Frjáls verslun - 01.09.2013, Side 100

100 FRJÁLS VERSLUN 8-9. 2013
KolBEinn áRnaSon, fRaMKVæMdaSTJóRi líÚ
Kraftur í nýsköpun
1. Hvað ertu ánægðastur með í
íslensku atvinnulífi um þessar
mundir?
Horfur í sjávarútvegi eru
að mörgu leyti bjartar og
ánægjulegt er að sjá líflega
ferða þjónustu og uppbyggingu
innan hennar auk þess sem
tækifæri í orkuiðnaði eru þó
nokk ur. Það sem er einna
mest spennandi um þessar
mundir er kraftur nýsköp ­
unar fyrirtækjanna, ekki síst í
sjávarútvegi. Með þeim verða
til fleiri tækifæri til verð mæta ­
sköpunar og nýting eykst. Auk
þess er von til þess að með
þeim skapist góð störf sem
gefa ungu og vel menntuðu
fólki tækifæri til að búa áfram
á Íslandi.

2. Ríkisútgjöld í fjárlaga frum ­
varpinu fyrir árið 2014 eru
áætluð þau sömu og á þessu
ári. Ertu sáttur við þá niður ­
stöðu?
Þetta er metnaðarfullt
mark mið. Vissulega hefði
verið gleðilegt að sjá frekari
fjár festingar en vöxtur ríkis ­
útgjalda á ekki að vera mark ­
mið. Áherslan á að vera á
að lyfta undir atvinnu vega ­
fjár festingu með því að hefja
lækkun tryggingagjalds og ná
fram sanngjörnum breytingum
á veiðigjaldi.
3. Núna eru fimm ár liðin frá
hruninu. Hvaða væntingar
hefur þú til næstu tveggja ára?
Ég vil leyfa mér að vera
bjartsýnn og vona að nú sé
landið að rísa, ég vonast
til þess að friður náist á
vinnu markaði með frekari
sam vinnu stjórnvalda og
atvinnu greinarinnar. Ég bind
líka væntingar við að sjávar ­
útvegsráðherra vinni með
sjávar útveginum og hef ekki
séð teikn um annað en að það
sé líklegt.
4. Áttu von á auknum fjár ­
festingum í íslensku atvinnu ­
lífi á næstunni?
Við vonum það besta en
í árlegri könnun Samtaka
atvinnu lífsins og Seðlabanka
Íslands, sem kynnt var í vor,
kom fram að 60% stjórnenda
sjávarútvegsfyrirtækja töldu
að fjárfesting yrði nokkru
eða miklu minni en var árið
á undan. Aðeins 3% töldu
að fjár festing myndi aukast.
Stöðugra rekstrarumhverfi í
greininni gæti vitanlega bætt
stöðuna. Ef litið er ögn út fyrir
eigin sjóndeildarhring hljóta
fjárfestingar og uppbygging
að vera nauðsynlegar á næstu
árum. Ef rétt er haldið á spöð ­
unum og traust myndast milli
atvinnugreina og stjórnvalda
eru frekari fjárfestingar líklegar.
Þá er líka von til þess að doðinn
hristist af íslensku efnahagslífi
enda ætti varla að vera ástæða
til annars miðað við auðlindir
landsins.

5. Hver verða forgangsverkefni
þíns félags á næstu sex
mánu ð um?
Helsta verkefni okkar er að
ná viðunandi niður stöðu varð­
andi framtíð fisk veiðistjórn­
unarinnar og niður stöðu um
veiðigjöld. Það verður að skap­
ast vinnu friður um greinina
til að öflug uppbygging geti
hafist. Við erum auk þess
með lausa kjarasamninga við
sjómenn og illmögulegt er að
ná samkomulagi í því óvissu­
ástandi sem ríkt hefur um
greinina undanfarin ár.
6. Skuldavandinn hefur tekið
mestan tíma frá stjórnendum
síðustu árin en hver eru helstu
verkefni stjórnenda núna?
Að huga að nýjum sóknar ­
færum í íslenskum sjávarútvegi
og markaðsstarfi tengdu
hon um. Það þarf að huga að
innviðum fyrirtækjanna og
skapa hvata fyrir þau til frekari
verð mætasköpunar. Þannig er
bæði dregið úr sóun og róið á
mið nýrra tækifæra í íslensku
efnahagslífi.

7. Ertu með eitt gott ráð handa
stjórnvöldum?
Að hafa aukið samráð við
atvinnulífið og halda ótrauð
áfram í átt að hallalausum
fjárlögum.
„Ég vil leyfa mér að
vera bjartsýnn og
vona að nú sé landið
að rísa.“
Kolbeinn Árnason.