Fréttatíminn - 12.12.2014, Síða 12

www.lyfja.is
Lægra verð
í Lyfju
w.lyfja.is
Optibac Probiotics
One week flat 20%
afsláttur
Gildir til 19. desember.
Gott að grípa til þegar við leyfum okkur
meira. Hjálpar til við niðurbrot á fæðunni.
Eyðir lofti og þembu úr meltingunni.
R agnheiður Elín Árnadóttir, iðnaðar- og viðskipta-ráðherra, kynnti frumvarp um náttúrupassa í vikunni. Á blaðamannafundi sagði hún aðrar leið-
ir en náttúrupassa gefa minni tekjur eða vera flóknar í
meðförum. Náttúrupassinn væri einfald-
asta lausnin sem skilaði mestu í ríkis-
kassann. „Það eru fjölmargar skoðanir
á þessu máli. Allar hafa þær eitthvað til
síns máls. Þetta er það sem ég hef kom-
ist að niðurstöðu um og hef sannfæringu
fyrir að geti leyst fjölþættan vanda sem
við glímum við,“ sagði Ragnheiður Elín.
Einfaldasta leiðin að mati ráð-
herra
Ráðherra segir gistináttaskatt hingað
til ekki hafa veitt nægjanlegar tekjur
og yrði hann hækkaður frekar þá gæti
það haft áhrif á eftirspurn ferðamanna.
Jafnframt þyki það vera ókostur ef skatt-
urinn legðist aðeins á eina grein ferða-
þjónustuunar. Brottafarar- og/eða komu-
gjöld segir hún ekki vera mögulega leið
þar sem þau yrðu flokkuð sem landa-
mæragjöld og hvorki megi leggja þau
á íbúa á EES-svæðinu né í Schengen-
löndunum. Skattur á flugfargjöld segir
ráðherra vera einfalda framkvæmd en
ókostirnir væru hins vegar þeir að Ís-
lendingar greiddu þannig miklu hærri
upphæðir en með náttúrupassa og þar
að auki myndu gjöldin þá leggjast á inn-
anlandsflugið þar sem 85% farþegar eru
Íslendingar.
Samtök ferðaþjónustunar vilja
gistináttagjald
Samtök ferðaþjónustunnar hafa komist
að annari niðurstöðu en Ragnheiður Elín. Þeirra mat er
að gistináttagjald sé vænlegasti kosturinn.
„Síðasta vor, þegar ráðherra ákvað að leggja ekki fram
frumvarp um náttúrupassa á vorþingi, ákváðum við að
nú væri lag að setjast niður og skoða vel og vandlega alla
möguleika,“ segir Helga Árnadóttir, framkvæmdastjóri
Samtaka ferðaþjónustunnar. „Við fórum í þá vegferð og
unnum mikið starf í samstarfi við alla okkar félagsmenn
um land allt.“
Niðurstaða mats SAF var að það sem skiptir mestu
máli, sama hvaða fyrirkomulag yrði valið, væri að ásýnd
landsins myndi breytast sem minnst. Að gjaldtaka myndi
ekki rýra ímynd landsins sem rólegrar náttúruparadísar.
„Á félagsfundi var svo ákveðið að stjórnin
ætti að taka endanlega niðurstöðu út frá
matinu sem var svo samþykkt einróma,“
segir Helga. „Okkur finnst gistináttagjald-
takan vera einfalt og skilvirkt kerfi. Það er
líka kerfi sem ferðamaðurinn þekkir er-
lendis frá, en þar er það oftast kallað nátt-
úrugjald.“
Höfum siðferðilegan rétt að fara
frjáls um landið
Í kjölfar umræðu um náttúrupassa hafa
margir lýst yfir óánægju sinni með að
mega ekki ferðast óhindrað um landið.
Rætt hefur verið um almannaréttinn sem á
sér langa hefð í íslenskum rétti og helgast
af því viðhorfi að náttúra Íslands sé sam-
eiginleg gæði landsmanna sem öllum sé
jafnfrjálst að njóta. En samkvæmt atvinnu-
vega- og nýsköpunarráðuneytinu skerðir
náttúrupassinn ekki almannaréttinn og
vísar ráðuneytið því til stuðnings í 92.
grein laga um gjaldtöku í náttúruvernd-
arlögum frá árinu 1999. Samkvæmt þeim
er heimilt að rukka gjald á náttúruvernd-
arsvæðum þar sem spjöll hafa orðið eða
hætta er á slíkum.
Páll Skúlason, heimspekiprófessor og
fyrrverandi rektor Háskóla Íslands, hefur
í mörg ár hugsað og skrifað um samband
mannsins við náttúruna. Hann segir hug-
mynd um náttúrupassa ekki samrýmast
þeirri staðreynd að við Íslendingar eigum
landið saman. „Við höfum siðferðilegan
rétt til að heimsækja hvaða stað sem er á landinu. Sú hug-
mynd að sá sem hafi eignarrétt á landi geti selt aðgang
að því hugnast mér ekki. Og ríkið má alls ekki ganga á
undan með slíku fordæmi, heldur ætti að setja á lagg-
irnar öfluga styrktarsjóði vegna mikilvægra ferðamanna-
staða, því hér er almannahagur í húfi.“
Halla Harðardóttir
halla@frettatiminn.is
 NáttúRupassi umdeilt fRumvaRp
Ráðuneytið segir
náttúrupassa ekki
skerða almannarétt
Ragnheiður Elín Árnadóttir kynnti frumvarp sitt um náttúrupassa á blaðamannafundi í vikunni.
Hún segir náttúrupassa einfalda framkvæmd sem gefi meira af sér en aðrar leiðir. Samtök
ferðaþjónustunnar eru ekki sammála niðurstöðu ráðherra. Hugmyndir ráðherra hafa einnig mætt
mótstöðu í þinginu og á meðal almennings. Páll Skúlason heimspekiprófessor segir það vera
siðferðilegan rétt okkar að ganga óhindrað um landið.
Ragnheiður Elín Árnadóttir, iðnaðar- og viðskiptaráðherra, kynnti frumvarp um náttúrupassa á blaðamannafundi í vikunni. Gert
er ráð fyrir að náttúrupassinn taki gildi 1. september 2015. Ljósmynd/Hari.
 Verð fyrir náttúrupassann
verður 1500 kr.
 Einstaklingar undir 18 ára
aldri þurfa ekki að hafa
náttúrupassa.
 Umsjón með eftirliti verður
í höndum Ferðamálastofu.
 Náttúrupassinn mun ekki
koma í veg fyrir gjaldtöku
á einstökum ferðamanna-
stöðum.
 Heimilt verður að sekta þá
sem ekki hafa greitt fyrir
passa.
 Áætlaðar tekjur fyrstu
þrjú árin nema um 4,5-5,2
milljörðum króna.
 85% tekna eiga að koma
frá erlendum ferða-
mönnum.
 Framkvæmdasjóður ferða-
manna mun hafa umsjón
með útdeilingu fjármuna.
 10% skal varið til fram-
kvæmda á ferðamanna-
stöðum sem ekki eiga aðild
að náttúrupassa gegn 50%
mótframlagi eigenda.
 3,5% verður varið í
umsýslu náttúrupassans.
12 fréttir Helgin 12.-14. desember 2014