Læknablaðið - 15.09.2007, Blaðsíða 47

UMRÆÐA & FRÉTTIR /
Formaður LÍ sótti aðalfund British Medical Association
Pólitískari fundur en ég átti von á
Sigurbirni Sveinssyni, formanni Læknafélags
Islands, var í júní síðastliðnum boðið að sækja
ársfund breska læknafélagsins, British Medical
Association. Fundurinn var haldinn í Torquay á
suðurströnd Englands í Devon. Svæðið er oft kall-
að „Enska rivieran.” Læknablaðið innti hann eftir
tíðindum frá þessum fundi.
Það hlýtur að hafa verið forvitnilegt að sœkja
þennqn fund bœði vegna merkilegs lœknafélags og
svo er staðurinn vinsœll ferðamannastaður?
„Já að sjálfsögðu nema fyrir þær sakir að lítið
fór fyrir túrismanum á þessum slóðum. Hinn
þráláti rigningakafli var hafinn í Bretlandi og var
hálf nöturlegt að sjá tjallann, sem vafalítið hafði
margur hver önglað fyrir þessu draumafrfi lengi,
berjast um af þrákelkni í stuttbuxunum í rigning-
unni. Þetta skipti mig raunar litlu máli, þar sem
tímaplan fundarins var ákaflega stíft og með okkur
erlendu gestunum reiknað við flest tækifæri.”
Er eitthvað líkt með breska lœknafélaginu og LÍ
og aðalfundum þessara félaga?
„Að sjálfsögðu er engu saman að jafna að stærð
og BMA hefur ekki jafn sterka stöðu stéttarfélags
og LI lögum samkvæmt. Uppbygging félaganna
er þó svipuð, fulltrúafundur með aðild lands-
hlutafélaga en sérgreinarnar hafa líka skipulega
aðkomu. Aðalfundurinn hafði gríðarlega mörg
mál til meðferðar allt frá þröngum innri málum
félagsins til opinberra mjög svo pólitískra yfirlýs-
inga um þjóðmál á Bretlandi tengdum heilbrigð-
ispóltík. Þannig kom formanni LÍ fátt á óvart
nema hvað fundurinn var ef til vill enn pólitískari
en ég átti von á.”
Þú segir að gríðarlega mörg mál hafi verið
til umfjöllunar. Hvernig tókst BMA á nokkrum
dögum að komast yftr það allt?
„Það var mjög áhugavert. Fundarsköpin réðu
því og þau voru einföld, knöpp en um leið sveigj-
anleg og árangursrík. Þó í grundvallaratriðum lík
okkar. Fundarstjóri þ.e. „formaður fundarins”
hefur rnikil völd og fundarmenn líka fyrst og
fremst með framíköllum. Ræðutími er stuttur,
yfirleitt tvær mínútur og kallar þá fundarstjóri
t.d.: „Þú mátt klára setninguna”. Ef fundurinn
vill fá meira frá viðkomandi þá er kallað: „More,
more” og tekur ef til vill kór undir þá athugasemd.
Fundarstjóri virðir slíkar óskir.
Allsherjarnefnd fer fyrir fundinn yfir öll inn-
komin erindi og tillögur og setur fram tillögur
sínar á grundvelli þeirra. Frávikstillögur eru
prentaðar með þeim en koma ekki til sérstakrar
umræðu. Þátttakendur í umræðum gefa fund-
arstjóra upp hvort þeir eru með eða móti og reynir
hann að koma sjónarmiðum að jöfnum höndum.
Ef mælendaskrá er löng styttir hann hana jafnan
en hleypir áfram andstæðum fylkingum að. Ef allir
sem vilja taka til máls eru á einu máli, þá leggur
hann jafnan til að ályktunin verði tekin til atkvæða
strax með leyfi fundarins. Fundurinn leggur oft það
sama til og þá með framíkalli sem fundarstjóri ber
þegar upp. Frávísanir eru afgreiddar þegar í stað.
Þær koma með framíkalli „move to next item” og
ræður einfaldur meirihluti niðurstöðu.”
Hver er staða yngri lœkna í svona rótgrónu sam-
félagi?
„Mér sýndist hún býsna sterk. Fulltrúar ung-
lækna virtust mér mjög atkvæðamiklir á fundinum,
skapandi og oft róttækir og yfirleitt var gerður
góður rómur að máli þeirra. Mörg mál, sem þeir
báru upp hlutu brautargengi. Enn athyglisverðara
var að læknanemar höfðu þarna sína stöðu, tóku
virkan þátt í fundinum með málfrelsi, tillögufrelsi
og atkvæðum.
Niðurstaða mín er, að við þurfum aðeins að víkka
sjónarhornið þegar litið er til Norðurlandanna og
Bretlands og vera samferða kollegum okkar inn í
framtíðina.”
Konungsfjölskyldan er í
forsœti BMA luttugasta
hvert ár. Hér er Sigurbjörn
Sveinsson, formaður LÍ,
kynntur fyrir Önntt prins-
essu við innsetningu henn-
ar í embœtti.
Læknablaðið 2007/93 631