Fréttatíminn - 17.10.2014, Blaðsíða 30

NEW YORK’S
FUNNIEST
RICKY VELEZ · JAMES ADOMIA
N
ANDREW SCHULZ
KERRY GODLIMAN
HANNAH ÚR GAMAN-
ÞÁTTUNUM DEREK
BBC PRESENTS:
BEST OF FEST
ROB DEERING · HARRIET KEMSLEY 
JOEL DOMMETT · SEAN MCLOUGHLIN
JIM BREUER
EINN AF 100 BESTU Í HEIMI,
SAMKVÆMT COMEDY CENTRAL
STEPHEN MERCHANT
MEÐHÖFUNDUR THE OFFICE
ÁSAMT F YNDNASTA FÓLKI ÍSL ANDS
ARI ELDJÁRN · DÓRI DNA · SAGA GARÐARS · ÞORSTEINN GUÐMUNDSSON
MIÐASALA Í FULLUM GANGI!
WWW.RCF.IS OG WWW.SENA.IS/RCF
MIÐASALA Á MIÐI.IS, HARPA.IS, Í MIÐASÖLU HÖRPU OG Í SÍMA 528-5050
LÉTTÖL
ALÞJÓÐLEG GRÍNHÁTÍÐ Á HEIMSMÆLIKVARÐA 24. - 26. OKTÓBER Í HÖRPU
Þ
að er sérstaður í helvíti fyrir þá sem misnota sameiginleg
svæði eins og almenningsgarða, klósett og útivistarsvæði.
Hundaeigendur sem taka ekki upp saur gæludýra sinna eiga
svo sérstað inni á sérstaðnum þarna niðri. Þeir hins vegar sem
eiga sérmerkta stóla við háborðið við hliðina á skrattanum eru
svo þeir sem fokka í sameiginlegum hlutum á líkamræktarstöðum. Hér
eru boðorðin tíu til að reyna að forðast þetta sérstaka svæði í neðra. Flest
þeirra eiga líka við um sundferðir. Og já, sorrí, þetta eru aðallega reglur
fyrir karlmenn. Greinarhöfundur þekkir ekki til í kvennaklefanum eða
til kvenna yfir höfuð sem þurfa að kynna sér þessar reglur sérstaklega.
1. Ekki þurrka pungsekkinn og eða rassinn með sameiginlegri hár-
þurrku í sundi eða á líkamsræktarstöðvunum. Sköllóttir eldri herra-
menn með loðna búka þurfa annað hvort að mæta með sína eigin
þurrku eða kaupa betra handklæði.
Þetta er ekki PUNGÞURRKA!
2. Ekki henda tyggjóinu þínu í vatnshanann, á sturtugólfið,
klessa því undir bekk eða annarstaðar þar sem er ekki er
ruslafata. Það vill enginn fá tyggjóið þitt, þó smá bragð hafi
verið eftir af því.
3. Handklæðin sem þú færð í boði hússins, þessi til að þurrka
svitann af enninu og tækjunum eftir notkun, eru ekki til að: a)
þerra á þér punginn, b) standa á í klefanum og þurrka á þér
tærnar og þau eru svo sannarlega ekki, c) til að setjast á með
berann bossann á bekkinn. Farðu í brókina.
4. Sturta eftir æfingu er góð hugmynd og í raun alveg nauð-
synleg til að vera ekki illa lyktandi. En ekki mæta í sturtuna og
standa við hliðina á næsta manni og skvetta eftirbununni (það
sem skvettist af þínum sveitta líkama) yfir á næsta mann. Helst
skal nota aðra hverja sturtu sé það möguleiki eða láta einfaldlega
eftirbununa skvettast á vegginn fyrir aftan.
5. Ekki pissa í sturtunni, ekki einu sinni til að spara vatn. Það get-
ur verið freistandi að láta vaða og einstaka sinnum ef þú ert aleinn í
klefanum getur verið ótrúlega frelsandi að láta það eftir sér og þá er
líka eins gott að þú sért með niðurfall.
6. Rakstur hvurskonar á ekki endilega heima í sameiginlegu rými. Kall-
ar að raka á sér skallann er eitthvað sem ætti helst að fara fram innan
veggja heimilisins en ef það er ekki í boði þarf að passa að allt fari í vask-
inn og svo að þarf að skola þessu öllu niður og þrífa þennan sama vask.
Hvað punghárasnyrtingu varðar – ekki raka á þér punginn í gymminu.
7. Ekki hrækja í sturtu, ekki hrækja í vatnshanann, ekki hrækja í vask-
inn og ekki hrækja í ruslafötur. Hræktu í klósettið.
8. Þurrkaðu af tækjunum þegar þú klárar sveitt sessjón. Það gerir
kannski ekki mikið, svona heilsufarslega en fyrir næsta mann, að þurfa
ekki að grípa í sveitt handföng eða setjast á rassblautt sætið, gerir það
heilmikið.
9. Ekki vera gæinn sem skilur æfingatöskuna eftir á bekknum á meðan
farið er í sturtu. Það þurfa aðrir að nota þessa bekki. Svo á ekki að færa
töskur annara sem eru opnar og augljóslega í notkun bara af því að end-
inn á bekknum er besta svæðið og þú vilt vera þar.
10. Hugsaðu vel um tærnar. Þær þarf að þurrka vandlega svo það byrji
ekki að vaxa á þeim sveppir. Ekki vera sveppagæinn í sturtunni og ef þú
ert sveppagæinn, farðu þá í sturtuskó. Það vill enginn fá þessa sveppi
þína og haltu tánum á þér frá sameiginlega hárblásaranum.
Haraldur Jónasson
hari@frettatiminn.is
Þetta er ekki
pungþurrka
Hárblásararnir eru
þarna til að blása hár
og svona á að gera það.
Þegar á að blása er rúlluburs-
tinn (já það þarf rúllubursta) settur
inn í lubbann og blásið utan um burstann u.þ.b. tvo
þriðju úr hring. Halda hitanum á í smá stund. Fjarlægja
svo blásarann en halda burstanum á sínum stað í nokkr-
ar sekúndur á meðan hárið kólnar. Þá helst sveigjan.
Passa bara að ganga ekki of langt. Til að enda ekki eins
og gömul kona með vel túperað fjólublátt hár.
Að blæstri loknum er um að gera að strjúka geli, vaxi,
eða blöndu beggja í allt hárið og muna eftir hnakkanum
líka. Gott að fara svo í lokin aðeins yfir kollinn með
blásarann á kaldasta. Svona til að losna við þetta ný-
greidda lúkk.
Blásturinn
30 líkamsrækt Helgin 17.-19. október 2014