Skessuhorn - 05.11.2014, Blaðsíða 24

24 MIÐVIKUDAGUR 5. NÓVEMBER 2014
Gerður Guðjónsdóttir hefur búið
við Reynigrund á Akranesi síðustu
sextán árin. Þar býr hún ásamt eig-
inmanninum Ásgrími Gísla Ás-
grímssyni og fjórum dætrum á aldr-
inum 10 - 22 ára. Gerði er margt til
lista lagt og hefur lagt stund á ýmsa
handavinnu í gegnum tíðina. Nú
hefur hún vakið athygli fyrir mynd-
ir sem hún gerir, úr afrifum utan
af frímerkjum, en Gerður sýndi
myndirnar á samsýningu sem hald-
in var á Dvalar- og hjúkrunarheim-
ilinu Höfða í tilefni Vökudaganna.
Hefur prófað ýmislegt
Gerður er alin upp á Álftanesi en á
ættir að rekja til Þverfells í Lund-
arreykjardal og á Vestfirði. Hún
fluttist á Akranes sama ár og göng-
in voru opnuð, ásamt eiginmanni
sínum dætrum. „Við fluttum hing-
að frá Rifi, þar sem við kynntumst.
Maðurinn minn er frá Skagafirði
og við vildum festa rætur og búa
mitt á milli fjölskyldna okkar. Val-
ið stóð á milli Akraness og Sauðár-
króks og Skaginn varð fyrir valinu,“
segir hún í samtali við Skessuhorn.
Gerður sýnir blaðamanni handverk
sem hún hefur gert í gegnum tíð-
ina og augljóst er að hún er mjög
handlagin. „Ef mig langar að gera
eitthvað, þá geri ég það bara. Ég
hef prófað ýmislegt; gert upp hús-
gögn, málað með olíulitum, heklað,
prjónað, saumað út og málað á tré,
svo eitthvað sé nefnt. Einnig hef ég
gert allar stærðir og gerðir af tága-
körfum,“ segir hún um handavinn-
una. Þá leiðbeindi hún í handavinn-
unni á Höfða í nokkur ár en hætti
í kjölfar fæðingar yngstu dóttur
sinnar fyrir tíu árum. „Eftir að hún
fæddist langaði mig að gera eitthvað
annað. Þá fór ég að vinna á pósthús-
inu, þar sem ég vann í sjö ár. En nú
er ég nýbyrjuð aftur á Höfða, starfa
í eldhúsinu þar en leysti af í handa-
vinnunni í sumar.“
Fyrsta myndin
af Akrafjalli
Fyrir tveimur árum datt Gerði í
hug að fara að nýta afrifur utan af
frímerkjaörkum í myndir. Þær hafði
hún fengið hjá Íslandspósti, þar sem
hún starfaði á þeim tíma. „Hjá Póst-
inum setti ég saman frímerkjamöpp-
ur sem gefnar eru út fyrir frímerkja-
safnara á hverju ári. Þetta voru um
fimmhundruð möppur með um 20
frímerkjum hvor. Frímerkin koma í
örkum, sem rífa þarf utan af. Efnið
er í alls kyns litum, með lími aftan
á eins og frímerkin sjálf. Ég safnaði
þessum afrifum saman og ákvað að
henda þeim ekki, þótt ég vissi ekk-
ert hvað ég ætlaði að gera við þetta,“
útskýrir Gerður. Að sögn hennar
datt henni skyndilega í hug að nýta
afrifurnar í að gera mynd af Akra-
fjalli. „Ég settist niður og teiknaði
hana fyrst. Ég byrjaði svo að líma
afrifurnar á og hætti ekki fyrr en
ég var búin með myndina. Ég sat í
marga klukkutíma við þetta.“ Hún
segist hafa orðið ánægð með mynd-
ina og ákveðið að gera fleiri. „Næst
gerði ég Snæfellsjökul, hann er mér
kær. Svo kom bara hver myndin á
eftir annarri,“ bætir hún við.
Forstjórinn
pantaði mynd
Gerður segir að fólk spyrji hana oft-
ast að því hvernig henni datt þetta í
hug þegar það sér myndirnar. Hún
segist eiginlega ekki vita það. „Þetta
bara kom til mín einhvern veginn,“
segir hún. Hún kannast ekki við að
fleiri séu að nýta afrifur utan af frí-
merkjum, í það minnsta ekki hér-
lendis. „Ég held að þessu sé al-
mennt hent. Ég hef allavega ekki
fundið neitt þessu líkt á netinu. Það
má kannski helst líkja þessu við svo-
kallaðar „collage“ samklippur þar
sem fólk nýtir rifur úr dagblöðum
og tímaritum og býr til myndir úr
þeim.“ Hún segir að margir haldi
að afrifurnar séu hvítar að lit og
að hún hafi málað myndirnar. Svo
er ekki, hún flokkar afrifurnar eftir
litum, klippir þær og rífur og púsl-
ar þeim svo saman. „Ég veit ekkert
hvað ég er að gera. Þetta er heil-
mikið púsl og fiff,“ segir hún hóg-
vær. Myndirnar eru orðnar átta tals-
ins og hefur Gerður nú þegar selt
tvær þeirra. „Önnur er af Herðu-
breið, hún hangir í anddyrinu hjá
Frímerkjasölunni í Reykjavík. Svo
pantaði forstjóri Íslandspósts eina
af Heimakletti. Sú mynd hangir á
pósthúsinu í Vestmanneyjum.“
Viðbrögðin eru góð
Enginn annar á heimilinu er í hand-
verkinu með Gerði en þó eru flestir
í fjölskyldunni að vinna með hönd-
unum. Eiginmaður Gerðar er vél-
virki og starfar hjá Kraftvélum í
Kópavogi. „Hann er mjög fær við-
gerðamaður og hefur meðal ann-
ars verið sendur til Litháen, Nor-
egs og Færeyja í viðgerðir.“ Tvær
af dætrum Gerðar ætla að feta í fót-
spor hans og eru að læra vélvirkjun
í FVA. „Þeim finnst mjög gaman í
vélvirkjanum, þar sem þær fá með-
al annars að smíða úr tré og járni.
Elsta dóttir mín er mjög flink í and-
litsförðun og hyggur á nám í því,“
segir Gerður en yngsta dóttirin er
enn í grunnskóla. Gerður segist að
endingu ætla að halda áfram að gera
myndir úr afrifum utan af frímerkj-
um. „Mér finnst þetta mjög gaman.
Sýningin á Vökudögunum er frum-
raun mín á því sviði. Mig langaði
bara að fá viðbrögð við myndunum,
hvort ég ætti að halda þessu áfram
eða ekki. Þetta er mitt hugarefni og
viðbrögðin voru mjög góð.“
grþ
Í síðasta tölublaði Skessuhorns get-
ur að líta auglýsingu frá Hvalfjarð-
arsveit um tvær lausar stöður. Það
er staða skipulags- og umhverfis-
fulltrúa og staða félagsmálastjóra.
Fyrra starfið er nýtt embætti innan
stjórnsýslu sveitarfélagsins. „Hval-
fjarðarsveit hefur til þessa not-
ast við aðkeypta þjónustu skipu-
lagsfulltrúa. Þetta er málaflokk-
ur sem hefur verið að stækka mjög
undan farið enda mikið um að vera
í skipulagsmálum innan sveitar-
félagsins. Þar má nefna uppbygg-
ingu á Grundartanga, sumarhúsa-
byggðir og fleira. Þetta er orð-
ið all umfangsmikið. Við höfum
því ákveðið að fara þá leið að búa
til stöðu skipulags- og umhverfis-
fulltrúa. Titillinn umhverfisfulltrúi
felur í sér að við bætum ýmislegu
við þessa stöðu varðandi umhverf-
ismálin hér í Hvalfjarðarsveit, bæði
náttúruvernd sem og umhverfis- og
hreinlætismál,“ segir Skúli Þórðar-
son sveitarsjóri Hvalfjarðarsveitar.
Auk þessa er svo auglýst eftir nýj-
um félagsmálastjóra en núverandi
starfsmaður hefur sagt starfi sínu
lausu. Umsóknarfrestur fyrir bæði
störf rennur út 7. nóvember nk.
mþh
Rafræn áskrift
Pantaðu núna og þú færð
fyrsta mánuðinn frían
Ný áskriftarleið
Fyrir 1950 kr,- á mánuði færð þú
aðgang að nýjasta tölublaði
Skessuhorns ásamt eldri árgöngum
Svona pantar þú áskrift:
Hringdu í okkur í síma 433 5500
Sendu okkur póst á askrift@skessuhorn.is
Pantaðu á vefnum www.skessuhorn.is
Stofna stöðu skipulags­ og umhverfisfulltrúa
Gerir óvenjuleg listaverk úr afrifum af frímerkjum
Kútterinn og Vitinn eru meðal eftir-
lætis mynda Gerðar.
Gerður Guðjónsdóttir býr til óvenjulegar myndir úr afrifum utan af frímerkjum.
Hér má sjá afrifurnar sem Gerður notar við gerð myndanna.
Nýjasta mynd Gerðar er af lunda sem stendur á Heimakletti og horfir á Eyjafjalla-
jökul.