Skessuhorn - 05.11.2014, Blaðsíða 10

10 MIÐVIKUDAGUR 5. NÓVEMBER 2014
Kauptilboð sem bárust í tvær ríkis-
jarðir á Vesturlandi sem auglýstar
voru til sölu í sumar hafa gengið til
baka. Jarðirnar hafa verið auglýst-
ar að nýju á vef Ríkiskaupa. Mikill
áhugi reyndist fyrir þessum jörðum
þegar þær voru auglýstar í sumar.
Þetta eru jarðirnar Litli-Kambur í
Breiðuvík á Snæfellsnesi og Iðunn-
arstaðir í Lundarreykjadal í Borg-
arfirði. Átján tilboð bárust í Litla-
Kamb og var afar breytt bil á milli
tilboðsupphæða. Það lægsta var upp
á tæpar tvær milljónir en það hæsta
180 milljónir. Í jörðina Iðunnar-
staði bárust 23 tilboð. Þar var hæsta
boð upp á 40 milljónir króna. Þeg-
ar á reyndi gat sá sem átti hæsta til-
boðið í Litla-Kamb ekki staðið við
það. Hæsti tilboðsgjafi í Iðunnar-
staði óskaði eftir að falla frá tilboð-
inu en Ríkiskaup hafði samþykkt
hæstu tilboð í báðar jarðirnar. Auk
Litla-Kambs og Iðunnarstaði eru
nú auglýstar til sölu hjá Ríkiskaup-
um Stóra-Hraun við Eyrarbakka og
Hlíðarberg í Hornafirði.
Jörðin Litli-Kambur er 190 hekt-
arar með húsum sem byggð voru á
árabilinu 1940-1979. Brunabóta-
matið á jörðinni er 57 milljónir og
fasteignamatið er á sautjándu millj-
ón króna. Litli-Kambur var síðast
í ábúð fyrir tveimur árum og eng-
in framleiðslukvóti fylgir jörðinni.
Iðunnarstaðir er 980 hektarar, að
mestu fjalllendi. Brunabótamat er
tæpar 30 milljónir og fasteignamat
eigna á tíundu milljón króna. Fast-
eignir jarðarinnar eru tilgreindar í
auglýsingu gamlar og illa farnar og
íbúðarhúsið ónýtt. Iðunnarstað-
ir eiga aðild að Veiðifélagi Gríms-
ár og Tunguár og er fasteignamat
veiðiréttinda 9,8 milljónir. Þá fylgir
með sölunni á Iðunnarstöðum 70,9
ærgilda greiðslumark.
þá
Framkvæmdum við nýja hótel-
byggingu í Húsafelli miðar vel.
„Við hófumst handa við að grafa
fyrir grunninum í maí. Svo voru
sökklar steyptir í júní og byrjun júlí.
Þetta eru að hluta til tvær hæðir.
Miðkjarninn er með uppsteyptum
burðarveggjum á tveimur hæðum
en ystu einingarnar sitt hvoru meg-
in verða úr timbri. Steypuvinnu
lýkur um miðjan nóvember. Fyrstu
einingarnar í timburhlutann rísa
svo strax eftir það. Kannski verð-
ur reisugildi fyrir jól. Það er stefnt
að því að Hótel Húsafell standi til-
búið að taka á móti fyrstu gestum
á þjóðhátíðardaginn 17. júní næsta
sumar,“ segja þau Þórður Krisleifs-
son og Edda Arinbjarnar hjá Ferða-
þjónustunni Húsafelli. Veitinga-
staður fyrir 90 manns verður í hót-
elinu. Hann verður á vegum sömu
aðila og rekið hafa veitingastaðinn
Galito á Akranesi.
Hótel byggt af
fólki úr héraði
Heildarkostnaður við byggingu
hótelsins er 460 milljónir króna.
Þórður segir að boðið verði upp
á 36 tveggja manna herbergi. Við
stefnum á að þetta verði fjögurra
stjörnu hótel með svokölluð-
um „a la carte“ veitingastað. Þarna
verður hægt að vera með ráðstefn-
ur, taka á móti ýmsum hópum,
halda sýningar og hvaðeina.“
Það er Eiríkur J. Ingólfsson húsa-
smíðameistari í Borgarnesi sem sér
um byggingu hótelsins. „Þetta er
allt fólk héðan úr héraði sem kem-
ur að þessu verkefni. Iðnaðarmenn-
irnir sem nú starfa við byggingu
hótelsins koma hingað daglega úr
uppsveitunum og neðan úr Borg-
arnesi. Maður sér alltaf bílalestina
koma á morgnana og fara á kvöld-
in. Hér eru þeir svo með góða að-
stöðu í vinnuskálum, þar á meðal
eigin kokk sem eldar fyrir þá mat
og reiðir fram kaffi,“ segir Edda.

Þegar farnar að
berast pantanir
Bókanir eru þegar hafnar í Hót-
el Húsafell. Edda segir að það sem
af er séu það mest hópar erlendra
ferðamanna sem hafi boðað komu
sína. „Við erum þó með einn ís-
lenskan hóp í september á næsta ári
sem kemur til að halda ráðstefnu
og verður þá nánast með allt hótel-
ið. Í tengslum við gestina sjáum við
svo fyrir ýmiss konar afþreyingu.
Aðal atriðið er að veita góða og
persónulega þjónustu. Það er mjög
hátt skrifað á skalanum hjá ferða-
fólki, ekki síst því erlenda. Þau vilja
líka fá að upplifa eitthvað sérstakt
og einstætt og af slíku er og verð-
ur nóg að taka hér á Húsafelli og í
nágrenni. Hér er fjölbreytt náttúra
og margt að skoða. Ísgöngin sem
verið er að gera í Langjökli opna í
maí næstkomandi. Svo er Páll Guð-
mundsson auðvitað hér með vinnu-
stofur sínar og aðra aðstöðu. Síð-
an má nefna að kirkjan hér á Húsa-
felli, sem er afar sérstakt og merki-
legt hús, var gerð upp á þessu ári.
Hún er kjörin bæði til helgihalds og
sem hús fyrir ýmsa menningarvið-
burði.“
Eigendur Galito með
veitingarnar
Þórður Kristleifsson bætir við að
sundlaugin í Húsafelli verði auð-
vitað opin hótelgestum. „Hér er
líka flugvöllur. Það er fyrirtæki að
skoða möguleika á að vera með vél
hér á vellinum næsta sumar til að
bjóða upp á flug með ferðamenn.
Möguleikarnir eru mjög miklir.“
Glæsilegur veitingastaður verð-
ur í Hótel Húsafelli. Eigendur
veitingahússins Galito á Akranesi
hafa tekið að sér að sjá um rekst-
ur hans. Gluggar veitingastaðarins
verða stórir með afar fallegu útsýni.
„Við ætlum að verða með þriggja til
fimm rétta matseðla. Þarna verður
pláss fyrir 90 manns, auk þess sem
hótelið verður útbúið með tveimur
minni veislusölum,“ segir Þórður
Þrastarson matreiðslumeistari og
einn eigenda Galito. mþh
Nýlega auglýsti Snæfellsbær eft-
ir áhugasömum aðilum um hugs-
anlegt samstarf um rekstur lík-
amsræktarstöðvar. Þannig háttar
til um þessar mundir í Snæfellsbæ
að Sólarsport, sem Gylfi Scheving
og kona hans Jóhanna Hjelm hafa
rekið við Ólafsbraut um árabil, er
að hætta starfsemi væntanlega í
lok þessa mánaðar. Kristinn Jónas-
son bæjarstjóri sagði í samtali við
Skessuhorn að bærinn vildi gjarnar
greiða fyrir því að líkamsræktarstöð
yrði starfrækt áfram í Snæfellsbæ
og til þess ætlað ónotað húsnæði í
sundlaugarhúsinu. Hann sagði að í
dag væri gerð krafa um að aðstaða
til líkamsræktar væri í hverju bæjar-
félagi. „Það er hugsað að við getum
hjálpað til á þennan hátt og leigan
yrði þá sanngörn,“ sagði Kristinn.
Aðspurður sagði hann að engin af-
staða hefði verið tekin til þess hvort
þarna kæmi inn sá sem hugsan-
lega kaupir búnað og tæki frá Sól-
arsporti eða annar aðili. Kristinn
var nýkominn úr fríi á mánudags-
morgun þegar haft var samband við
hann en þá vissi hann ekki hvort
eða hverjir hefðu sýnt aðstöðunni í
sundlaugarhúsinu áhuga. Þá náðist
ekki í Sigrúnu Ólafsdóttur íþrótta-
og æskulýðsfulltrúa sem tók við
umsóknum, en hún hafði einnig
verið í fríi.
þá
Horft til norðurs. Iðunnarstaðir í Lundarreykjadal fremst á
mynd en fjær er m.a. Brenna. Ljósm. Mats Wibe Lund.
Kauptilboð gengu til baka í tvær
ríkisjarðir á Vesturlandi
Íbúðarhúsið á Litla - Kambi í Breiðuvík á Snæfellsnesi.
Vanýtt pláss er í nýja sundlaugarhúsinu sem ætlað er fyrir líkamsræktarstöð.
Snæfellsbær í samstarf
um líkamsræktarstöð
Markmið hönnuða hótelsins er að það falli sem best inn í fallegt og viðkvæmt
umhverfi Húsafells. Hér er tölvugerð mynd af hótelinu í umhverfi sínu ofan við
sundlaugina.
Nýtt fjögurra stjörnu hótel að rísa í Húsafelli

Grunnur hins nýja Hótels Húsafells eins og hann lítur út í dag. Stefnt er að opnun 17. júní á næsta ári.
Hótelið rís rétt ofan við sundlaugina og þjónustumiðstöðina í Húsafelli.
Þórður Kristleifsson og Edda Arin-
bjarnar í Húsafelli.