Skessuhorn - 05.11.2014, Blaðsíða 20

20 MIÐVIKUDAGUR 5. NÓVEMBER 2014
Menningarhátíðin Vökudagar á Akranesi var sett síðast-
liðinn fimmtudag og mun standa til næsta sunnudags, 9.
nóvember. Fjölmargir viðburðir hafa verið á dagskránni
þessa fyrstu daga og er dagskráin þétt skipuð. Að sögn við-
mælenda Skessuhorns er vel látið af dagskrá og margt sem
gleðji auga og eyru. Alls eru á fimmta tug viðburða á Vöku-
dögum að þessu sinni. Um næstu helgi verða meðal annars
tónleikar Karlakórsins Hreims í Tónbergi, leiksýning í Bíó-
höllinni, dansleikur með Páli Óskari á Gamla Kaupfélaginu
og Þjóðahátíð Vesturlands haldin í íþróttahúsinu við Vestur-
götu, svo eitthvað sé nefnt. Þá eru fjölmargar sýningar opnar
víðsvegar um Akranes, bæði myndlistar- og ljósmyndasýn-
ingar. Það er því áframhaldandi menningarveisla í vændum
næstu daga á Akranesi.
Tíðindamenn og ljósmyndarar Skessuhorns hafa verið á
ferðinni á Vökudögum og komið við á ýmsum viðburðum.
Hér má sjá svipmyndir frá nokkrum þeirra.
grþ
Menningarveisla á Vökudögum
Opnunarviðburður Vökudaganna var þegar Hanna Þóra og Sveinn Arnar héldu hádegistónleika í Akranes-
kirkju. Ljósm. þá.
Fjör og læti voru á Bókasafni Akraness þegar haldin var afmælisveisla fyrir yngri kynslóðina, en
bókasafnið fagnar 150 ára afmæli um þessar mundir. Ljósm. grþ.
Rósa Sveins hélt kaffihúsatónleika í Tónbergi síðastliðinn sunnu-
dag. Hér er hún ásamt Daníel Helgasyni gítarleikara og Kristofer
Rodriguez Svönusyni trommuleikara. Ljósm. Jónas Ottósson.
Fyrir utan hjúkrunar- og dvalarheimilið Höfða er bekkur sem hefur
verið graffaður með hekli og prjóni í tilefni Vökudaganna.
Ljósm. grþ.
Karategjörningur var sýndur þegar Sýning hinna glötuðu verka var
opnuð í Guðnýjarstofu á Safnasvæðinu. Ljósm. ki.
Núverandi og fyrrverandi bæjarlistamennirnir Erna Hafnes og
Dýrfinna Torfadóttir eru með samsýningu í Vitakaffi á Vökudögum.
Ljósm. ki.
Fjöldi fólks hlustaði á tónleika Sveins Arnars í regninu fyrir utan
Akraneskirkju. Tónleikarnir voru hluti af viðburðaröð sem kallaðist
Fjögurra turna tal. Ljósm. grþ.
Rökkurtónar Kammerkórs Akraneskirkju hljómuðu vel á Bókasafni
Akraness á sunnudaginn var. Ljósm. ki.
Á samsýningu starfsfólks, íbúa og dagdeildarfólks á Höfða mátti
finna margt fallegt. Ljósm. ki.
Margir mættu á tónleika Karlakórsins Svana á Vitakaffi síðastliðið
sunnudagskvöld. Ljósm. ki.
Nemendur og kennarar úr Grundaskóla sýndu verk á sýningunni
Lítum okkur nær sem sýnd var í Gömlu stjórnstöðinni í Sements-
verksmiðjunni. Ljósm. ki.