Fréttatíminn - 22.08.2014, Page 50

50 ferðalög Helgin 22.-24. ágúst 2014
 VancouVer Matartrukkar á ferðinni
VILT ÞÚ NÝTA VIÐBÓTAR-
LÍFEYRISSPARNAÐINN
TIL ÍBÚÐAKAUPA?
Þú getur notað viðbótarlífeyrissparnaðinn þinn til að greiða inn
á höfuðstól húsnæðisláns eða til íbúðasparnaðar. Ef þú sækir
um fyrir 1. september nk. getur þú nýŽ iðgjöld frá 1. júlí.
Skoðaðu kynningarmyndböndin á arionbanki.is og taktu
upplýsta ákvörðun fyrir næstu mánaðamót.
Sæktu um á rsk.is/leidreing
fyrir 1. september nk.
e inkabílinn á undir högg að sækja í stærstu borginni á vesturströnd Kanada.
Borgarstjórinn hefur lagt hjólastíga
út um allar trissur og í bílastæðun­
um eru trukkar þar sem útbúinn er
skyndibiti. Þess háttar matsala fór á
flug þegar Vancouver hélt vetraról­
ympíuleikana árið 2010 og hefur nú
öðlast fastan sess í borginni. Hug­
myndaauðgi einkennir matseðlana
sem hanga á bílunum og alveg
nauðsynlegt að gera þessum hluta
af matarmenningu Vancouver
góð skil í ferð til borgarinnar. Það
kostar heldur ekki mikið. Réttirnir
eru víðast á 500 til 1000 krónur og
margir þeirra metta á við nokkrar
soðnar pylsur.
Skyndibiti úr sjónum
Vegna nálægðarinnar við hafið er
hefð fyrir því að elda góða fisk­
rétti á veitingahúsunum á þessum
slóðum og í bílunum hafa þau
ekki undan að elda skyndibita
úr sjávarfangi. Tveir þeirra stela
eiginlega senunni í þessari deild.
Það er Tacofino sem setur saman
frábært taco úr steiktum þorski og
túnfiskurinn í wasabi majónesinu
er ekki síðri. Síðan er það The
Kaboom Box Food sem sérhæfir
sig í reyktum laxi. Þar kallast aðal­
rétturinn „Salmwhich“ og saman­
stendur af reyktum laxi í grillaðri,
mjúkri brauðbollu með sterku majó
og káli sem hefur legið í hunangs­
sinnepi.
Þúsundosta samlokur
Bræddur ostur hefur lengi þótt
passa vel ofan á grillað brauð. Hjá
Mom ´s Grilled Cheese er þessi
blanda tekin alla leið og hver sam­
loka er með nokkrum tegundum af
osti. Eins og gefur að skilja er þetta
ekkert léttmeti og ferðamaðurinn
heldur því saddur í áframhaldandi
göngu um borgina.
Tandoori ofn í trukknum
Naan brauð og kebab mætast ekki
reglulega á matseðli og hvað þá
í einum og sama réttinum. Hjá
Soho Road Naan Kebab leika þau
sér hins vegar að þessari blöndu
og er brauðið bakað í sérútbúnum
tandoori ofn sem komið hefur verið
fyrir í bílnum. Fínt dæmi um þann
metnað sem ríkir hjá bílakokk­
unum í Vancouver. Vij’s Railway Ex­
press er svo fyrir þá sem vilja naan­
brauð með ósviknum indverskan
mat.
Pylsur með þangi
Auðvitað er líka hægt að fá sér
grillaða pylsu út á götu í Vancouver,
líkt og alls staðar annars staðar í
heiminum. Vinsælasta útgáfan af
þessum klassíska skyndibita þar
í borg er hins vegar sótt til Japan
og er seld úr vögnum merktum
Japadog. Hér er meðlætið sett ofan
á stóra pylsu og flestir toppa réttinn
með vænum skammti af þangi.
Eini gallinn við þessa matar­
trukka er sá að þeir eru sífellt á
Borðað beint úr bílnum
Í hádeginu myndast langar raðir við nokkra trukka í miðborg Vancouver. Hagsýnir túristar
sem vilja fá sér gott að éta ættu að fylgja fordæmi heimamanna og borða á götunni.
Þessum pylsusala þykir ekki leiðinlegt að bjóða aðeins upp á klassískan skyndibita.
Ljósmynd/ Tourism Vancouver/Suzanne Rushton
ferðinni og ekki alltaf hægt að
ganga að þeim sem vísum. Margir
parkera hins vegar við torgið aftan
við Vancouver Art Gallery í mið­
borginni og þar má oftast finna
góðan götumat. Á heimasíðum
staðanna eru alltaf nýuppfærðar
upplýsingar um hvar bílarnir leggja
þann daginn og svo eru nokkur öpp
með þessar háttar upplýsingar á
reiðum höndum.
Icelandair flýgur til Vancou­
ver frá vori og fram á haust og á
Túristi.is má finna vegvísi fyrir
borgina og gera verðsamanburð á
hótelum.
Það eru margir sem vilja fá sér í svanginn við vinsælustu trukkana í Vancouver. Ljós-
mynd/ Tourism Vancouver/Rob Gilbert
Kristján
Sigurjónsson
kristjan@turisti.is
Taco með steiktum þorski að hætti Tacofino. Ljósmynd/ Tourism Vancouver/Rob Gilbert
Photography