Læknablaðið - 15.09.2007, Qupperneq 51

UMRÆÐA & FRÉTTIR / VIÐURKENNING
Við fengum síðan lífssýni frá 527 karlmönnum úr
þeim hópi og mynduðu þeir rannsóknarhópinn.
Við fundum stökkbreytinguna í 30 þessara karla,
sem svarar til 5,7% hópsins, og gekk rannsóknin
út á að bera saman sjúkdóminn hjá þeim sem
höfðu stökkbreytinguna og þeim sem ekki höfðu
hana. Niðurstaðan var ótvíræð í þá veru að sjúk-
dómurinn var umtalsvert illvígari hjá þeim sem
höfðu stökkbreytinguna en hjá hinum. Þetta kom
þannig fram að arfberar voru að jafnaði 5 árum
yngri við greiningu en hinir, 69 ára gamlir í stað 74
ára. Útbreiðsla sjúkdómsins var einnig ólík; 80%
arfberanna voru með útbreiddan sjúkdóm á stig-
um 3 eða 4 samanborið við að 40% hjá þeim sem
ekki voru arfberar. Við skoðun á æxlisfrumunum
sjálfum kom í Ijós að æxlisgráða krabbameins-
frumanna í 84% arfberanna var af hæstu gráðum
7-10 en 53% í samanburðarhópnum voru með
frumur af þessum æxlisgráðum. Ekki síst var
síðan sláandi að sjá að helmingur arfberanna var
látinn eftir 2,1 ár frá greiningu, en helmingur hinna
var enn á lífi 12,4 árum eftir greiningu. Munurinn
er sexfaldur. Rannsóknin leiddi þannig í ljós að
þeir sem bera stökkbreytinguna í sér eru yngri
við greiningu, stig og gráða æxlanna eru hærri og
lífslíkur minni. Hins vegar þarf að taka fram að af
þeim hópi íslenskra karlmanna sem greinast með
blöðruhálskirtilskrabbamein eru ekki nema um
2% sem bera stökkbreytinguna í sér, eða e.t.v. 3-4
á ári. Ef horft er til Norðurlandanna gætu þetta
verið 100-200 menn árlega.
A þinginu í Árósum kom fram sú spurning
hvort skima ætti fyrir stökkbreytingunni. Ég tel
það ekki rétt að svo stöddu en hins vegar gæti það
átt við í ákveðnum tilfellum, t.d. ef sterk ættarsaga
er um brjósta- eða eggjastokkakrabbamein í fjöl-
skyldu manns sem er nýgreindur með krabbamein
í blöðruhálskirtli. Ef stökkbreyting fyndist þyrfti
að taka mið af því við val á meðferð í ljósi hins
hraða framgangs meinsins hjá arfberum.”
Þriðja rannsóknin
Tryggvi segist hafa unnið að rannsóknum á blöðru-
hálskirtilskrabbameini frá því hann var á fyrsta ári
í læknanámi. „Móðir mín, Laufey Tryggvadóttir,
er framkvæmdastjóri Krabbameinsskrárinnar og
ábyrgðarmaður þessarar rannsóknar. Þetta hófst
með því að hún fékk mig og bekkjarfélaga minn,
Eyþór Örn Jónsson, til að aðstoða sig við gagna-
öflun fyrir slíka rannsókn þegar við vorum á
fyrsta ári. Ég hef síðan flengst og þetta er þriðja
rannsóknin á blöðruhálskirtilskrabbameini sem
ég tek þátt í. Mér finnst áhugaverð þessi leit að
forspárþáttum til að greina í sundur hægt vaxandi
mein, þar sem hægt er að fresta meðferð og þeim
aukaverkunum sem henni fylgja, og hratt vaxandi
krabbamein sem krefjast tafarlausrar róttækrar
meðferðar.”
Tryggvi segir að næsta stig af rannsóknum
á BRCA2 snúi meðal annars að því að skoða
hvort próteinið sem genið tjáir fyrir brotni niður
í krabbameinsfrumum og hvort greina megi nið-
urbrot próteinsins í öðrum krabbameinssjúkl-
ingum en þeim sem bera stökkbreytinguna í sér.
„Með því væri hugsanlega hægt að spá fyrir um
framgang sjúkdómsins hjá fleirum en þeim sem
bera stökkbreytinguna í sér og haga meðferð til
samræmis við það.”
Heilbrigðisstofnun Suðausturlands,
Hornafirði
Yfirlæknir og
heilsugæslulæknir
Óskum eftir að ráða tvo lækna við Heilbrigðisstofnun
Suðausturlands Hornafiðri.
Um er að ræða stöður yfirlæknis og heilsugæslulæknis.
Heilbrigðisstofnun Suðausturlands er áhugaverður vinnustaður
sem samanstendur m.a. af heilsugæslustöð, sjúkradeild og
hjúkrunarheimili.
Starfssvæði Heilbrigðisstofnunarinnar er A-Skaftafellssýsla og eru
íbúar um 2200.
Æskiiegt er að umsækjendur hafi viðurkenningu sem sérfræðingar í
heimilislækningum, öldrunarlækningum eða lyflækningum.
Laun eru samkvæmt kjarasamningi Læknafélags íslands og
ríkisins, útvegum húsnæði og flutningsstyrkur í boði.
Umsóknarfrestur er til 1. október n.k.
Frekari upplýsingar veitir Guðrún Júlía Jónsdóttir,
framkvæmdastjóri,
í síma 478-1400, netfang:gjj@hssa.is.
Læknablaðið 2007/93 635