Fréttatíminn - 12.12.2014, Síða 121

Vignir og Þorfinnur eru áhugamenn um skegg og viskí og
sameinuðu þessi áhugamál með því að búa til skeggolíu.
 KarlmennsKa sKeggolía sem gefur frísKandi og heilbrigt útlit
Bjuggu til skeggolíu með viskílykt
Vinirnir Vignir Jóhannesson og Þorfinnur Guttormsson fengu
þá flugu í höfuðið að búa til sína eigin skeggolíu. Þeir eru báðir
miklir áhugamenn um skegg og viskí og ákváðu að sameina
þessi tvö áhugamál sín. „Hugmyndin kom
nú bara upp í sumar og okkur langaði að
búa til olíu sem dregur ilm sinn frá viskíi og
þá sérstaklega viskí kokteilum,“ segir Þor-
finnur. „Við ákváðum að búa til skeggolíur og
vildum hafa þær í takt við þrjá klassískustu
viskí kokteila heims. Olíurnar fengu nöfnin
The Old Fashioned Style, The Mint Julep
Style og The Sazerac Style eftir þessum
frægu drykkjum.“
Þeir Vignir og Þorfinnur hófust svo handa
að blanda olíurnar. „Það er ekki hlaupið að
því að búa til þessar olíur og var þetta því heimalærdómur. Við
prófuðum okkur áfram og á endanum vorum við komnir með
réttu olíurnar. Við notum aðeins náttúruleg efni í þetta og þetta
er í rauninni hárnæring fyrir allar tegundir
skeggs, frískar og gefur hraust og heil-
brigt útlit,“ segir Þorfinnur. „Bara eins og
malt. Við fórum svo með olíurnar til fólksins
hjá Reykjavík Letter Press sem kórónaði
heildarmyndina og hannaði allt útlitið fyrir
flöskurnar og merkið, og þau eru snilling-
ar,“ segir Þorfinnur.
Olíurnar eru ekki komnar í verslanir en
er verið að vinna að því. Þangað til er hægt
að nálgast þær á Facebook undir nafninu
Beard Oil Brewery. -hf
Kærustuparið Sigmundur og Lilja myndskreytir nýjustu bók Hugleiks Dagssonar. Þau búa sitt í hvoru landinu en ætla að eyða
jólunum á Íslandi.
 bæKur tvær sögur mætast í miðjunni í bóK hugleiKs dagssonar
Sjómannslíf hjá
Sigmundi og Lilju
Ofan og neðan er þriðja bókin í Endaflokki Hugleiks Dagssonar þar sem hann túlkar mismunandi
heimsendi í hverri bók með hjálp klárustu teiknara landsins, þeim Sigmundi Breiðfjörð og Lilju
Hlín Péturs. Ofan og neðan segir frá því þegar þyngdarafl jarðarbúa snýst við og allir detta upp.
Örfáar hræður hanga eftir í hvolfdum heimi. Bókin segir tvær reynslusögur af slíkum eftirlif-
endum, sem lesnar eru frá sitt hvorum enda bókarinnar og mætast í miðjunni. Sigmundur segir
það forréttindi að vinna með höfundi eins og Hugleik.
n ýjasta bók Hugleiks Dagssonar, Ofan og neðan, er frábrugðin öðrum bókum því hún er í raun
tvær sögur. Bókin er þannig útfærð að
hún hefur tvær kápur á sitt hvorri hliðinni
og hefur sitt hvora söguna. Sigmundur
Breiðfjörð Þorgeirsson og Lilja Hlín
Péturs myndskreyta sögurnar, en þau eru
kærustupar og búa í sitt hvoru landinu.
„Hugleikur hafði samband við mig
þegar hann vantaði myndir í þriðju
bókina í heimsenda períódunni sinni,“
segir Sigmundur Breiðfjörð sem býr í
Laguna Beach í Kaliforníu og er að læra
teiknimyndateiknun, eða Entertainment
Illustration eins og það heitir á ensku.
„Hugleikur fékk svo hugmynd um að gera
bók sem hægt er að skipta í tvennt og
hefði tvær ólíkar sögur. Kærastan mín,
Lilja Hlín, er teiknari líka og því lá beinast
við að hún gerði hina söguna,“ segir Sig-
mundur en Lilja Hlín er búsett í Kanada
þar sem hún er að læra hreyfimyndagerð.
„Fjarbúðin er stundum erfið, en þetta
gengur upp,“ segir Sigmundur. „Fólkið
hér í Ameríku skilur okkur ekki, en ætli
þetta sé ekki svona sjómannslíf,“ segir
Sigmundur sem klárar sitt fjögurra ára
nám í vor. „Ofan og neðan er ekki beint
sama sagan. Þetta
eru tveir ólíkir
karakterar og saga
um það hvernig þeir
díla við svipaðar að-
stæður á mjög ólíkan
hátt, segir Sigmund-
ur. Minn karakter
sem er í Neðan er
mjög niðurdrepandi
og myrkur, en það
er bjartara yfir kar-
akternum sem Lilja
teiknar í Ofan. Það
eru bjartari litir og
jákvæðari stemning.
Það er mjög
gaman að vinna
með Hugleik. Hann
er frumlegur og
skemmtilegur og
mjög góður penni,“
segir Sigmundur.
Hann og Lilja ætla að eyða jólunum á Ís-
landi. „Við komum bæði heim rétt fyrir
jól, og það er tilhlökkun vissulega.“
Hannes Friðbjarnarson
hannes@frettatiminn.is
Kraumsverðlaunin afhent
Tilkynnt var í gær, fimmtudag, hvaða plötur hlutu Kraums-
verðlaunin í ár. Kraumslistinn er 20 platna úrvalslisti
sem birtur er í byrjun desember. Dómnefnd Kraums-
verðlaunanna velur síðan og verðlaunar sérstaklega sex
hljómplötur af þeim lista er hljóta sjálf Kraumsverðlaunin.
Plöturnar eru Aerial með Önnu Þorvaldsdóttur, Börn með
samnefndri sveit, platan Hekla með Heklu Magnúsdóttur,
Temperaments með Kippa Kanínus, Innhverfi með Óbó og
Trash from the boys með Pink Street Boys.
Gunni Helga komin yfir tíu
þúsund eintök
Bóksala er nú að ná hámarki fyrir jólin og bókaforlögin
keppast við að tryggja sér tíma í prentsmiðjum til að anna
eftirspurn. Hjá Forlaginu hefur það kvisast út að Saga
þeirra, sagan mín eftir Helgu Guðrúnu Johnson sé farin í
þriðju prentun. Sama gildir um Gula spjaldið í Gautaborg
eftir Gunnar Helgason. Alls hafa því á ellefta þúsund eintök
verið prentuð af bók Gunna Helga. Þá er Hjálp eftir Þorgrím
Þráinsson farin í aðra prentun.
Jólamarkaður á KEX Hostel
Jólamarkaður hönnuða og vefverslana verður haldinn á
Kex Hostel laugardaginn 13. desember frá klukkan 10 til
17. Jólagjafirnar í ár verða til sölu á markaðnum, íslensk
hönnun eins og hún gerist best í bland við skemmtilegar
og nýjar vefverslanir. Meðal vefverslana sem taka þátt eru
Kolka, Ratdesign, Snjóber og Hróm. Sigga Klingenberg og
jólasveinninn kíkja í heimsókn og allir ættu að finna eitt-
hvað við sitt hæfi.
Sign á
Gauknum
Hljómsveitin Sign
mun rísa úr dvala
um helgina og halda
tónleika á Gauknum í
kvöld, föstudagskvöld.
Þetta er í fyrsta sinn
í dágóðan tíma sem
hljómsveitin kemur fram
og eru margir aðdáendur
sveitarinnar sem hafa
beðið eftir þessu kvöldi.
Húsið opnar klukkan 20
og eru það rokkararnir
í Endless Dark sem hita
upp mannskapinn áður
en Ragnar Zolberg og
félagar stíga á stokk.
Velgengni Arnaldar Indriðasonar nær eins
og kunnugt er langt út fyrir landsteinana.
Á dögunum kom Konungsbók út í kilju í
Frakklandi hjá forlaginu Points en hún kom
út á Íslandi árið 2006. Konungsbók rauk
beint á metsölulistann þar í landi og hefur
verið þar frá útkomu. Það sem heyrir hins
vegar til tíðinda er að bókin er ekki flokkuð með glæpasögum, líkt og verið hefur til
þessa með bækur Arnaldar, heldur er hún flokkuð með öðrum fagurbókmenntum,
en mun erfiðar ku vera að ná inn á þann metsölulista en á glæpasögulistann.
Arnaldur
flokkaður með
fagurbókmenntum
122 dægurmál Helgin 12.-14. desember 2014
fridaskart.is
Strandgötu 43
Hafnarrði
íslensk hönnun í gulli og silfri