Fréttatíminn - 15.08.2014, Blaðsíða 48

Græjaðu
skólann!
Borgartúni 37 / Kaupangi Akureyri / nyherji.is/skolatolvur
Lenovo Yoga 2 13,3”
Verð: 154.900 kr.
Spjald- eða fartölvu?
Sameinaðu kosti beggja
með einni græju.
360
Lenovo G50 15,6”
Verð: 54.900 kr.
Stílhrein námstölva
á frábæru verði.
Lenovo Yoga 10” HD+
Verð: 51.990 kr.
Skærasta stjarnan á svæðinu.
Með innbyggðum standi. 18 klst.
Allt sem námsmaðurinn þarf
Föstudagur
Fyrir utan Hörpu kl. 17,
Samúel Jón Samú-
elsson Big Band.
Budvar svið kl. 20,
Kvartett Andr-
ésar Thor ásamt Ari
Hoenig.
Norðurljós kl. 21, Jim
Black Trio ásamt
Óskari Guðjónssyni.
Budvar svið kl. 22,
Hilmar Jensson
ásamt Ingebrigt
Haaker Flaten.
Laugardagur
Budvar svið kl. 21,
Lady Power.
Budvar svið kl. 23, K
Trio ásamt Valdimar
Guðmundssyni.
Norðurljós kl. 24,
Kvintett Björns
Thoroddsen.
sunnudagur
Kirkja óháða safnaðar-
ins kl. 15, Vernharður
Linnet sjötugur.
Norðurljós kl. 20,
Tómas R. Einarsson
ásamt Sigríði
Thorlacius.
Norðurljós kl. 21.30,
Richard Anderson,
Andreas Fryland
ásamt Aron Parks.
Norðurljós kl. 23,
Kvartett Snorra
Sigurðarsonar.
Mánudagur
Budvar svið kl. 20,
Sunna Gunnlaugs
Trio.
Budvar svið kl. 22,
Aurora Quartet.
Þriðjudagur
Norðurljós kl. 20, Arve
Henriksen, Skúli
Sverris og Hilmar
Jensson.
Norðurljós kl. 22,
Sigurður Flosason og
Copenhagen Quartet.
Miðvikudagur
Eldborg kl. 19.30,
Adam Baldych
Imaginary Quartet.
Eldborg kl. 22.30,
ADHD.
 TónlisT sunna GunnlauGsdóTTir Treður upp á djassháTíð í reykjavík
Konur fá harðari gagnrýni
en karlar í djassinum
Sunna Gunnlaugsdóttir djasspíanóleikari er kona sem lifir í karlaheimi. Djassiðnaðurinn hefur í
áranna rás verið mótaður af körlum, en þó hafa konurnar alltaf kvatt sér hljóðs á hverju ári en
oftast sem söngkonur. Konur sem leika á hljóðfæri í djassinum eru ekki á hverju strái en það
hefur aldrei stöðvað Sunnu til þess að vinna í list sinni. Á síðustu 17 árum hefur hún gefið út 8
plötur í sínu nafni og ferðast um heiminn til þess að spila sína eigin músík. Sunna mun leika á
Djasshátíð Reykjavíkur mánudaginn 18. ágúst í Hörpu.
Sunna Gunnlaugsdóttir hefur aldrei pælt í því að vera kona í karlaheimi. Ljósmynd/Hari
s unna lærði á píanó í FÍH og fór í nám til Bandaríkjanna árið 1993. „Ég kláraði ekki
FÍH heldur fór bara beint út. Fór í
nám í New York og bjó þar til ársins
2005, þá var ég bara búin að fá nóg
og okkur langaði í meira öryggi.
Okkur langaði að eignast börn og
koma okkur fyrir segir Sunna og
talar þar um sig og eiginmann sinn,
Bandaríkjamanninn Scott McLe-
more djasstrommuleikara. Við
vorum þreytt á að vera í pínulítilli
íbúð og geta lítið gert. Við fórum
bara að horfa til framtíðar og vild-
um meiri lífsgæði en voru í boði á
Manhattan. Scott hafði aldrei neinn
sérstakan áhuga á því að vera í New
York svo hann var mjög opinn fyrir
því að koma heim. Það var bara ég
sem vildi vera þar,“ segir Sunna.
Hvernig datt ungri konu það í hug
að leggja fyrir sig djasspíanóleik?
„Ég bara skil það ekki,“ segir
Sunna kímin. „Þetta æxlaðist bara
þannig að ég kláraði MR og hélt
að ég væri að fara í verkfræði, svo
fannst mér það bara ekki nógu
spennandi. Lengi vel vissi ég ekk-
ert hvað ég ætlaði að gera, ég hélt
aldrei að tónlistin yrði mín atvinna.
Mér fannst ég alltaf vera ein, var
lengi vel eina stelpan í FÍH fyrir
utan nokkrar söngkonur, en þær
voru miklu færri en þær eru í dag.
Svo bara fann ég að þetta var málið.
Mozart höfðaði illa til mín og ég
gafst alltaf upp og djassinn greip
mig bara. Mér fannst djassinn svo
ferlega kúl. Ég hlustaði mikið á
Earth Wind and Fire og Kool and
the gang og fór að pæla í því hverjir
voru að spila þessa músík og upp-
götvaði þá Quincy Jones og Herbie
Hancock og hef ekki snúið til baka.“
dómharður heimur
Þurfa konur að hafa meira fyrir því
að sanna sig í þessum heimi, eða er
þeim tekið með opnum örmum?
„Ég veit ekki hvort ég hef endi-
lega þurft að sanna mig beint. Ég
held stundum að konur fái harðari
gagnrýni. Það vekur eftirtekt þegar
stúlka stígur á svið og klúðrar ein-
hverju, þá segja einhverjir „stelpa
sem getur ekki neitt,“ og er dæmd
fyrir það á meðan einhver strákur
kemur og getur ekki neitt, þá er
hann bara einn af þeim sem getur
ekki neitt. Þeir eru miklu fleiri
sem er ekki óvenjulegt. Stelpur
eru meira hikandi að láta vaða. Ég
velti þessu ekki mikið fyrir mér, ég
reyndi bara að koma mér á framfæri
og var bara lengi vel ómeðvituð um
kynjahlutfallið. Í Skandinavíu er
mest jafnrétti hvað þetta varðar svo
ég fattaði þetta ekki strax. Kannski
hjálpaði það til að maður er ákveðin
íslensk kona og þá smitar það út frá
sér.“
Undanfarin 3 ár hefur Sunna
haldið úti tríói ásamt Scott manni
sínum og kontrabassaleikaranum
Þorgrími Jónssyni og gefið út tvær
plötur með þeim. Þessum plötum
hefur verið tekið gríðarlega vel um
allan heim og tríóið verið iðið að
ferðast.
„Það hefur gengið ágætlega. Við
héldum 10 tónleika í Bandaríkjun-
um í sumar og förum um Evrópu í
vetur og næsta sumar. Það er ákveð-
in galli við Bandaríkin hvað þau eru
stór og maður nær ekki að spila eins
mikið og maður vildi sökum þess
hve mikill tími fer í ferðalög.
Þetta er allt á mínum vegum, á
minni kennitölu og mín útgerð. Það
getur verið mjög stressandi og ég
var oft mjög uggandi því þetta er
mikil áhætta, en þetta gekk allt upp
og þá er gaman.“
Tríó Sunnu spilar á Djasshátíð
Reykjavíkur um helgina og á efnis-
skránni eru lög af síðustu tveimur
plötum. „Við erum að undirbúa
þriðju plötuna og munum spila nýtt
efni á þessum tónleikum. Við tök-
um hana vonandi upp á þessu ári.“
Ertu alltaf að, er alltaf sköpun í
gangi? „Já, ef ég fæ næði þá kemur
alltaf eitthvað. Það er bara stundum
erfitt að fá næði,“ segir Sunna, en
þau Scott eiga tvö börn.
Tveir flyglar, tvær konur
Fram undan hjá Sunnu eru ýmis-
konar verkefni. Meðal annars stórir
tónleikar í Berlín í september.
„Þetta eru tónleikar með mér og
þýska djasspíanistanum Juliu Huls-
mann. Við verðum bara tvær á
sviðinu með tvo flygla. Tvær konur
að spila djass,“ segir Sunna sposk.
„Svo er ég að fara að hljóðrita með
Hollendingnum Marten Ornstein
sem ég spilaði með í Amsterdam í
vor svo það er margt fram undan.“
Sunna hlakkar til að spila á
djasshátíð og segir djassinn á Ís-
landi koma í bylgjum. „Það sem
djassinn hér vantar er heimavöllur.
Við erum svo ólík og svo mikið að
gerast og það vantar fleiri staði
fyrir alla þá flóru sem er í gangi.
Þetta er þó alltaf að batna og mikið
líf í íslenskum djössurum.“
Hannes Friðbjarnarson
hannes@frettatiminn.is
Hvað ber hæst á Djasshátíð Reykjavíkur í Hörpu dagana 15.-20. ágúst
48 menning Helgin 15.-17. ágúst 2014