Bæjarins besta - 31.01.2008, Blaðsíða 3

FIMMTUDAGUR 31. JANÚAR 2008 3
Öld frá fæðingu Steins Steinarr
Öld er liðin frá fæðingu vestfirska skáldsins Steins Steinarr í ár. Af því tilefni hefur Kómedíuleikhúsið ákveðið að
gefa út einleik leikhússins Steinn Steinarr sem sýndur var á Ísafirði og í Borgarleikhúsinu fyrir nokkrum árum á DVD
disk. Einleikurinn er byggður á verkum skáldsins og ævi en 98% textans er eftir Stein sjálfan. Sýningin hlaut mikla
athygli þegar hún var frumsýnd árið 2003. Kómedíuleikhúsið mun á árinu minnast aldar afmæli Steins með ýmsum
hætti en að því er fram kemur á bloggsíðu leikhússins verður fjallað um það nánar síðar. Steinn Steinarr er einn af
ástsælustu skálda þjóðarinnar. Hann var í fararbroddi þeirra sem ruddu nútímanum braut í íslenskri ljóðagerð um
miðja 20. öld en orti einnig í hefðbundnu formi. Hann fæddist í Ísafjarðardjúpi en ólst upp í Dölunum.
Styrkir SFÍ
Skíðafélag Ísfirðinga og MasterCard hafa skrifað
undir samstarfssamning til tveggja ára. MasterCard
bætist þar í hóp fyrirtækja sem styrkir metnaðar-
fullt barna- og unglingastarf hjá félaginu. Stór hóp-
ur barna og unglinga æfir skíðagöngu og alpagrein-
ar hjá skíðafélaginu, en það hefur í árafjöld lagt á
áherslu á að efla barna- og unglingastarf sitt.
„Mótvægisaðgerðir þunnt smjör-
lag á alltof stóra brauðsneið“
Grímur Atlason, bæjarstjóri
Bolungarvíkur, segir það vera
fjarstæðu að kvótakerfið hafi
komið öllum vel og spyr á
bloggsíðu sinni hvort það sé
ekki sanngjarnt að spyrja hvað
fiskvinnslufólk, sjómenn og
byggðir landsins hafa grætt á
þessu kerfi. Hann gagnrýnir
mótvægisaðgerðir vegna þorsk-
niðurskurðar og segir að ekki
hafi verið litið til þess hversu
misjafnlega niðurskurðurinn
bitnar á byggðalögum. „Ég
hef bent á að mótvægisað-
gerðir ríkisstjórnarinnar vegna
niðurskurðar á aflaheimildum
í þorski séu fremur þunnt
smjörlag á brauðsneið sem er
alltof stór. Sumstaðar var
ágætis smjörfjall fyrir á meðan
aðrir staðir voru skraufþurrir.
Því skilaði smjörlagið sér illa
til margra þeirra staða sem nú
eru þróttlitlir sökum næring-
arskorts. Bent hefur verið á
að dýpt atvinnulífsins á þeim
stöðum og svæðum sem harð-
ast verða úti í niðurskurðinum
sé afar mismunandi. Þau
svæði sem eru hvað brothætt-
ust eru Snæfellsnes, NA-land
og Vestfirðir“, segir á bloggi
Gríms.
„Þessir þættir hafa gleymst
við skipulagningu mótvægis-
aðgerða. Þannig fékk sveitar-
félag, sem hvorki hýsir höfn
né fiskvinnslu, 100 milljónir
króna til viðhalds opinberra
bygginga í sveitarfélaginu. Það
er alveg ljóst að viðhald var
komið á tíma en tengingin við
mótvægisaðgerðir vegna skerð-
ingar á þorskkvóta óheppileg.
Sömu sögu má segja frá mörg-
um öðrum sveitarfélögum
sem varla finna fyrir niður-
skurðinum, þau fengu einnig
umtalsverðar upphæðir úr
gerðirnar tóku til. Við úthlut-
unina var tekið tillit til afla-
marks í þorski sl. 3 ár sem og
hlutfall starfa í veiðum og
vinnslu í sveitarfélaginu. En
segir þetta allt? Hvernig er
með atvinnuhorfurnar á svæð-
inu sem sveitarfélagið tilheyr-
ir? Hvernig munu fiskvinnslu-
fyrirtækin bregðist við – hvar
eru umsvif þeirra?
Það er alveg ljóst að fisk-
vinnslufólk á þenslusvæðum
á meiri möguleika á að komast
í ný störf nærri heimabyggð
en þeir sem búa og starfa á
köldum hagsvæðum. Það er
einnig ljóst að smábátaútgerð
er viðkvæmari fyrir samdrætti
en stóru útgerðirnar – sem
hafa jafnvel talað opinberlega
um hve góð áhrif það hafi á
umsvif þeirra á erlendum
mörkuðum að skorið sé niður.
Það er síðan staðreynd að afla-
mark í þorski sem á lögheimili
í ákveðnu sveitarfélagi hefur
ekki endilega áhrif á heima-
höfnina. Fyrir þessu finnur
fiskvinnslufólk á Þingeyri og
Húsavík.
Fyrirtækið sem talaði fjálg-
lega um ímyndarstyrkinn sem
niðurskurðinum fylgir fór mik-
inn í allskyns braski og yfir-
lýsingum á síðasta ári. Flytja
átti alla fiskvinnslu félagsins
frá Reykjavík á Akranes og
síðan átti að selja byggingarétt
fyrir hundruð millljóna. Nú
aðeins nokkrum mánuðum
síðar segir fyrirtækið upp öll-
um starfsmönnum við fisk-
vinnslu fyrirtækisins á Akra-
nesi og notar til þess tylli-
ástæðu niðurskurðarins. Kvóta-
kerfið hefur gagnast þeim
mest sem áttu kvóta og eru
búnir að selja hann núna. Það
gagnast líka þeim sem eiga
kvóta og leigja hann frá sér.
Það eru vissulega til fyrirtæki
út um allt land sem veiða þorr-
ann af sínum aflaheimildum
sjálf en þau eru ekkert sérstak-
lega mörg og róa jafnvel líf-
róður um þessar mundir.
Að segja að kvótakerfið hafi
komið öllum vel er fjarstæða.
Vissulega hafa margir hagnast
gríðarlega á þessu kerfi og
líklega hefur það haft mikið
að segja í hinni margumræddu
og lífsnauðsynlegu (að sögn)
bankabylgju sem einkennt
hefur alla hugsun og tilvist
þjóðarsálarinnar sl. 10 ár eða
svo. En er ekki alveg sann-
gjarnt að spyrja hvað fisk-
vinnslufólk, sjómenn og byggð-
ir landsins hafa grætt á þessu
kerfi? Eða tapað ef út í það er
farið?“, segir jafnframt í blogg-
inu.
– thelma@bb.is
þessum mótvægissjóði ríkis-
stjórnarinnar.
Við næstu úthlutun var
reynt að horfa heldur á heild-
aráhrif niðurskurðarins. Betur
tókst til en þó var ekki horft til
dýptar atvinnulífsins á þeim
svæðum sem mótvægisað-
Grímur Atlason.
Umhverfisstofnun hefur
auglýst eftir sérfræðingi í starf
umsjónarmanns friðlandsins
á Hornströndum. Hingað til
hefur verið í gildi samningur
við Ísafjarðarbæ um land-
vörslu og í tengslum við það
verið starfandi landvörður á
sumrin norður á Hornströnd-
um en umsjónarmaður frið-
landsins verður starfandi árið
um kring. Sérfræðingurinn
mun hafa umsjón og eftirlit
með friðlandinu á Horn-
ströndum og fyrirhugaðri
gestastofu friðlandsins, Horn-
strandastofu á Ísafirði. Yfir
sumarmánuðina verður starfs-
vettvangur sérfræðingsins í
friðlandinu vegna eftirlits,
fræðslu, vöktunar og fleiri
verkefna. Í auglýsingunni
kemur fram að gert sé ráð fyrir
að viðkomandi geti hafið störf
1. apríl. Á ruv.is segir að nýtt
starf umsjónarmanns frið-
landsins á Hornströndum sé
eitt af þeim störfum sem lofað
var að koma á laggirnar í
tengslum við tillögur Vest-
fjarðanefndarinnar.
Hjalti J. Guðmundsson, for-
stöðumaður náttúruverndar-
og útivistarsviðs Umhverfis-
stofnunar segir að með þessu
nýja starfi verði málefnum
Hornstrandafriðlandsins kom-
ið undir einn hatt. „Landvarsl-
an verður með nánast óbreyttu
sniði nema að því leiti að hún
verður aukin og bætt. Að öll-
um líkindum verða ráðnir
sumarlandverðir og við ætlum
að reyna að koma þessu starfi
í fastan farveg. Við höfum átt
ljómandi gott samstarf við Ísa-
fjarðarbæ en nú mun Um-
hverfisstofnun taka alveg yfir
reksturinn.“
Hjalti segir að búast megi
við því að þjónustan verði
betri, öryggi ferðamanna bætt
en jafnframt verði eftirlit með
illa séðu athæfi eflt til muna,
svosem umferð vélknúinna
ökutækja og þess háttar.
„Hornstrandastofan er svo
hugsuð sem eins konar hlið
inn á svæðið með fróðleik og
upplýsingum og um þessar
mundir erum við að leita að
húsnæði undir starfsemina.“
Friðlandið var stofnað 1975
og eru mörk þess um Skorar-
heiði milli Hrafnfjarðar og
Furufjarðar og nær friðlandið
því yfir Hornstrandir og hluta
af Jökulfjörðum. Von er á
drögum frá skipulagsvinnu-
hópi norðan Djúps á vormán-
uðum og því ljóst að tilvon-
andi umsjónarmaður á spenn-
andi tíma fyrir höndum, því
enn er óvíst hvað aðalskipu-
lagsbreyting hefur í för með
sér; óbreytta stöðu eða þjóð-
garðsvæðing Hornstranda.
– sigridur@bb.is
Umsjónarmaður Hornstrandafriðlands hefur störf í vor
Eiríkur Örn fær listamannalaun
Rithöfundurinn Eiríkur
Örn Norðdahl frá Ísafirði
hlýtur listamannalaun til 6
mánaða úr launasjóði rithöf-
unda árið 2008. Þetta er í
fyrsta sinn sem Eiríkur hlýt-
ur listamannalaun en hann
hefur verið iðinn við skriftir
undanfarin ár. Hann á fjóra
og hálfa ljóðabók að baki,
tvær skáldsögur, eina bókar-
stjórnun, tvær ljóðahátíða-
skipulagningar, verðlaun í
ljóðstafi Jóns úr Vör, ljóða-
hljóðadisk, átta bókarþýð-
ingar, ýmsar blaðagreinar
og er hann einn af forvígis-
mönnum bókaútgáfunnar
Nýhil sem hefur hleypt nýju
blóði í ljóðalíf landsmanna.
Á lista yfir úthlutanir 2008
mátti einnig sjá nokkur
kunnugleg nöfn að vestan auk
Eiríks en skáldin Vilborg Dav-
íðsdóttir og Rúnar Helgi Vign-
isson og ljósmyndarinn Spessi
hlutu einnig listamannalaun
til 6 mánaða.
Alls bárust 514 umsóknir
um starfslaun listamanna
2008, en 506 sóttu um starfs-
laun listamanna 2007. Stjórn
listamannalauna hefur yfir-
umsjón með sjóðunum og út-
hlutar fé úr Listasjóði. Lista-
sjóður er almennur sjóður
en sinnir einkum öðrum
listgreinum en þeim sem
falla undir sérgreindu sjóð-
ina þrjá: Launasjóð rithöf-
unda, Launasjóð myndlist-
armanna og Tónskáldasjóð.
Allir sjóðirnir veita starfs-
laun, svo og náms- og ferða-
styrki.
– sigridur@bb.is
Það var glatt á hjalla í Grunnskólanum á Ísafirði á föstudag þegar vinirnir í 10. bekk og
3. bekk fögnuðu sólardeginum saman. Sungin voru ýmis sólskinslög og svo gæddu menn
sér á gómsætum pönnukökum og drukku djús eða mjólk með. Pönnukökurnar höfðu
foreldrar nemenda í 10. bekk bakað af mikilli rausn og runnu þær ljúflega niður að sögn
viðstaddra. „Þetta er stór dagur hjá nemendum 10. bekkjar því að honum lýkur með
hinu árlega þorrablóti í kvöld og er mikil tilhlökkun í loftinu“, segir Herdís Hübner, um-
sjónarkennari í 10. bekk.