Frjáls verslun - 01.09.2013, Page 162

162 FRJÁLS VERSLUN 8-9. 2013
E
inbeitingin og athyglin
er einmitt það svið sem
hinn heimsþekkti fræði­
maður Daniel Goleman
gerir að yrkisefni sínu í nýjustu
bók sinni sem heitir einfaldlega
Focus: The Hidden Driver of
Excellence.
Ör tækniþróun síðustu ára
hefur gert það að verkum að við
erum sífellt „í sambandi“. Það er
alls staðar hægt að ná í okkur
hvort sem er í síma eða með
tölvupósti. Aðgengi að gögnum
er orðið þannig að hægt er að
vinna með þau hvar sem er í
heiminum, á hvaða tíma sem er.
Skrifstofan er fyrir löngu orðin
veggjalaus og tímalaus. Þetta
aukna aðgengi að upplýsingum
og sífellda áreiti hefur haft
neikvæð áhrif á einbeitingu
okk ar og gert það að verkum
að sífellt erfiðara verður að
beina athyglinni óskiptri að einu
til teknu verkefni. Og erfiðara að
taka frí sem er okkur nauðsyn­
legt til að viðhalda vinnugleðinni
og orkunni.
Kannastu við það að vera að
lesa og allt í einu átta þig á því
að þú hefur ekki hugmynd um
hvað þú last rétt í þessu? Eða
vera á heimleið og átta þig á
því þegar þú ekur inn í heim­
keyrsluna heima hjá þér að þú
manst ekkert eftir ferðinni heim?
Kannastu jafnvel við það að
vera að vinna í verkefni en hafa
óstjórnlega þörf fyrir að kíkja á
tölvupóstinn þinn? Allt eru þetta
dæmi um að athyglin sé ekki
100% á því sem gert er hverju
sinni. Víst er að í því endalausa
áreiti sem við búum við í dag
verður sífellt erfiðara að einbeita
sér lengi að verki í einu.
Í bókinni Focus: The Hidden
Driver of Excellence beinir Daniel
Goleman kastljósinu að mikil­
vægi þess nú sem aldrei fyrr
að skerpa fókusinn og einbeit­
inguna. Hann segir: „Athyglin
er eins og vöðvi; notir þú hann
lítið visnar hann; æfðu hann vel
og hann vex.“ Því meiri athygli
og einbeitingu sem við höfum,
því líklegri erum við til að ná
árangri í þeim verkefnum sem
við tökum okkur fyrir hendur.
Skilgreining á athygli
Flest höfum við líklega gerst
sek um að tapa athyglinni og
einbeitingunni. Fyrri hluti bók­
arinnar er tekinn undir skilgrein­
ingar á þessum mikilvægu
stólpum árangurs. Höfundur
vitnar í fjölmargar rannsóknir,
gefur mýmörg dæmi og segir
sögur af fjölda fólks máli sínu til
stuðnings. Sögurnar eru þann ig
að lesandinn mun án efa kinka
kolli nokkrum sinnum við lestur­
inn þegar hann samsamar sig
sögunum. Hann fjallar um eðli
athyglinnar og hvað þarf til að
rjúfa hana og þar með einbeit­
inguna sem getur haft neikvæð
áhrif á frammistöðu.
Tvær gerðir truflunar
Þegar athyglin er rofin er tveim­
• Um mikilvægi þess að skerpa athyglina og einbeitinguna.
• Glæný bók frá hinum heimsþekkta Daniel Goleman.
• Bókin er fyrir þá sem eiga erfitt með að einbeita sér og í henni koma
fram nokkur góð ráð til að hafa hemil á huganum.
TexTi: unnur ValborG HilMarsdóTTir
Myndir: Geir ólafsson
Unnur Valborg Hilmarsdóttir
stjórnendaþjálfari hjá Vendum
Yfirleitt eru tvenns
konar truflanir á
einbeitingu. Önnur
er skynjunartruflun
og hin tilfinningaleg.
Tilfinningalegu
truflunina er miklu
erfiðara að eiga við.
bækur
Máttur einbeitingar
KyNLÍFIð Í FyRSTA SÆTI
Höfundur vitnar í fjölmargar rannsóknir og dæmi í bókinni. Ein rann­
sóknin náði yfir hvenær fólk ætti auðveldast með að vera raunveru­
lega í núinu og léti hugann ekki reika. Í ljós kom að langflestum
fannst auðveldast að einbeita sér að því sem þeir voru að gera þegar
þeir stunduðu kynlíf! Næstflestir nefndu líkamsrækt og þar á eftir
komu djúpar samræður og að leika sér. Á hinn bóginn nefndi fólk
oftast að hugurinn færi á kreik þegar það væri í vinnunni, í tölvunni
heima eða á leið í og úr vinnu.