Skessuhorn - 23.04.2014, Blaðsíða 19
19MIÐVIKUDAGUR 23. APRÍL 2014
Kristinn SH. Hann hefur reynst
afar vel nú í vetur og sannað hvílíkt
gæfuspor það er að stækka bátana.
Við krapakælum allan fisk í sér-
smíðuðum körum um borð og höf-
um aldrei komið með lausan fisk að
landi. Það er pláss fyrir 17 tonn af
afla fljótandi í krapa um borð. Þetta
er mikil breyting til batnaðar að
ekki sé svo talað um hve öll aðstaða
hefur batnað fyrir bátsverjana.“
Vilja eiga möguleika
á netaveiðum
Þó að náðst hafi fram lagabreyt-
ing sem heimilar stækkun bátanna
þá mega þeir aðeins veiða á króka,
annaðhvort handfæri eða línu.
Bárður segir að nú sé kominn fram
áhugi á að fá þessu breytt.
„Við höfum á stefnuskrá að fá
það inn í væntanlega breytingu á
lögum um stjórn fiskveiða að það
séu engin höft á þessu eins og er í
dag. Okkur finnst að menn eigi að
fá að stunda veiðar með þeim veið-
arfærum sem þeir kjósa á þessum
bátum, hvort heldur væri krókar,
net eða jafnvel gildrur. Þeir sem eru
með litla kvóta en gera til dæmis út
á netaveiðar eftir grásleppu gætu
séð sér hag í því að taka líka þorsk-
inn í net og fara svo á strandveið-
ar um sumartímann. Hvers vegna
ekki leyfa þeim að vera á netum?
Það er dýrt og óhagkvæmt að koma
sér upp beitningaraðstöðu og finna
starfsfólk fyrir kannski örfá mán-
uði á ári vegna þess að menn verða
að fara á línuveiðar. Það hefði líka
getað hjálpað sumum smábátasjó-
mönnum í öllum ýsukvótaskortin-
um í vetur ef þeir hefðu getað skipt
yfir á þorskanet.“
Bárður tekur þó fram að hann og
aðrir sem stundi heilsársveiðar með
línu hafi ekki áhuga á netaveiðum.
Verðið á netafiski sé yfirleitt lægra
en á línufiski sem passar í flökun-
arvélar fiskvinnslustöðvanna og fer
nánast allur ferskur í flug. „Þarna
höfum við Íslendingar forskot-
ið í dag, það er í ferskum fiski. Við
erum ekki lengur samkeppnishæf-
ir við Norðmenn og Rússa í fryst-
um og söltuðum fiski,“ slær hann
föstu.
Vilja verja
línuívilnunina
Samtök smærri útgerða vilja líka
standa vörð um línuívilnunina svo-
kölluðu. Í henni felst að bátar sem
róa með handbeitta línu fá að taka
20 prósent af afla sínum utan þess
kvóta sem skráður er á bátana. Þessi
tilhögun hefur komið atvinnulífinu
vel í mörgum sjávarbyggðum, skap-
að störf og þannig veitt fjármagni
út í samfélögin þaðan sem bátarnir
eru gerðir út.
„Línuívilnunin gerir fyrst og
fremst það að verkum að við erum
að standa í að beita í landi. Hún
skapar mörg störf. Hjá okkar út-
gerð eru 13 stöðugildi. Ef ekki væri
línuívilnun og við settum beitn-
ingavélar í bátana þá yrðu þetta
aðeins fjórir eða í mesta lagi sex
starfsmenn. Það er talsvert af störf-
um sem fylgir einni línutrillu í dag
sem er á línuívilnun og rær því
með handbeitta línu. Við viljum
verja þetta fyrirkomulag þó við vit-
um að það myndi sennilega borga
sig hreint peningalega séð fyrir út-
gerðir bátanna að vera bara með
beitningavélar.“
Góð aflabrögð í vetur
Það er auðheyrt á Bárði að mikil
gerjun á sér stað í hinu nýja félagi.
Margar hugmyndir eru á lofti. Það
er hugur í mönnum enda hefur út-
gerðin gengið vel á undanförnum
árum. Við byrjum að tala um hið
sívinsæla umræðuefni allra áhuga-
manna um sjávarútveg sem eru
sjálf aflabrögðin. Bárður segir að
það sé víða búin að vera mjög góð
veiði á bolfiski í vetur.
„Mér finnst að það hafi ver-
ið meiri þorskgengd í vetur en í
fyrra. Hins vegar hefur það valdið
mörgum útgerðum og sjómönnum
miklum erfiðleikum í vetur hvað
ýsan hefur verið stór partur af afl-
anum. Menn áttu ekki ýsukvóta
til að mæta þessu. Þetta skapaði
mikið óhagræði og kostnað. Sjálf-
ur kvarta ég ekki því okkar útgerð
á nægan ýsukvóta. Við erum einn
kvótahæsti krókaaflamarksbátur-
inn á landinu í ýsu,“ segir hann.
Vilja vinna með
vísindamönnunum
Báður bætir því við til skýring-
ar að ýsan hafi verið svo óvanalega
víða í vetur. Oftast hafi hún hald-
ið sig innarlega á Breiðafirðinum.
Menn hafi því getað sloppið við
hana með því að sækja utar.
„Nú var hún dreifð vestur úr
öllu. Sumir línubátar voru að
fara út allt að 80 mílur vestur af
Jökli og voru samt í mokveiði af
ýsu. Slíkt hefur ekki skeð í ára-
tugi. Við þrýstum mikið á stjórn-
völd og Hafransóknastofnun að
fá fram endurskoðun á ýsukvót-
anum. Það hefur ekkert gengið. Í
dag erum við hættir að nenna að
halda því fram að vísindamennirn-
ir hafi rangt fyrir sér. Það er ekk-
ert hlustað á það. Nú reynum við
frekar að fá þá í lið með okkur. Ég
held að það sé vænlegra til árang-
urs. Til dæmis hef ég boðið Hafró
að við í smábátaflotanum skyld-
um skaffa bæði báta og veiðarfæri,
borga vísindamönnunum laun
og hvaðeina ef þeir myndu vilja
fara með okkur út á sjó og stunda
rannsóknir. Á móti legðu þeir til
vísindakvóta í slíkar rannsókna-
ferðir. Ég gerði það í framhaldi
af fréttum um að stofnunin hefði
ekki lengur efni á að gera út rann-
sóknaskip. Forstjóri stofnunarinn-
ar tók ekkert illa í þetta. Ég er al-
veg sannfærður um að ef til þess
kæmi að sjómenn og vísindamenn
ynnu saman með þessum hætti að
þá kæmi fram ný nálgun á öll þessi
mál,“ segir Bárður Guðmundsson
að lokum.
mþh
Útgerð Særifs SH frá Rifi sem sést á þessari mynd er ein þeirra sem eru í Samtökum smærri útgerða.
Fréttaveita Vesturlands
Vikulegt fréttablað ÚtgáfuþjónustaLifandi fréttasíða á netinu
www.skessuhorn.is
Skessuhorn ehf. - kt. 560103-3870 - Kirkjubraut 56, 300 Akranes - Sími 433 5500
WEST ICELAND
Travel
Ferðast um Vesturland 2014
Your guide to
West Iceland
skessuhorn.is