu á Skagann á sumardeginum
fyrsta. „Það var vegna óhappa sem
urðu í síðustu ferðunum að Snigl-
arnir ákváðu að þessu skildi hætt
enda stóðu þeir fyrir þessum ferð-
um. Það voru hinir og þessir sem
bættust í hópinn og það kom í ljós
að sumir voru ekki tilbúnir í svona
hópreið. Það getur stundum ver-
ið sviptivindasamt á leiðum og fólk
var að missa hjólin, en það krefst
ákveðinnar æfingar að hjóla svona
saman í slöngu“ segir Freyr.
Skuggar er félag um
áhugamálið
Freyr segir að Skuggar sé fyrst og
fremst félag fyrir konur og karla
sem hafa áhuga á bifhjólum. „Það
er áhugamálið sem sameinar okkur
og við höfum gaman af því að hitt-
ast og rækta félagsskapinn og sýna
hvert öðru hjólin,“ segir hann. Að-
spurður hvort félagið eigi félagsað-
stöðu á Akranesi, segir hann að svo
sé ekki. „En við hittumst á N1 við
Skútuna yfir sumarið. Fyrsti hitt-
ingurinn okkar þar verður þriðju-
dagskvöldið 13. maí kl:19:00 og síð-
an hittumst við annað hvert þriðju-
dagskvöld alveg fram á haust en þá
færast hittingarnir yfir á Glæsivelli
í kaffi kl. 20:00 yfir vetrartímann.“
Spurður hvernig þeir Skuggarn-
ir þreyi þorrann og góuna að bíða
eftir sumrinu segir Freyr að það sé
einfalt. „Við grípum alla góðu dag-
ana yfir veturinn þegar þeir gefast
og hóum okkur saman. Þá er það
á fésbókinni og sms skeyti látin
ganga. Við fórum saman á pálma-
sunnudag, ákaflega sólbjörtum og
fallegum degi þótt hitastigið á mæl-
inum væri ekki nema þrjár gráður.
Við fórum í Borgarnes og fengum
okkur ís. Ég veit ekki hvað hitinn
var út á vegi í vindkælingu,“ segir
Freyr og hlær.
Fimm hundruð
var metið
Aðspurður út í hópreiðir vélhjóla-
manna sem vöktu svo mikla at-
hygli í sumarbyrjun, sagði Freyr að
Sniglarnir boðuðu alltaf til þeirra.
Aðrir klúbbar og hjólafólk fengu
svo að fljóta með og um árabil
var efnt til hópreiða upp á Skaga
á sumardeginum fyrsta. Þær ferð-
ir eru nú úr sögunni eins og áður
segir. „Þá var hist við Shellstöð-
ina við Vesturlandsveg í Reykja-
vík. Auk okkar og Sniglanna voru
það líka Trúborðarnir frá Fíladelfíu
í Reykjavík sem skipulögðu þessar
keyrslu. Við fórum Hvalfjörðinn og
stoppað var á Ferstiklu í kaffisopa,
þar sem hópurinn var þéttur. Það-
an fengum við svo lögreglufylgd á
Skagann þar sem að hún hjálpaði til
við að stoppa umferð og leyfa okk-
ur að hjóla alla leið án þess að slíta
rununa í sundur. Þar var hist í kaffi
og kökur á Café Mörk meðan hún
var opin. Þar vorum við mætt um
500 þegar flest var. Það var algjört
met. Þegar Café Mörk var lok-
að fórum við á Gamla Kaupfélagð
eitt árið og svo á Galito, stundum
fylgdum við Trúboðunum í bæinn.
Þetta voru gríðarlega skemmtilegar
samkomur og ferðir og synd að hafi
þurft að hætta þeim.“
Einn sem
stjórnar ferðinni
Blaðamaður hefur orð á því við
Freyr að oft virðist bifhjólamenn
vera til fyrirmynda þegar þeir eru
að ferðast saman úti á vegunum.
Þeir séu þolinmóðir og ekki að
þrýsta á að komast fram úr eins og
ökumenn bíla geri margir hverjir.
„Já, það er þannig hjá okkur að sá
fremsti stjórnar ferðinni. Við erum
á mjög viðbragðskjótum hjólum
með mikið tog og því snöggir að
fara fram úr þegar við sjáum tæki-
færi og ástæðu til þess. Annars eru
ökumenn bifhjóla eins og annarra
ökutækja misjafnir þegar þeir eru
að ferðast upp á eigin spýtur. En
það eru umferðarlög í landinu og
við verðum að fara eftir þeim eins
og aðrir.“
Skemmtilegt sumar
framundan
Spurður um sumarið framundan hjá
Skuggunum, segir Freyr að stefnt
sé að því að gera margt skemmti-
legt. „Okkur finnst mikið frelsi fel-
ast í því þegar við ferðumst á hjól-
unum og oft góður ilmur í loft-
inu, úr gróðrinum og náttúrunni.
Það er bara í göngunum sem loft-
ið er ekki gott. Við stefnum m.a.
að því að fara til Ísafjarðar í sum-
ar og líka til Vestmannaeyja eins og
í fyrra. Þá er líklegt að við förum
Suðurstrandarveginn. Svo er allt-
af skemmtilegt að fara fyrir Jökul,
Snæfellsneshringinn, Hvalfjörðinn
og Borgarfjarðarhringinn sem eru
mjög skemmtilegar leiðir. Við von-
umst bara eftir góðu sumri til ferða-
laga. Þau hafa reyndar verið nokk-
ur núna að undanförnu, að því síð-
asta undaskildu sem var hræðilegt,“
segir Freyr brosleitur að endingu.
þá
Það er áhugamálið sem sameinar okkur
-spjallað við oddvita Bifhjólafélagsins Skugga á Akranesi
Freyr Breiðfjörð Garðarsson oddviti Skugganna.
Skuggarnir í hópferð í Vestmannaeyjum.
Hún er glæsileg Hondan hans Freys.
Frá einni af hópreiðunum á sumar-
daginn fyrsta. Skarðsheiðin í baksýn.