Fréttatíminn - 11.07.2014, Side 28

– fyrst og fre
mst
ódýr!
798kr.kg
Verð áður 898 kr. k
g
Grísabógsneiðar, ók
ryddaðar
kryddaðar eða kola
grillmarineraðar
ÍS
LE
NS
KT
Þú nnur okkur á Facebook
undir “Fatabúðin”
Skólavörðustíg 21a 101 Reykjavík S. 551 4050
RÝMINGARSALA!
VERSLUNIN
HÆTTIR
É g bjó í Brussel og var að hugsa um hvað mig langaði til þess að gera næst. Í Brus-
sel var ég að vinna fyrir þingmenn
sem fóru með stjórnarskrármál
Evrópusambandsins, og eitt af því
sem ég var að gera var að fylgjast
með fjölmiðlum og umræðu þeirra
um sambandið og fréttir frá ríkjum
Evrópu. Á þessum tíma hófust
átökin í Úkraínu og þá loguðu allir
miðlar og maður tók svolítið eftir
því fréttirnar hérna heima komu
alltaf svolítið langt á eftir. Út frá
því kviknaði sú hugmynd að opna
fjölmiðil sem einblíndi á fréttir frá
Evrópu og Evrópusambandinu.“
Hvað meinarðu samt með því
þegar þú segir að fréttirnar berist
seint til Íslands, er það vegna þess
að fréttaflutningur er lélegur hér
eða er þetta vegna einhverrar mið-
stýringar innan miðlanna?
„Það er svolítið þannig að þegar
fjölmiðlar hér á landi fjalla um
Evrópumál þá eru fréttirnar ekkert
endilega alltaf réttar. Bara sem
dæmi þá var mikið fjallað um það í
vetur að Úkraína væri í aðildarvið-
ræðum við Evrópusambandið, sem
var ekki rétt. Marg oft var reynt að
fá þá til þess að leiðrétta þetta en
yfirleitt var lítið um svör og engar
leiðréttingar áttu sér stað. Þá veltir
maður því fyrir sér, af hverju er
þetta svona? Við erum nátengd
Evrópu á margan þátt. Pólitískt séð,
efnahagslega og sögulega. Þess
vegna hefur allt það sem er að ger-
ast í kringum okkur gríðarleg áhrif
á fjölmiðla, beint eða óbeint. Það er
mikilvægt fyrir almenning að hafa
aðgang að fréttaveitu frá Evrópu og
Evrópusambandinu. Við leggjum
mikið upp úr vönduðum vinnu-
brögðum og sýnum staðreyndir
málsins. Alveg burtséð frá því hvort
við göngum í ESB eða ekki. Upp-
lýst umræða er það mikilvægasta í
þessu öllu, og öllum fréttaflutningi
almennt.“
Góð viðbrögð, þrátt fyrir
áhugaleysi ríkisstjórnarinnar
„Við opnuðum síðuna í mars og
síðan hefur mikið verið að gerast í
Evrópu. Það hafa verið kosningar í
fjölmörgum ríkjum og átök víða um
álfuna. Viðtökurnar hafa verið frá-
bærar, við höfum fengið gríðarlega
lesningu og dreifingu á samfélags-
miðlum. Það er greinilegt að fólk
hefur áhuga á þessum málum.
Í dag erum við með ríkisstjórn
sem ætlar sér ekki í Evrópusam-
bandið. Við erum með ríkisstjórn
sem hlustar ekki einu sinni á fólkið
þó það mæti og mótmæli fyrir
framan alþingi svo vikum skiptir.
Þess vegna er enn mikilvægara
að halda umræðunni opinni og
vitrænni. Einhverjir kunna að segja
að það væri rökrétt skref að ganga í
ESB. Við getum fundið rök með og
á móti, en á endanum er það þjóðin
sem á að fá að ákveða það.
Við getum ekki ákveðið það
nema með réttum upplýsingum, og
við viljum veita þær.“
Íslenskur Tyrki
Sema á tyrkneskan föður og ís-
lenska móður. Tyrkir hafa aldrei
verið í ESB og eru í rauninni bara
að hluta til í Evrópu. Hvaðan kemur
þessi áhugi á Evrópumálum?
„Ég hlæ oft að því hvað ég er
óheppin að koma frá tveimur
löndum sem hvorugt er í ESB.
Áhugi minn kviknaði þegar ég var í
menntaskóla,“ segir Sema sem lauk
stúdentsprófi frá Menntaskólanum
í Hamrahlíð. „Þar kviknaði áhugi
minn á stjórnmálum og hugmynda-
fræðinni á bak við ESB. Af hverju
er sambandið stofnað og hvaða
hugsjón liggur að baki? Það er hug-
myndin um frið. Frá stofnun hafa
ríki sambandsins ekki farið í nein
átök við hvert annað. Hugmyndin
í upphafi var sú að koma í veg fyrir
það að Frakkland og Þýskaland
færu aftur í stríð eftir seinni heims-
styrjöldina.“
Tyrkland er mjög evrópusinnað
ríki að mörgu leyti. Þó það sé
múslimaríki og aðeins af litlum
hluta innan heimsálfunnar. Þegar
lýðveldið er stofnað þá er rómanska
stafrófið tekið fram yfir arabískuna
og lýðveldið er stofnað með það að
markmiði að verða vestrænt. Þegar
ESB var stofnað fyrir einhverjum
60 árum þá voru það Tyrkir sem
voru hvað fyrstir að óska eftir ein-
hverskonar samstarfi og árið 1987
sækja þeir um aðild.“
En af hverju eru Tyrkir ekki
komnir inn í sambandið eftir allan
þennan tíma?
„Tyrkir eru því miður aðeins á
eftir í málum eins og mannréttinda-
málum og lýðræðismálum. Þrátt
fyrir að það sé að lagast með ári
hverju. Að mestu leyti er það þó
vegna þess að Tyrkland er mús-
limaríki og á næstu árum munu
Tyrkir verða fjölmennari en Þjóð-
verjar í heiminum, sem mun þýða
það að þeir verða stærsta ríkið í
ESB og það er eitthvað sem margir
geta ekki hugsað sér. Margir af
ráðamönnum Evrópu hafa sagt það
opinberlega að á meðan þeir ráða
munu Tyrkir aldrei fá inngöngu og
er það vegna trúarbragðanna. Mín
skoðun er sú að allir Tyrkir fæðast
sem múslimar en alltaf færri og
færri sem iðka trúarbrögðin, sér-
staklega í stóru borgunum. Tyrkir
eru að breytast mikið og á endan-
um mun ríkja sátt.“
Hvað með Íslendinga, við erum
fordómafull þjóð oft á tíðum. Hefur
þú eitthvað þurft að finna fyrir því?
„Ég ber tyrkenskt nafn og
margir sem spyrja mig út í það en
ég hef aldrei gefið færi á einhverj-
um fordómum eða slíku. Ég hef
alltaf getað þaggað það niður um
leið og mér sýnist vera að stefna í
einhver leiðindi. Mér hefur verið
sagt að fara heim og allskonar
ummæli sem maður hefur heyrt.
Sérstaklega á einhverjum um-
ræðuvefjum eftir að maður fór að
taka þátt í þjóðfélagsumræðunni.
Margir sem láta ótrúlegustu hluti
flakka á netinu þegar þeir lesa
eitthvað sem ég hef skrifað á net-
inu og sjá að ég ber erlent nafn.
Ég hef alltaf náð að leiða þetta
hjá mér. Ég hef t.d. ekki tölu á því
hversu oft ég hef verið spurð að
því hvort Halim Al sé pabbi minn.
Hann er holdgervingur tyrknesku
þjóðarinnar á Íslandi. Við höfum
oft fyrirfram gefnar hugmyndir
um útlendinga og Tyrki, en allir
þeir sem hafa farið þangað í frí
vilja allir fara þangað aftur og
eru heillaðir af landi og þjóð. Við
erum oft óþarflega fljót að dæma.
Við þurfum að taka öllu og öllum
með opnum hug, hætta að dæma
og þannig getum við átt og búið í
miklu betra samfélagi.“
Hannes Friðbjarnarson
hannes@frettatiminn.is
Oft spurð hvort
Halim Al sé
pabbi minn
Sema Erla Serdar er 27 ára stjórnmálafræðingur með
meistaragráðu í Evrópufræðum frá Edinborgarháskóla. Hún
er hálfur Íslendingur og hálfur Tyrki. Hefur búið á Íslandi frá
fæðingu og hefur unnið undanfarin ár í kringum mögulega
aðild Íslendinga að Evrópusambandinu. Hún vann í 2 ár fyrir
Evrópusamtökin Já Ísland!, og fyrir Evrópuþingið í Brussel.
Í vetur opnaði Sema netfjölmiðilinn www.evropan.is með
það að takmarki að opna fyrir umræðu og fréttaflutning frá
Evrópu og Evrópusambandinu.
Sema Erla Serdar: „Ég hlæ oft að því hvað ég er óheppin að koma frá tveimur
löndum sem hvorugt er í ESB.“ Ljósmynd/Hari
Halim Al er hold-
gervingur tyrknesku
þjóðarinnar á Íslandi.
28 viðtal Helgin 11.-13. júlí 2014