Skessuhorn - 05.11.2014, Blaðsíða 2

2 MIÐVIKUDAGUR 5. NÓVEMBER 2014
Næsta bikar­
umferð KKÍ
VESTURLAND: Í gær var
dregið í 16-liða úrslit Powe-
rade-bikarsins, Bikarkeppni
KKÍ karla og kvenna. Snæ-
fell á bæði karla- og kvenna-
lið í keppninni. Úrvalsdeild-
arlið Snæfells í kvennaflokki
fær heimaleik á móti Fjölni
sem leikur í 1. deild. Karlal-
ið Snæfells sem einnig er í úr-
valsdeild mætir Valsmönnum
á Hlíðarenda en Valsmenn
leika í 1. deildinni. Hin Vest-
urlandsliðin sem eftir eru í
keppninni fá erfiðari andstæð-
inga ef að líkur lætur, en bæði
fá þó heimaleiki. Skallagríms-
menn fá Njarðvíkinga í heim-
sókn og ÍA efsta lið 1. deildar;
Hamar úr Hveragerði. Leik-
dagar eru áætlaðir 5.-7. des-
ember nk. Einu úrvalsdeild-
arliðin sem drógust saman í
kvennakeppninni er Hamar
og Grindavík. Hjá körlunum
drógust m.a. saman Keflavík-
Þór Þorlákshöfn, Stjarnan-ÍR
og Tindastóll-Grindavík.
–þá
Rétt nafn
ljósmyndara
DALIR: Þau leiðu mistök
urðu í birtingu ljósmynda frá
hausthátíð í Dölum í síðasta
Skessuhorni að rangir ljós-
myndahöfundar voru nefnd-
ir við myndirnar. Það rétta er
að Alexandra Rut Jónsdóttir á
Skerðingsstöðum tók mynd-
irnar nema þá af besta hrút há-
tíðarinnar sem Steinþór Logi
tók. Beðist er velvirðingar á
þessu.
–þá
Tvö óhöpp í
umferðinni
LBD: Tvö umferðaróhöpp
urðu í Borgarnesi í liðinni
viku, bæði án teljandi meiðsla.
Í öðru tilvikinu var um nokkuð
harða aftanákeyrslu að ræða á
kyrrstæða bifreið og var önnur
bifreiðin óökufær á eftir. Einn
ökumaður var tekinn fyrir ölv-
un við akstur í umdæmi lög-
reglunnar í Borgarfirði og í
Dölum í liðinni viku.
–þá
Nú er sá tími kominn sem allir bílar
ættu að vera vel búnir til vetrarum-
ferðar. Einnig er vert að brýna fyrir
ökumönnum að skafa hrím af glugg-
um bíla sinna á morgnana til að útsýni
til aksturs verði eins gott og mögu-
legt er.
Spáð eru heldur svölu veðri næstu
dagana. Á fimmtudag er útlit fyr-
ir strekkings vind úr austri með tals-
verðri rigningu suðaustanlands en dá-
lítil rigning eða slydda verður í öðr-
um landshlutum. Hiti um og yfir frost-
marki, mildast syðst. Á föstudag er
spáð hvassri norðan- og norðaustan
átt, víða snjókoma fyrir norðan, ann-
ars rigning eða slydda en úrkomulítið
sunnan til. Heldur kólnandi. Á laugar-
dag verður áfram norðanátt með élj-
um en þurrt sunnan- og vestan til. Á
sunnudag úr útlit fyrir breytilega átt
og að víða verði léttskýjað. Kalt í veðri.
Í síðustu viku var spurt á vef Skessu-
horns? „Hefur verkfall lækna áhrif á líf
þitt eða þinna?“ Fleiri eru þeirrar skoð-
unar að það hafi ekki áhrif á líf sitt.
„Nei“ sögðu 43,72%, „já“ 32,66% og
23,62% vissu það ekki.
Í þessari viku er spurt:
Hvað á að kalla kynslóð 20-35 ára?
Nýtni er dyggð. Í þessari viku birtum
við stutt viðtal við útsjónarsama konu
sem nýtir límræmur á frímerkjaörkum
til listaverkagerðar. Gerður Guðjóns-
dóttir er Vestlendingur vikunnar.
Til minnis
Veðurhorfur
Spurning
vikunnar
Vestlendingur
vikunnar
Má bjóða þér/ykkur á
Kúnnakvöld í
Model gjafahús
Fimmtudaginn 6. nóvember
KL: 19:00-22:00
Fjöldinn allur af
glæsilegum tilboðum.
Svo er líka svo gaman.
Ekki missa af þessu !!!
-15-30 %
Þjóðbraut 1 - Akranesi
S: 431 3333 - www.gjafahus.is
Horfur eru á að litlar sem engar síld-
veiðar verði stundaðar af smábátum
við norðanvert Snæfellsnes nú í vet-
ur. Engir kaupendur hafa fundist að
síldinni. Fyrirtæki sem hafa keypt
lagnetasíld af smábátunum undanfar-
in ár halda öll að sér höndum og vilja
ekki kaupa síld. Stjórnvöld hafa auk
þess hækkað leiguverð á síldinni til
smábáta um 23% frá því í fyrra.
„Hvorki Frostfiskur í Þorlákshöfn,
Umbúðir Norðursalts á Reykhól-
um hlutu nýverið hin virtu Red
Dot verðlaun í Berlín fyrir einstaka
hönnun. Meðal þeirra sem hlotið
hafa verðlaun Red Dot um tíðina
eru fyrirtæki á borð við Nike, Apple
og Pepsí. Auglýsingastofan Jónsson
& Le’macks sá um hönnun á um-
búðum og merkjum Norðursalts í
náinni samvinnu við Norður & Co
félagið sem er á bak við framleiðsl-
una á saltinu sem að stórum hluta
er handverk. Alls bárust Red Dot
dómnefndinni 7.096 innsendingar í
keppnina og fékk aðeins hluti þeirra
sem sendu inn verðlaun fyrir hönn-
un sína. Nú þegar hafa umbúðirnar
hjá Norðursalti hlotið Lúðurinn frá
ÍMARK og FÍT-verðlaunin ásamt
því að hafa verið tilnefndar til Silf-
urljónsins í Cannes.
Norðursalt er komið víða í dreif-
ingu á Íslandi, Danmörku og Þýska-
landi ásamt því að varan er að koma
inn á fleiri markaði á Norðurlönd-
unum, í Belgíu og Austurríki á næstu
mánuðum. Markmið framleiðand-
ans er að hönnun og heildarupplif-
un neytenda eigi sér rætur á öllum
stigum framleiðslunnar, frá gæðum
vörunnar sjálfrar yfir í það að um-
búðirnar veiti neytendum þær upp-
lýsingar og þægindi sem hjálpa til
að gera hversdagsmatinn betri.
Hönnunarferlið á umbúðum
Norðursalts tók sjö mánuði, þar
sem markmiðið var að endurspegla
gæði saltsins og það sjálfbæra fram-
leiðsluferli sem þar er að baki. Um-
búðirnar hámarka því notendaupp-
lifun með aðgengilegri skúffu, ásamt
því að vera límlausar, sem veldur því
að þær brotna hraðar niður í nátt-
úrunni eftir notkun.
þá
Garðar Stefánsson og Søren Rosenkilde hjá Norður & Co og Þorleifur Gunnar
Gíslason og Albert Munoz hjá Jónsson & Le’macks með viðurkenninguna.
Ljósm. Red Dot.
Norðursalt fær virt hönnunarverðlaun
Hverfandi líkur á síldveiðum smábáta
Agustson hér í Stykkishólmi eða
Vignir G. Jónsson á Akranesi hafa nú
áhuga á síldinni. Þessi fyrirtæki hafa
öll keypt síld af smábátum á undan-
förnum árum. Eins og stendur veit
ég ekki um neinn sem vill kaupa. Við
sjáum fyrir okkur að fara ekkert á síld
nú í haust og í vetur. Hér í Stykkis-
hólmi halda menn að sér höndum,
það eru engir að útbúa sig fyrir síld-
ina,“ segir Páll Aðalsteinsson smá-
bátasjómaður í Stykkishólmi. Undan-
farin ár hefur hann stundað síldveiðar
í lagnet inni á sundunum í grennd við
Stykkishólm frá haustdögum og fram
á vetur.
Að sögn Páls hefur aðeins einn
smábátur verið á síldveiðum við
norðanvert Snæfellsnes það sem af
er hausti. Það er Kiddi RE 89. Eig-
endur hans munu frysta síldina sjálf-
ir. „Ég veit ekki hvort þeir ætla að
frysta hana til að nota í beitu eða
hvað. Sumir vilja reyndar ekki þessa
síld af smábátunum í beitu og segja
hana ekki nógu góða sem slíka. Skýr-
ingin á því er sjálfsagt sú að það var
tekin minnsta síldin sem féll af við
frystingu til manneldis. Sú síld var
búin að fara í gegnum krapa og vatn
og því búið að skola úr henni blóð-
vatnið og bragðið. Það yrði sjálfsagt
öðruvísi ef menn færu að veiða hana
beint til beitu en ekki með manneld-
isvinnslu í huga.“
Lítið sést til síldar
Páll segir að annars sé lítið af síld
gengin inn á sundin vestan Stykkis-
hólms þar sem hún hefur verið mest
undanfarin haust áður en hún hef-
ur tekið strikið inn í Kolgrafafjörð.
„Það hefur ekki sést mikið þó þeir á
Kidda hafi fengið eitthvað. Nótaskip-
ið Jóna Eðvalds frá Hornafirði var
hér um daginn að leita. Ég heyrði að
þeir hefðu mælt sjávarhitann tveimur
gráðum hærri heldur en á sama tíma í
fyrra þannig að skilyrðin hafa kannski
breyst. Maður veit ekki, kannski kem-
ur síldin ekkert hingað í neinum mæli
í ár samanborið við fyrri ár.“
Stjórnvöld hækka
leiguverð
Annað hefur einnig sín áhrif til að
áhuginn hefur minnkað fyrir síld-
veiðunum. Það er hækkun á leigu-
verði fyrir síldarkvótann sem stjórn-
völd heimta af smábátasjómönnum
vilji þeir nýta þessa auðlind. „Það
var gefin út reglugerð um daginn
þar sem smábátunum var úthlut-
að 800 tonnum samanlagt. Um leið
var leiguverðið hækkað úr 13 krón-
um í 16 krónur á kílóið samanborið
við í fyrra. Manni þykir það nú skjóta
skökku við því við höfum verið að fá
lægra verð fyrir síldina. Fyrst þegar
ég var að byrja á þessu fyrir þremur
árum þá fengum við 100 króna jafn-
aðarverð fyrir hvert kíló af síld óháð
stærð. Í fyrra var það komin niður í
65 krónur fyrir minnstu síldina, 75
krónur fyrir millisíld og 80 krón-
ur fyrir þá stærstu,“ segir Páll. Nú
hins vegar er útlit fyrir að enginn vilji
kaupa neina síld af smábátunum og
þar við situr. mþh
Páll Aðalsteinsson á Fríðu SH. Myndin
er frá því fyrir ári þegar töluvert
líflegra var um að litast á bryggjunni í
Stykkishólmi.