Frjáls verslun - 01.09.2013, Side 99

FRJÁLS VERSLUN 8-9. 2013 99
Hvað ertu ánægðust með í ís ­
lensku atvinnulífi um þessar
mundir?
Það er því miður ekki um
margt að velja. Mér þykir þó
jákvætt að það virðist kominn
nýr tónn í samskiptum Samtaka
atvinnulífsins og ASÍ varðandi
kjaramál og eins er það frum­
kvæði sem forsvarsmenn at ­
vinnulífsins hafa tekið í Evrópu ­
málum mjög gott að mínu mati.
Þetta hugarfar, sem lýsir mun
ábyrgari afstöðu til sam félagsins
en mér þykir Alþingi hafa sýnt,
á vonandi eftir að slá tóninn
fyrir næstu mánuði.
Ríkisútgjöld í fjárlaga frum ­
varpinu fyrir árið 2014 eru
áætluð þau sömu og á þessu
ári. Ertu sátt við þá niður ­
stöðu?
Það er auðvitað jákvætt að
stefnt skuli að hallalausum fjár ­
lögum, en mér þykir þó hlutur
heilbrigðiskerfisins stórlega
vanmetinn. Þá þykir mér mið ur
að sjá að það eru ekki fyrir ­
hugaðar neinar breytingar á
landbúnaðarkerfinu. Meira að
segja Norðmenn eru farnir að
huga að nýrri nálgun og gera
sér grein fyrir að háar styrk­
veitingar skila sér ekki endilega
í betri landbúnaði eða aukinni
hagsæld fyrir greinina.
Núna eru fimm ár liðin frá
hruninu. Hvaða væntingar
hefur þú til næstu tveggja ára?
Það er erfitt að hafa miklar
væntingar miðað við þann
skort á forsendum sem íslenskt
at vinnulíf og íslenskur almenn­
ingur býr við. Það skýrist
von andi eitthvað á næstunni.
Þess utan má kannski helst
segja að ég hafi væntingar til
þess að ríkisstjórnin sjái að sér
í Evrópumálunum. Eins vona
ég innilega að sú nálgun verði
skoðuð aftur af fullri alvöru
að lífeyrissjóðirnir komi að
byggingu á nýs Landspítala.
Áttu von á auknum fjárfest ­
ingum í íslensku atvinnulífi á
næstunni?
Mér þykir ekki ólíklegt að það
muni gerast. Hvalfjarðargöng
eru dæmi um vel heppnaða
einkaframkvæmd þar sem fólk
getur valið um að greiða fyrir
að aka göngin eða aka fyrir
fjörðinn líkt og menn gerðu
áður. Samskonar fyrirkomulag
gæti til dæmis hentað vel fyrir
Sundabraut í Reykjavík og fleiri
framkvæmdir. Ég vona bara að
val á þessum framkvæmdum
verði með hagsmuni heild ar ­
innar í huga.
5. Hver verða forgangsverkefni
þíns fyrirtækis á næstu sex
mánuðum?
Sex mánuðir eru fljótir að líða.
Verkefni Icepharma verður að
laga starfsemina að þróuninni
í heilbrigðismálum og reyna
að hafa þar áhrif á jákvæðan
hátt þannig að framsýni
og skynsemi verði höfð að
leiðar ljósi í stefnumótun og
al mennri uppbyggingu heil ­
brigðiskerfisins.
Skuldavandinn hefur tekið
mestan tíma frá stjórnendum
síðustu árin en hver eru helstu
verkefni stjórnenda núna?
Gjaldeyrishöftin og afleiðingar
ótryggrar peningamálastefnu
gera að verkum að stjórnendur
íslenskra fyrirtækra eru í sí ­
felld um ólgusjó þar sem erfitt
er að ná áttum. Ég skil ekki að
yfirvöld skuli ekki átta sig á
neikvæðum afleiðingum þess
að íslenskt atvinnulíf búi við
þessar aðstæður.
Ertu með eitt gott ráð handa
stjórnvöldum?
Að ljúka aðildarviðræðum við
Evrópusambandið.
MaRgRéT guðMundSdóTTiR, foRSTJóRi icEPhaRMa, STJóRnaRfoRMaðuR n1
Ljúka aðildarviðræðum
Margrét Guðmundsdóttir.
„Það er erfitt að hafa miklar væntingar miðað við þann skort á forsendum sem íslenskt
at vinnu líf og íslenskur almenn ingur býr við.“