Skessuhorn - 05.11.2014, Blaðsíða 22
22 MIÐVIKUDAGUR 5. NÓVEMBER 2014
Áhöfnin á Blíðu SH 277 hefur
stundað veiðar á kuðungategund-
inni beitukóng í Breiðafirði nú í
haust. „Við erum búnir að fá 38
tonn í þessum mánuði. Ég held
að það sé bara nokkuð gott. Við
erum með hundrað gildrur í hverri
trossu. Núna erum við með 3.400
gildrur úti, en það eru 34 trossur.
Við beitum tindabikkju og stein-
bítshausum í gildrurnar. Svo erum
við líka byrjaðir að gera tilraun-
ir með karfahausa. Þetta gefur allt
frá sér mikið af bragð- og lyktar-
efnum sem laðar beitukónginn til
sín,“ sagði Guðmundur Svavarsson
skipstjóri við blaðamann Skessu-
horns þar sem við hittum hann á
fimmtudag í síðustu viku. Skipverj-
ar voru þá að ljúka löndun í Stykk-
ishólmi. „Við löndum yfirleitt dag-
lega hér í Stykkishólmi og aflanum
er keyrt suður. Yfirleitt erum við að
fá tæp tvö tonn í róðri. Það er þá úr
átta trossum.“
Eini
beitukóngsbáturinn
Þeir á Blíðu hófu veiðar í sept-
ember. Áður hafði báturinn ver-
ið stutta stund á handfæraveiðum
eftir makríl. „Útgerðarmaðurinn
sagðist vera mjög ánægður ef við
næðum 35 tonnum á mánuði. Það
hefur tekist og gott betur. Þetta er
eini báturinn sem stundar þessar
veiðar. Ég held það megi alls veiða
750 tonn á fiskveiðiárinu. Það er
þó ekki hægt að stunda veiðarn-
ar lengur en til janúarloka. Þá er
sjórinn orðinn svo kaldur að beitu-
kóngurinn leggst í dvala og hreyf-
ir sig ekki. Þetta er hins vegar ágæt
sumar- og haustvinna og svo fram á
vetur. Það er talið hentugt að byrja
í júlímánuði en við hófum veiðar
seinna meðal annars vegna þess að
báturinn var á makrílnum,“ sagði
Guðmundur.
Til þessa í haust hafa beitu-
kóngsveiðarnar verið stundaðar í
grennd við Stykkishólm. „Þetta er
nú algerlega nýr veiðiskapur fyr-
ir mér. Við erum mest á smá svæði
hér vestur af Hólminum. Lengsta
stímið héðan úr höfninni er fimm
stundarfjórðungar. Beitukóngur-
inn hefur fengið hvíld frá öllum
veiðum síðan 2012 og það er ekki
annað að sjá en nóg sé af honum.“
Beitukóngur og
grjótkrabbi
Aðspurður um afurðirnar sagði
Guðmundur að þær fari mest
með flugi til Frakklands. „Þar er
beitukóngurinn seldur í veitinga-
hús. Þarna er aðal markaðurinn.
Við erum þrír hér í áhöfn. Fyrir-
tækið sem á og gerir út Blíðu SH
heitir Royal Iceland og heldur til í
Njarðvík. Það fyrirtæki keypti bát-
inn, allt innan úr húsinu og gildrur
af þrotabúi annars fyrirtækis sem
hafði stundað beitukóngsveiðarn-
ar. Afkoman af veiðunum er svona
sæmileg.“
Beitukóngurinn er snigill og
heyrir þannig líffræðilega séð til
hryggleysingja. Í hressilegu spjalli
í brú Blíðu SH nefndi Guðmund-
ur skipstjóri einnig aðra tegund
hrygglaustra dýra sem farin er að
verða áberandi í Breiðafirði. Hún
er ný og framandi, fannst hér við
Vesturland fyrir nokkrum árum
og virðist vera að breiða úr sér á
nýjum búsvæðum. „Þetta er sjálf-
ur nýbúinn; grjótkrabbinn. Menn
eru að þróa sig áfram með hann.
Við fáum hann sem meðafla þegar
hann skríður í gildrurnar hjá okk-
ur. Núna eru við með fulla fötu
af grjótkrabba hér um borð. Úlf-
ar Eysteinsson meistarakokkur á
sjávarréttaveitingastaðnum Þrem-
ur frökkum í Reykjavík bað mig
um að koma með prufu til sín að
matbúa. Þessir krabbar eru orðnir
tíu til fjórtán sentimetra breiðir hér
í Breiðafirði. Það er ekki annað að
sjá en þeir dafni vel.“
Að því sögðu voru landfest-
ar leystar á Blíðu SH og bátur-
inn færður til í Stykkishólmshöfn
frá löndunarkrananum yfir á aðra
bryggju þar sem hann var bundinn
tryggilega. Skipverjar áttu helgarfrí
framundan.
mþh
Akurnesingurinn Guðrún Jó-
hannesdóttir tekur þátt í árlegu
sýningunni Handverk og hönnun
í Ráðhúsinu í Reykjavík um næstu
helgi. Þar sýnir hún fatnað und-
ir nafninu Betrumbót, sem hún
saumar úr endurunnu leðri. „Ég
spretti sundur leðurjökkum og
öðrum fatnaði úr leðri, þvæ bút-
ana og sauma úr þeim á nýjan leik.
Einnig nota ég gerviskinn í flík-
urnar,“ segir Guðrún. Hún segir
að það sé gaman að skapa verð-
mæti úr einhverju sem glatað hef-
ur gildi sínu og gefa því þannig
nýtt líf. „Svo má segja að það sé
í tísku að endurvinna,“ bætir hún
við. Það eina nýja sem Guðrún
notar við gerð fatnaðarins er tvinni
og teygja, allt annað er endurnýtt.
Flíkurnar sem um ræðir eru kjól-
ar, stakkar, pils og loðkragar. „Það
eru ekki fleiri sortir komnar, enda
er þetta seinlegt. Stærðirnar eru
frá 36 - 50. Mér fannst skipta máli
að vera einnig með stórar stærðir,
það eru ekki allir í stærð 38.“
Best að versla
í Búkollu
Guðrún er komin á eftirlaun og
saumar fötin heima. Hún er fyrr-
um kennari við Fjölbrautaskóla
Vesturlands á Akranesi, þar sem
hún kenndi dönsku og fatasaum
í 34 ár. Hún kaupir allt efni sem
hún nýtir í flíkurnar á nytjamörk-
uðum. „Þannig styrkir maður gott
málefni í leiðinni. Ég fer nokk-
uð oft að leita að efni, hef farið á
marga markaði og hef því góðan
samanburð. Það má alveg segja frá
því að það er langbest að versla í
Búkollu á Akranesi. Þar eru föt-
in í bestu ástandi, hrein og á góðu
verði,“ útskýrir Guðrún. Þá hann-
ar hún og saumar einnig föt á
dúkkur. „Ég gerði það að gamni
mínu. Ég notaði bara afgangsefni
og bjó til föt og skó á dúkkurnar.
Það er nefnilega þannig að þeg-
ar maður er að leita að efnum á
nytjamörkuðum, þá rekst mað-
ur oft á heimilislaus dúkkubörn.
Þannig að dúkkurnar eru einn-
ig gamlar og endurnýttar,“ segir
Guðrún. Hönnun Guðrúnar má
sjá nánar á Facebook undir nafn-
inu Betrumbót. Sýningin Hand-
verk og hönnun opnar á morg-
un kl. 16 og verður opin fram á
mánudag. grþ
Áhöfnin á Blíðu. Frá vinstri: Sigfús Guðmundsson, Guðmundur Svavarsson skip-
stjóri fyrir miðju og Brynjólfur Harðar.
Afla ágætlega á beitukóngsveiðum í Breiðafirði
Beitukóngsaflanum landað í körum og hann vigtaður á hafnarvoginni í
Stykkishólmi.
Beitukóngsbáturinn Blíða SH í Stykkishólmshöfn.
Guðrún Jóhannesdóttir.
Tekur þátt í sýningunni Handverk og hönnun
Guðrún hannar og saumar kjóla, pils
og stakka úr notuðu leðri sem hún
finnur á nytjamörkuðum. Hér má sjá
stakk eftir hana.
Guðrún hefur tekið að sér heimilislausar dúkkur og hannað föt á þær úr
afgöngum af efni.