Fréttatíminn - 21.11.2014, Qupperneq 20

Jólablað Fréttatímans
Jólablað Fréttatímans 2014 kemur út
miðvikudaginn 26. nóvember
Mikið verður lagt í jólablaðið að þessu sinni. Í því verður
spennandi, jólatengt efni af ýmsum toga,
skrifað af reyndum blaðamönnum.
Auglýsingabókanir þurfa að berast fyrir
mánudaginn 24 nóvember.
Nánari upplýsingar veitir Kristi Jo í
síma 531 3307 eða kristijo@frettatiminn.is
G
unnar Helgason
hefur undanfarið
heimsótt hátt í 20
skóla og lesið upp
úr bók sinni, Gula
spjaldið í Gautaborg. Hann segir
það vera með því skemmtilegasta
sem hann hefur gert. „Ég á eftir
að lesa í einhverjum 20 skólum í
viðbót og það gengur bara ógeðs-
lega vel,“ segir hann. „Ég hef gert
þetta með allar bækurnar og þetta
er alveg einstaklega gaman. Ég
finn það í þeim skólum sem ég hef
heimsótt að í öll skiptin þá fjölgar
höndunum í hvert skipti þegar ég
spyr hverjir séu búnir að lesa fyrri
bækur. Ég fæ mikið af spurningum
en sú algengasta er kannski hvort
sögupersónurnar séu til í alvör-
unni. Sem er ekki raunin en saga
Ívars, sem er aðal söguhetjan, er
byggð á sönnum aðstæðum,“ segir
Gunnar.
„Þetta áttu að vera þrjár bækur
en þær eru orðnar fjórar. Það áttu
að líða tvö ár á milli bóka og ég var
búinn að teikna þetta þannig upp,
en þegar ég kláraði aðra bókina,
Aukaspyrnu á Akureyri, þurfti ég
að breyta sögunni. Hún endaði svo
sorglega og þá varð ég að skrifa
Rangstæður í Reykjavík, en hún
var aldrei á planinu,“ segir Gunnar.
Gunnar var búinn að teikna upp
líf sögupersónanna yfir 5 ár sem
átti að passa í þrjár bækur, en hann
segir atburðarásina hafa breyst um
leið og hann var byrjaður að skrifa.
„Þetta er svolítið skrítið. Þeir öðl-
uðust sjálfstætt líf og maður fékk
móral ef maður þurfti að breyta
einhverju sem gerðist nokkrum
árum áður. Manni fannst maður
 bækur Gula spjaldið í GautaborG
Leikarinn, leikstjórinn og rithöfundurinn Gunnar Helgason átti sér alltaf þann draum að geta gefið út eina bók á ári. Hann segist vera með tvær bækur á dagskrá á
næstunni en hefur fengið að heyra mjög skýrt frá börnum og unglingum hvað þau vilja lesa næst. Nýjasta bókin hans, Gula spjaldið í Gautaborg, er fjórða bókin í
bókaröð sem átti að vera þríleikur. Segja má að framvinda sögunnar hafi kallað á fjórar bækur þegar hann var búinn að skrifa tvær bækur.
skulda einhverri mann-
eskju, sem er ekki til,
einhverjar útskýringar,“
segir hann. „Maður
ræður ekkert við það
þegar planið breytist.
Þetta er allt annað kons-
ept en maður hefur van-
ist í leikhúsunum, til að
mynda. Í leikritum þarf
að tala við svo marga ef
maður ætlar að breyta
einhverju, en í bók er
maður bara einn. Eini
félagsskapurinn sem
maður hefur eru sögu-
hetjurnar. Þess vegna
er ágætt að þær tali til manns,“
segir Gunnar.
Bækurnar hafa allar notið
mikilla vinsælda og selst mjög vel.
Gunnar sagði það alltaf planið.
„Maður stefnir alltaf að því að það
sem maður geri verði vinsælt. Mað-
ur vonar að það nái til þeirra sem
skrifað er fyrir. Ef maður ætlar
að lifa af þessu verður það að vera
stefnan,“ segir Gunnar. „Ég vonaði
fyrst og fremst að þetta væri nógu
gott til að seljast. Ég vissi það að
ég mundi selja eitthvað bara fyrir
það að krakkarnir kannast við and-
litið á mér, en það dugar bara í eina
bók. Salan hefur alltaf aukist með
hverri bók, sem er skemmtilegt,
og segir manni að kannski eru þær
bara nokkuð góðar“
Bók á ári
Gunnar er iðinn maður að upplagi
og hann segist þrífast vel í brjál-
æðinu sem fylgir jólabókaflóðinu
og segist ætla að taka oftar þátt,
helst á hverju ári. „Mér finnst þetta
rosa gaman. Tékka á listunum, fara
í skólana, tala við forlagið og mæta
út um allt og lesa og svo klukkan
23 á Þorláksmessu andar maður
frá sér. Ég er búinn að ákveða að
vera með eina bók á ári um ókomna
tíð,“ segir Gunnar.
„Það hefur alltaf verið
draumurinn.
Næsta bók mun heita
Mamma klikk og ég
er byrjaður á henni.
Ég var með tvær hug-
myndir. Annarsvegar
bók sem gerist á vík-
ingatímum um krakka
sem þurfa að leita
uppruna síns og lenda
í allskonar orrustum
og slíkt, og hins vegar
Mamma klikk,“ segir
Gunnar.
Hver er Mamma
klikk?
„Ég er mjög hrifinn af klikk-
uðum mömmum, í jákvæðum
skilningi. Ég á svoleiðis mömmu
og ég er giftur svoleiðis mömmu,“
segir Gunnar. „Konur sem gera
hluti sem eru aðeins óvenjulegir.
Í sögunni minni skammast aðal-
persónan sín fyrir mömmu þegar
hún gerir þessa hluti. Ég hef látið
krakkana sem ég er að lesa fyrir
kjósa hvora bókina ég á að skrifa
og 90% vilja heyra um Mömmu
klikk. Þeim er alveg sama um vík-
ingana,“ segir Gunnar. „Ég er að
safna sögum í bókina þó þráðurinn
sé kominn.“
Hjálp frá markmanni lands-
liðsins
Gunnar situr nú við handritsgerð
að sjónvarpsþáttum sem byggðir
eru á fyrstu bókinni, Víti í Vest-
mannaeyjum, en áætlað er að taka
þættina upp árið 2016. „Sagafilm
keypti réttinn að þáttunum og RÚV
hefur gefið vilyrði um sýningar.
Núna sit ég með Jóhanni Ævari
Grímssyni við skriftir að handriti
fyrir þættina svo hægt sé að byrja
að fjármagna þá. Þetta tekur óra-
tíma og vonandi náum við að klára
þetta sem fyrst,“ segir Gunnar.
„Þetta er langt ferli en ótrúlega
spennandi. Það er flókið að gera
fótboltamyndir svo þær séu sann-
færandi. Það vantar oft þennan
hraða sem er í leiknum en þegar
ég sá auglýsinguna sem Hannes
Þór markmaður gerði fyrir Ice-
landair með landsliðinu, sá ég
strax að þetta var eins og ég vildi
hafa þetta,“ segir Gunnar. „Hannes
er að vísu í atvinnumennsku í Nor-
egi en hann mun vonandi verða
okkur innan handar þegar kemur
að framleiðslunni. Ég á bara eftir
að tala við hann, þannig að ef hann
er að lesa þetta þá veit hann að ég
mun hringja,“ segir Gunnar.
Mig langar til þess að þessir
þættir verði fjölskylduefni, þar
sem mamma og pabbi horfa með
krökkunum. Allt efni sem krakk-
arnir okkar eru að horfa á er erlent
efni, sem fjallar ekki um okkar
veruleika eða teiknimyndir. Fólkið
í blokkinni náði að sameina fjöl-
skyldurnar við skjáinn og við
þurfum að gera meira af því.“
Engar myndir
Undanfarin ár hafa margar íslensk-
ar bækur verið gefnar út um allan
heim. Gunnar segir vandamálið við
sínar bækur það að öðrum þjóðum
finnst vanta myndir í bækurnar.
„Forlagið fær reglulega fyrirspurn-
ir en iðulega finnst útlendingum
vera of margar blaðsíður og of fáar
myndir. Hérna er ekkert vandamál
að gefa út 300 blaðsíðna bók fyrir
börn. Þau lesa það bara,“ segir
Gunnar. „Það virðist bara vera of
mikið fyrir aðra markaði. Kannski
munu sjónvarpsþættirnir ýta undir
þetta. Þá verður þetta Nonni og
Manni sem mæta Latabæ, góð
gildi og hreyfing. Er það ekki bara
málið?“
Hannes Friðbjarnarson
hannes@frettatiminn.is
Ég er mjög
hrifinn af
klikkuðum
mömmum,
í jákvæðum
skilningi.
Nonni og Manni mæta Latabæ
Frá upplestri Gunnars Helgasonar í Langholtsskóla. Myndir/Hari
20 viðtal Helgin 21.-23. nóvember 2014