Fréttatíminn - 20.06.2014, Blaðsíða 62

Sjónvarpskonan
Rikka er klár í
slaginn fyrir WOW
Cyclothon í næstu
viku. Hún hjólar á
Specialized-hjóli
sem bóndi hennar,
Skúli Mogensen,
gaf henni í jólagjöf.
Ljósmynd/Hari
 TónlisT sönghópurinn Olga leggur í Tónleikaferðalag um ísland
Allar Olgur landsins fá boðskort á tónleika
Á næstu dögum leggur Sönghópurinn Olga af stað í tónleikaferðalag
um Ísland. Á dögunum sendu
þeir öllum Olgum landsins boðs-
kort á tónleikana og vonast til
að sem flestar þiggi boðið. Í
fyrra gerðu þeir það sama og þá
mættu tæplega þrjátíu Olgur.
„Tónleikaferðalagið okkar
síðasta sumar gekk mjög vel
og fengum við góðar undir-
tektir áheyrenda. Margar Olgur
létu sjá sig en við viljum gera
enn betur í sumar,“ segir Pétur
Oddbergur, einn söngvaranna í
hópnum.
Sönghópinn Olgu skipa fimm
söngvarar sem allir leggja stund
á klassískt söngnám við Tónlist-
arháskólann í Utrecth í Hollandi
og njóta þar leiðsagnar Ólafs-
firðingsins Jóns Þorsteinssonar,
prófessors í söng. Nú í vetur
stóð sönghópurinn fyrir hóp-
fjármögnun á vefnum Karolina
Fund sem gekk vonum framar.
„Eftir gott gengi við fjármögn-
unina gátum við unnið að geisla-
disk sem kemur út á næstu dög-
um. Svo flytjum við með okkur
kvikmyndatökumann til Íslands
til að dokúmentera ferðina.“
Tónleikarnir verða víða um
land og á tónleikum í Langholts-
kirkju þann 1. júlí mun Söng-
hópurinn Elfur koma fram með
Olgu. Elfur er skipaður sex
menntuðum söngkonum og að
sjálfsögðu er öllum sem bera
nafnið Elfur boðið frítt á þá
tónleika.
Dagný Hulda Erlendsdóttir
dagnyhulda@frettatiminn.is
 hjólreiðar um 500 manns hafa skrÁð sig í WOW CyClOThOn
Rikka hjólar hringinn
á jólagjöfinni frá Skúla
Hin árlega
hjólreiða-
keppni WOW
Cyclothon fer
fram í næstu
viku, dagana
24.-27. júní.
Hjólað er
kringum landið
og hvert lið
eða keppandi
getur safnað
áheitum til
góðs málefnis.
Í ár er safnað
fyrir bækl-
unarskurðdeild
Landspítalans.
Sjónvarps-
konan Rikka
keppir fyrir
Stöð 2 á hjóli
sem Skúli
Mogensen,
maður hennar,
gaf henni í
jólagjöf.
V ið erum búin að vera að æfa okkur í vetur, mismikið en búin að stefna að þessu
í svolítinn tíma. Sumir frá því síð-
asta sumar og aðrir skemur,“ segir
sjónvarpskonan Friðrikka Hjördís
Geirsdóttir eða Rikka sem er til í
slaginn.
Rikka er í liði Stöðvar 2 í hjól-
reiðakeppninni WOW Cyclothon í
næstu viku. „Hópurinn samanstend-
ur af fólki sem er mis-vant hjólreið-
um, sumir mjög vanir og aðrir sem
höfðu varla stigið á hjól fyrr en við
fórum að undirbúa þátttökuna. Ekk-
ert okkar hefur tekið þátt í svona
keppni áður.“
Í liðinu eru tíu starfsmenn stöðv-
arinnar, þar á meðal fréttafólkið
Thelma Tómasson, Lóa Pind Al-
dísardóttir og Þorbjörn Þórðarson.
„Við höfum sýnt alveg ótrúlegar
framfarir í undirbúningnum, og
erum öll mjög spennt. Svo hefur
þetta líka svo góð áhrif á fyrirtækið
í heild og samstarfsfólkið sýnir okk-
ur mikinn stuðning.“
Fatnaður skiptir gríðarlega miklu
máli þegar haldið er í hjólatúr sem
þennan. „Fötin verða að henta.
Veðráttan á Íslandi er síbreytileg og
mikil óvissa um það sem maður get-
ur lent í á þremur dögum. En það er
nauðsynlegt að líta vel út, ef maður
klikkar þá getur maður allavegana
huggað sig við það að hafa „lúkk-
að“ vel,“ segir Rikka. Liðið verður
í sérmerktum klæðnaði sem feng-
inn var frá versluninni Fjallakofan-
um. „Þetta er mjög smart fatnaður,
strákarnir verða í rauðum jökkum
og stelpurnar í bláum.“
Í svona keppni skiptir hjólið gríð-
arlega miklu máli og er allur hópur-
inn vel græjaður. En á hvernig hjóli
er Rikka? „Ég er á mjög fínu Spe-
cialized hjóli sem maðurinn minn
gaf mér í jólagjöf um síðustu jól. Ég
fékk það að vísu ekki afhent fyrr
en í mars, og við runnum saman á
fyrsta deiti. Síðan þá höfum við ver-
ið óaðskiljanleg, ég og hjólið það er
að segja,“ segir Rikka sem er meira
en til í verkefnið. „Tilhlökkunin er
gríðarleg.“
Þátttakan í hjólreiðakeppninni
hefur farið fram úr björtustu von-
um og eru um 500 manns búnir að
skrá sig til leiks. Bæði einstaklingar
og lið.
Hannes Friðbjarnarson
hannes@frettatiminn.is
TónlEikar Olgu í sumar
Eru EFTirFaranDi:
Fim. 26. júní kl. 20 í Tjarnar-
borg á Ólafsfirði.
Sun. 29. júní kl. 20 í Hvolnum
á Hvolsvelli.
Þri. 1. júlí kl. 20 í Langholts-
kirkju í Reykjavík. Söng-
hópurinn Elfur kemur þá
einnig fram.
Mið. 2. júlí kl. 20.30 í Bláu
kirkjunni. Þeir tónleikar eru
hluti af sumartónleikaröð
Bláu kirkjunnar.
Fös. 4. júlí kl. 20 í Hafnar-
kirkju á Höfn í Hornafirði.
Nánari upplýsingar um
Sönghópinn Olgu má nálgast á
heimasíðu hópsins,
www.olgavocalensemble.com.
Sönghópinn Olgu skipa þeir Jonathan Ploeg, Philip Barkhudarov, Gulian van
Nierop, Pétur Oddbergur Heimisson og Bjarni Guðmundsson. Nú í sumar kemur
hópurinn fram á nokkrum tónleikum hér á landi. Ljósmynd/Felipe Pipi
SKÓLANEMAR: 25% AFSLÁTTUR GEGN FRAMVÍSUN SKÍRTEINIS!
MEÐ STUÐNINGI REYKJAVÍKURBORGAR & KVIKMYNDAMIÐSTÖÐVAR ÍSLANDS - MIÐASALA: 412 7711
HM Í FÓTBOLTA
Í BEINNI Í BÍÓ PARADÍS
FRÍTT INN
 lisT heilaþVOTTur ThOru karlsdóTTur
Hreinn heili, betri heili
Undanfarna viku hefur óvenjuleg
sjón blasað við vegfarendum um
Listagilið á Akureyri, þvottavél
úti á gangstétt með yfirskriftinni
„Ókeypis heilaþvottur.“ Það er
listakonan Thora Karlsdóttir
sem ber ábyrgð á þvottavélinni
en Thora var að flytja inn í nýja
lifandi vinnustofu við Kaupvangs-
stræti þar sem hún hefur einnig
opnað gallerí í forstofunni sem
hún kallar einfaldlega Forstofu-
gallerí.
Hún segir þvottavélina hafa
vakið mikla kátínu og fjölmargir
hafi nýtt sér ókeypis heilaþvott.
En hvers konar heilaþvottur er
þetta? „Þetta er öðruvísi heila-
þvottur en þér dettur fyrst í hug.
Hér býð ég fólki beinlínis að þvo
heilann þannig að hugsanirnar
verði hreinni og fallegri,“ segir
Thora. Hún bendir á að fólk þvær
fötin sín og þvær híbýli sín en
ekki sé síður mikilvægt að þvo
heilann. „Það verður allt svo
mikið skýrara þegar heilinn er
hreinn.“
Thora er borin og barnfædd
á Akureyri en er nýflutt heim
eftir 20 ára búsetu erlendis.
Þegar hún flutti út byrjaði hún
að skrifa nafið sitt, Þóra, með
„Th“ til að gera það aðgengi-
legra fyrir útlendinga. Eftir
tvo áratugi sem Thora hélt hún
ósjálfrátt áfram að skrifa það
þannig þegar til Íslands var
komið. „Sumir voru þá að finna
að því að ég skrifaði nafnið mitt
með Th þannig að ég ákvað bara
að fara að gera það gagngert.
Það er engin önnur Thora Karls-
dóttir,“ segir hún.
Síðustu árin hefur Thora verið
búsett í Lúxemborg en þar hélt
hún sína fyrstu einkasýningu
árið 2007. Þá hefur hún einnig
sýnt í Þýskalandi og Austurríki.
Hún segir gaman að vera kom-
in aftur heim og er í fullu starfi
á vinnustofunni. „Ég er yfirleitt
hér þannig að það er alltaf hægt
að kíkja við. Yfirleitt er ég þar að
vinna að næstu sýningu eða öðr-
um verkefnum,“ segir hún. -eh
Listakonan Thora Karlsdóttir hefur að undanförnu boðið veg-
farendum um Listagilið á Akureyri upp á ókeypis heilaþvott.
62 dægurmál Helgin 20.-22. júní 2014