Skessuhorn - 30.07.2014, Blaðsíða 33
33MIÐVIKUDAGUR 30. JÚLÍ 2014
Bæjarhátíðin Á góðri stund í
Grundarfirði fór fram um liðna
helgi. Hátíðin fór nú fram í fimm-
tánda sinn og gekk afar vel, að sögn
skipuleggjenda. Veðrið var með
ágætum um helgina og var milt og
gott á föstudag og laugardag þótt
að sólin hafi ekki mikið verið að
sýna sig.
Baldur Orri Rafnsson og Hall-
dóra Dögg Hjörleifsdóttir fram-
kvæmdastjórar hátíðarinnar voru
hæstánægð með hvernig til tókst.
„Það voru talsvert færri á svæðinu
en í fyrra en allt fór þetta vel fram,“
sagði Baldur í stuttu spjalli við
fréttaritara. „Fjöldinn gæti skýrst
af hagstæðari veðurspá á austur-
hluta landsins en spáin fyrir Vest-
urland var aðeins vætusamari. En
það rættist úr veðrinu sem var hið
ágætasta alla helgina. Engin slys
urðu og hafði lögregla og starfs-
fólk Heilbrigðisstofnunar Vestur-
lands lítið að gera sem betur fer.
Vel var mætt á alla viðburði og all-
ir skemmtu sér vel að ég best veit,“
sagði Baldur að endingu.
tfk
Hér eru þær Katrín Elísdóttir og Sjöfn Sverrisdóttir á fullu við skreytingar í gula hverfinu.
Ungir sem aldnir skemmtu sér vel í froðudiskóinu sem Saltkaup og Slökkvilið
Grundarfjarðar héldu á kirkjutúninu á föstudaginn. Hér eru slökkviliðsmennirnir
að úða froðunni yfir spennt ungviðið.
Heimafólk ánægt með bæjarhátíðina á Góðri stund í Grundarfirði
Þeir Gunni og Felix sáu um að skemmta gestum á laugardags-
kvöldinu.
Lionsmenn voru með sína árlegu súpusölu og varð enginn svikinn af
þeim kræsingum. Frá vinstri eru þeir Kristján Guðmundsson, Þorkell
Gunnar Þorkelsson, Móses Geirmundsson og Heiðar Bjarnason. Fyrir
aftan þá má sjá glitta í Önnu Bergsdóttur og Sigurð Þorkelsson.
Ungur liðsmaður bláa hverfisins íbygginn á svip í skrúðgöngunni.
Þórunn Kristinsdóttir sá til þess að enginn færi svangur heim úr
grillveislu Samkaups Úrvals á fimmtudaginn.
Golfklúbburinn Vestarr sá um að grilla ofan í mannskapinn í grill-
veislu Samkaups Úrvals á fimmtudaginn. Garðar Svansson er hér
að snúa steikunum.
Anika Védís Björnsdóttir er hér í skrúðgöngu græna hverfisins.
Spurning hvort að hún hafi smellt í eina „selfie“ og sé að skoða
árangurinn?
Lilja Mósesdóttir lét sig ekki vanta í skrúðgöngu gula hverfisins og
skemmti sér vel.
Mikil stemning var á skemmtidagskránni á laugardagskvöldinu
og hér má sjá Rauða hvetja sína menn en þeir urðu hlutskarpastir í
keppninni um bestu stuðningsmennina.
Gulir blésu í herlúðra svo drundi í fjöllunum á meðan þeir
marseruðu niður á hátíðarsvæðið.
Skrúðganga græna hverfisins var ansi vígaleg.
Víkingafélagið Glæsir stóð fyrir eggjakasti og var það forsprakki
víkinganna Þorgrímur Kolbeinsson sem fékk að finna fyrir því í
gapastokknum.