Frjáls verslun - 01.09.2013, Qupperneq 18

18 FRJÁLS VERSLUN 8-9. 2013
www.A4.is / sími 580 0000 / sala@a4.is
A4 Skeifunni 17 / A4 Smáratorgi 1 / A4 Reykjavíkurvegi 62, Hafnarfirði
A4 Dalsbraut 1, Akureyri / A4 Miðvangi 13, Egilsstöðum / A4 Austurvegi 65, Selfossi
Fyrirtækjaþjónusta A4 býður mikið úrval skrifstofuvara.
Við leggjum áherslu á góða og trausta þjónustu við
við skiptavini og erum stolt af því að geta boðið upp
á heimsþekkt vörumerki á góðu verði, sem eiga það
sameiginlegt að vera öll í háum gæðaflokki.

Þú færð ýtarlegar upplýsingar um vöruúrvalið og pant-
ar vörur í nýrri vefverslun okkar á A4.is.

Pöntunum sem berast af höfuðborgarsvæðinu fyrir
kl. 11.00 að morgni er ekið út samdægurs, annars
næsta virka dag.
GÆÐI Á GÓÐU VERÐI!
indra nooyi
framan í þig. Hún sagði hins vegar að besti
árangurinn næðist í stjórnun með því að ala
á bjartsýni: „Bjartsýni býr til bjartsýni.“
Henni varð tíðrætt um samfélagslega
ábyrgð og sagði að PepsiCo legði áherslu á
hollari drykki og snakk en áður. Hún nefndi
minni olíueyðslu við dreifingu og út keyrslu
á vörum fyrirtækisins og að langtum minna
plast væri notað í umbúðir en áður. Sam­
félagsleg ábyrgð fyrirtækja snýst um fram­
lag þeirra til samfélagsins umfram skyldur.
Hún nefndi þrjú atriði sem hún vildi að
fundar menn hefðu ofarlega í huga þegar
þeir færu af fundinum. Eitt: Að horfa til langs
tíma við rekstur fyrirtækja. Tvö: Að stjórnendur
fyrirtækja séu sýnilegir í þjóð félagsumræðu.
Þrjú: Að stjórna með hjartahlýju og bjartsýni
því bjartsýni leiði til meiri bjartsýni.
Fer ótroðnar slóðir
Í erlendum tímaritum hefur komið fram
að Indra fetaði ótroðnar slóðir og stofnaði
meðal annars rokkhljómsveit á námsár­
un um, nokkuð sem ekki var alvanalegt að
stelp ur gerðu á þessum árum á Indlandi.
Að námi loknu á Indlandi fékk hún leyfi
foreldra sinna til að fara til náms í Banda­
ríkjunum þrátt fyrir að slíkt teldist hafa
neikvæð áhrif á möguleika hennar til að
giftast á Indlandi. Það kom ekki að sök því
Indra fór aldrei til baka til Indlands heldur
hóf farsælan starfsferil í Bandaríkjunum.
Það hefur ennfremur komið fram í umfjöll­
un tímarita um hana að sumir samstarfs­
manna hennar segja gildi hennar og
stjórn unarstíl mótast af uppruna hennar, en
hún þykir vinnusöm og drífandi, heiðarleg,
útsjónarsöm og með sterka framtíðarsýn.
Hún á auðvelt með að fylkja starfsfólki sínu
að baki sýninni. Nánustu samstarfsmenn
hennar lýsa henni sem hlýrri og umhyggju­
samri. Hún á ekki í neinum vandræðum
með að taka erfiðar ákvarðanir og er
gríðar lega harður samningamaður en hún
hefur leitt fjölda samruna og yfirtökur fyrir
PepsiCo. Hún gerir einnig miklar kröfur
til starfsmanna sinna og þrýstir á fólk þar
til það leysir vandamálin, hún sættir sig
ekki við svör eins og „það er ekki hægt“
eða „ég veit það ekki“. Besta ráð sem hún
hefur fengið segir hún frá föður sínum um
að trúa á það góða í fólki; allir hafi góðan
ásetning og hlýtt hjartalag. Þannig segist
hún nálgast öll viðfangsefni sín með góðum
árangri.
Áður en Nooyi for til náms í Banda ­ríkjun um lauk hún BS­gráðu frá Madras Christian College og MBA­
gráðu frá Indian Institute of Management
í Kalkútta. Eftir að hafa starfað um stutt
skeið á Indlandi fyrir Johnson & Johnson
fékk hún innöngu í Yale og lauk þaðan
meistaranámi í stjórnun bæði á opinberum
vettvangi og í einkageiranum. Nooyi bjó við
nauman kost á námsárunum þrátt fyrir að
njóta styrks frá Yale. Sagan segir að þegar
hún fór í atvinnuviðtalið sem færði henni
fyrsta starfið í Bandaríkjunum hafi hún farið
í sari, hefðbundnum indversk um klæðnaði,
þar sem hún átti ekki fyrir dragt eða öðrum
viðeigandi fötum. Það kom þó ekki að
sök því hún fékk starfið, ráð gjafastöðu hjá
Boston Consulting Group. Þaðan lá leiðin
í framkvæmdastjórastöðu hjá Motorola
og svo í iðnfyrirtækið Asea Brown Boveri,
þar sem hún bar ábyrgð á stefnumótun
á markaðssviði. Frá ABB lá leið in til Pepsi
árið 1994 en þar hefur hún starfað síðan og
haft mikil áhrif á mótun stefnu fyrirtækisins frá
upp hafi starfa sinna þar.
Árin hjá Pepsi
Í þau nítjan ár sem Nooyi hefur starfað hjá
PepsiCo hefur hún gegnt nokkrum störfum.
Fyrstu árin bar hún ábyrgð á stefnumótun
ásamt samrunum og yfirtökum. Hún var
m.a. lykilmanneskja í yfirtökum á Quaker
og Tropicana sem mörkuðu tímamót í þróun
fyrirtækisins í átt til hollari valkosta. Strax
á þessum fyrstu árum fór að mótast sýn
hennar á fyrirtækið sem kristallast í dag í
stefnunni „Performance with Purpose“. Haft
er eftir Nooyi að hún hafi aldrei stefnt á þá
stöðu sem hún gegnir í dag heldur hafi hún
einbeitt sér að því að gera vel í því starfi
sem hún gegnir hverju sinni. Það hefur án
efa átt stóran þátt í velgengni hennar innan
fyrirtækisins en strax á fyrstu árum var ljóst
að hún myndi ná langt. Árið 2001 tók hún
við sem framkvæmdastjóri fjármála Pepsi­
Co þar sem hún bar ábyrgð á fjármálum,
stefnumótun, hagræðingu ferla, nýsköpun,
öflun aðfanga, samskiptum við fjárfesta og
upplýsingatækni. Sama ár tók hún sæti í
stjórn fyrirtækisins. Það var svo árið 2006
sem hún settist í forstjórastólinn og árið
2007 tók hún sæti stjórnarformanns.
Indra Nooyi, forstjóri PepsiCo, á sviðinu í Þjóðleikhúsinu ásamt Höllu Tómasdóttur spyrli og Andra Þór Guðmundssyni, forstjóra Ölgerðarinnar.