Frjáls verslun - 01.09.2013, Side 169

FRJÁLS VERSLUN 8-9. 2013 169
lesið shg
---------------
(Myndatexti:)
Snorri Jónsson og Judith Orlishausen kjósa að starfa einungis með hæfustu
framleiðendum á Vesturlöndum sem bera virðingu fyrir starfsfólki sínu og
umhverfi.
RE 101 REYKJAVÍK
Rakspíri og ilmvatn úr íslenskum jurtum
Snorri Jónsson verkfræðingur og Judith Orlishausen skóhönnuður eiga og
reka vörumerkið RE 101 REYKJAVÍK sem framleiðir ilmvatn, rakspíra og skó
þar sem fiskroðið er í aðalhlutverki.
(Meginmál:)
Skór og ilmtegundir undir vörumerkinu RE 101 komu á íslenskan markað árið
2012 en teymið hefur hannað og framleitt skó um nokkurt skeið og selt þá meðal
annars í eigin verslun á Ítalíu. „Viðskiptavinir okkar á Sardiníu voru frá ýmsum
stöðum og við erum í reglulegu sambandi við einkaviðskiptavini frá t.d. Mexíkó,
New York og Sádi-Arabíu,“ segir Judith. „Það er líka svo ánægjulegt og gefandi að
kynnast ólíkum viðskiptavinum frá ýmsum heimshornum.“
Skórnir frá RE 101 eru seldir í nokkrum verslunum hér á landi, til að mynda í
Kraumi, herrafataverslun Kormáks & Skjaldar og Duty Free Fashion í Leifsstöð.
Frá upphafi hefur þó megináherslan verið lögð á sölu erlendis og er einungis
brot af framleiðslunni selt á Íslandi. RE 101 hefur fengið lof fyrir stílhreina og
tímalausa hönnun ásamt áhugaverðu vali á hráefni. Uppistaðan í því vali er
laxaroð frá sjávarleðri á Sauðárkróki. Hugmyndafræðin hjá RE 101 er að efnisval
og hönnun stuðli að sjálfbærni í iðnaði og nýtingu á umhverfinu.
Hæfustu framleiðendurnir
Haust og vor eru annasamasti tíminn hjá RE 101, en þá standa yfir sýningar og
söluferðir og í framhaldinu tekur framleiðsluferlið við.
„Við leitumst við að finna innblástur í hönnunina fyrir utan tískuheiminn og
sækjum gjarnan heim sýningar eins og Salone mobile og Art Miami,“ segir Snorri.
„Svo fá þær hugmyndir sem okkur líst best á að fljóta inn í hönnunnarferlið og
verða að frumgerðum. Þá tekur við einmitt erfiðasti en jafnframt skemmtilegasti
tíminn því í frumgerðasmíðinni verða hugmyndir fyrst að veruleika. Við dveljum
oft vikum saman hjá framleiðendum okkar á Ítalíu og í Portúgal við að finna
með þeim lausnir á tæknilegum atriðum og fylgja svo eftir framleiðslunni. Við