Fréttatíminn - 17.10.2014, Blaðsíða 18

Laugavegi 174 | Sími 590 5040
Opið virka daga frá kl. 10-18
og laugardaga kl. 12-16
Kíkið inná:
heklanotadirbilar.is
GÓÐIR, NÝLEGIR,
TRAUSTIR
GÆÐABÍLAR
Á GÓÐU VERÐI
VW Polo Comfl. 1.4 85 hö
Árgerð 2013, bensín
Ekinn 41.000 km, sjálfskiptur
Hyundai i30 Comfort Wagon
Árgerð 2009, bensín
Ekinn 88.000 km, sjálfskiptur
VW Tiguan Track&Sport
2.0 TDI. Árgerð 2012, dísil
Ekinn 48.500 km, sjálfskiptur
Ásett verð: 2.490.000
Ásett verð: 2.190.000
Ásett verð: 4.990.000
Skoda Rapid Amb. 1.2
105 hö. Árgerð 2013, bensín
Ekinn 39.000 km, beinskiptur
Ásett verð: 2.690.000
Skoda Superb Combi TDI
140 hö. Árgerð 2012, dísil
Ekinn 98.000 km, sjálfskiptur
Komdu og
skoðaðu úrvalið!
Kia Cee'd EX 1.6 New
Árgerð 2013, dísil
Ekinn 19.600 km, sjálfskiptur
Ásett verð: 3.690.000
Audi A4 2.0 TDI 6 gíra
Árgerð 2011, dísil
Ekinn 60.000 km, beinskiptur
Ásett verð: 3.890.000
VW Golf Trendline 1.6 TDI
Árgerð 2011, dísil
Ekinn 86.000 km, beinskiptur
Ásett verð: 2.390.000
VW Passat Comfort 1.6 TDI
DSG. Árgerð 2012, dísil
Ekinn 42.000 km, sjálfskiptur
Ásett verð: 4.150.000
Ásett verð: 3.570.000
Toyota Aygo Terra
Árgerð 2013, bensín
Ekinn 14.000 km, beinskiptur
Ásett verð: 1.790.000
Ég vildi ekki bera áfram smit-
sjúkdóminn ofbeldi. Ég hef aldrei
meitt son minn eða neitt slíkt. Ég
hef alltaf hugsað að hann eigi að
búa við frelsi en þurfi líka á pabba
sínum að halda. Honum var þó
enginn greiði gerður með því að
hafa pabba sinn veikan.“
Hugmyndafræðin sem hann
varpar fram í bókinni hafði verið
að gerjast með honum í nokk-
urn tíma áður en hann byrjaði að
skrifa, í apríl á síðasta ári. Hann
sagði þá upp öruggri vinnu og
lagðist í að rústa lífi sínu. „Ef ég
væri í atvinnuviðtali og sendi þér
ferilskrána mína hefði allt hljómað
mjög vel út frá brengluðum sið-
gæðis- og velferðarstöðlum sam-
félagsins þar sem það skiptir máli í
hvernig jakka þú gengur og hvaða
tegund af marmelaði er í ísskápn-
um. Ég var með góð laun, eitt-
hvað af skuldum, hafði átt fallegar
kærustur en var líka umdeildur því
ég hef alltaf verið með aðra sýn á
lífið og óhræddur við að prófa mig
áfram þegar kemur að viðbrögðum
samfélagsins. Almennt hafði ég
það mjög gott en samt hafði ég það
alls ekki gott.“
Í leit að eigin kjarna ákvað hann
að fjarlægja sig frá öllu því sem
hafði veitt honum öryggi og gera
aðstæður sínar sem allra verstar.
Hann flutti um tíma til Leipzig í
Þýskalandi þar sem hann, staur-
blankur, fékk að gista hjá vini
sínum. Sævar neytti einnig ótæpi-
lega af hugarbreytandi fíkniefnum
á meðan hann var að skrifa bókina
en hann var í mikilli neyslu sem
unglingur. „Ég flutti að heiman 15
ára gamall og fór í mikla fíkniefna-
neyslu. Ég ætlaði alltaf að snúa
aftur og drepa stjúpa minn en það
var öllum hlutaðeigandi að happi
að ég var of dópaður til að gera
nokkuð úr því.“
Árin liðu þar sem Sævar var
í vímu og því fannst honum
nauðsynlegt að neyta fíkniefna
til að rifja þessa tíma upp á sem
raunverulegastan hátt. „Hlutverk
penna er ekki að mynda skoðanir
eða varpa fram heilögum sann-
leika. Það sem pennar og rithöf-
undar gera er að segja sögu. Þú
þarft að brjótast eins mikið og
þú getur frá hugmyndum þínum
um sjálfan þig til að komast að
kjarnanum. Aðeins þannig getur
myndin sem þú dregur upp í huga
lesenda orðið sem næst því að vera
í þessum sporum í alvörunni. Þér
á að líða eins og mér leið þegar ég
upplifði þessa hluti þegar þú lest
bókina. Bókin fjallar að hluta um
ævi mína sem vímuefnanotandi
þar sem ég var bókstaflega í sjálfs-
morðsleiðangri. Ég skal alveg
viðurkenna að þessi skipulagði
botn var ekkert í samanburði við
þann raunverulega.“
Hann gerir sér grein fyrir að
hann er að gefa færi á sér með
því að segjast hafa verið undir
áhrifum vímuefna við skrifin. „Ég
ætla ekki að réttlæta þetta fyrir
neinum. Þetta er eitthvað sem ég
gerði og það virkaði,“ segir Sævar
en hann hefur verið edrú frá því
síðasti kaflinn var skrifaður. „Auð-
vitað. Ég hef verið edrú síðan. Það
var alltaf planið.“
Smitsjúkdómurinn ofbeldi
Sævar fór í meðferð eftir mikla
neyslu unglingsáranna, varð edrú
og gaf út rappplötu.
Það var þá sem hann
varð þekktur undir
nafninu Poetrix en
meðal annars gaf
hann út lagið „Vegur-
inn til glötunar“ með
Bubba Morthens.
Sævar segist ekki
hafa náð að finna
réttu röddina í rapp-
inu, en það taki ef
til við eftir bókina.
Á næstu árum ætli
hann samt að ein-
beita sér að skrifum.
„Ég ætlaði alltaf að
verða rithöfundur og
skrifaði sögur sem
barn. Ég man eftir
einni sem ég skrifaði
um dreng sem fluttist
með fjölskyldu sinni
frá Noregi á land-
námstímanum, bar-
áttu hans við vonda
menn á skipinu
hingað og lífsbaráttu
í nýju landi. Ég er
hrifinn af þessu list-
formi og ætla að þróa mig áfram á
þessu sviði.
Hann er í engu sambandi við
móður sína og stjúpa en segist
í raun ekki bera kala til þeirra.
„Hvernig get ég borið kala til
þeirra eftir allt sem ég hef gert
sjálfur? Ég held að þau hafi verið
svo afskaplega þjáð að þau hafi
ekki haft stjórn á gjörðum sínum.
Ég held að þau hafi réttlætt þetta
fyrir sér og séð alls konar púka
og djöfla sem voru ekki til staðar.
Það er enginn vondur að upplagi
heldur förum við að búa til vont í
kringum okkur til að við getum
séð okkur sem góð. Ofbeldi smit-
ast og heilu kynslóðirnar smitast
af ofbeldi, vanlíðan og geðveiki.“
Sævar segist hafa frétt af því að
undanfarin ár hafi móðir hans
reynt að snúa til baka. „Hún segist
stundum vera full af eftirsjá og
ég vona að hún hafi lagt af stað í
þann slag að snúa til baka. Þó ég
kalli hana ekki móður mína væri
ég stoltur af slíkri breytingu. Ef
hún ætlar sér alla leið til baka er
mikilvægt að hún mæti ekki út-
skúfun því það er ýmislegt sem
fólk eins og hún gæti kennt þessu
samfélagi.“
Spurður hvort hann sé trúaður
hefur Sævar einfalt svar: „Við
erum öll trúuð, það er bara mis-
munandi hvað við köllum það sem
við trúum á. Fyrir sumum er rækt-
in guð en þeir kalla hana það samt
ekki. Trú er bara orð og orð eru
merkjakerfi sem við notum til að
sýna öðrum hvað við trúum á. Við
höfum öll skilgreint hvað okkur
þykir heilagt og hvað ekki. Ég trúi
því að það sé enginn endanlegur
sannleikur. Það eina sem skiptir
máli er að meiða ekki.“
Erla Hlynsdóttir
erla@frettatiminn.is
Sævar Poetrix lítur á ofbeldi
sem smitsjúkdóm sem geti
lagt heilu kynslóðirnar ef ekki
er gripið inn í. Hann lagðist í
algjört uppgjör á lífi sínu í því
skyni að frelsa sig. Mynd/Hari
Helgin 17.-19. október 2014