Bæjarins besta - 31.01.2008, Blaðsíða 9

FIMMTUDAGUR 31. JANÚAR 2008 9
Aflaukning milli ára á Suðureyri
Fiskafli á Suðureyri jókst um 14 prósent á síðasta ári samanborið við
árið á undan. Árið 2006 var landað 3.544 tonnum á Suðureyri, en
4.054 tonnum í fyrra. Mestu var landað af ýsu öfugt við árið á undan
en þá var mestu landað af þorski. Næstmestu var landað af þorski og
þar á eftir steinbít. Ýsuaflinn jókst um heil 59 prósent milli ára, þorsk-
aflinn dróst saman um 11 prósent og steinbítsaflinn dróst saman um 27
prósent . Tölur um landaðan afla eru fengnar á vef Hagstofunnar.
Vilja nota nafnið Óshlíðargöng
Umhverfisnefnd Ísafjarðarbæjar vill að göng á milli Hnífsdals og Bolungar-
víkur verði kölluð Óshlíðargöng. Nafnið var rætt á síðasta nefndarfundi en
hingað til hafa fyrirhuguð göng verið kölluð Óshlíðargöng en einnig hefur
nafnið Bolungarvíkurgöng verið notað. Umhverfisnefnd leggur til að fyrra
nafnið verði notað áfram. Þess má geta að samgönguráðherra tók það
fram í nóvember að göngin heita nú Bolungarvíkurgöng, en ekki Óshlíðar-
göng. Þrátt fyrir það stendur Óshlíðargöng í útboðsgögnunum.
Nýi vegurinn frá gangamunnanum mun liggja fyrir neðan Stekkjargötu sem liggur næst fjöruborðinu. Stekkjargata 40 er fremst á myndinni.
Fjórar athugasemdir við aðal-
skipulagsbreytingu í Hnífsdal
Fjórar athugasemdir og tveir
undirskriftalistar hafa borist
Ísafjarðarbæ vegna breytinga
á aðalskipulagi í tengslum við
gerð jarðganga milli Hnífsdals
og Bolungarvíkur, en auglýs-
inga- og athugasemdaferli fer
nú senn að ljúka. Athuga-
semdir bárust frá Elenóru Ás-
geirsdóttur, Pacta fyrir hönd
Valdimars Ágústssonar, Bir-
git Abrecht og stjórn Hesta-
mannafélagsins Hendingar í
Hnífsdal. Að auki bárust tveir
undirskriftalistar með nokkr-
um nöfnum. Í breytingatillög-
unni er gert ráð fyrir að sá
hluti þjóðvegarins milli Ísa-
fjarðar og Bolungarvíkur sem
liggur í gegnum Hnífsdal
verði fluttur og liggi í fram-
tíðinni í sjávarmálinu í Hnífs-
dalsvíkinni, fyrir neðan Stekkj-
argötu. Íbúar við Stekkjargötu
og eigendur húsa þar sem
gerðu athugasemdir við breyt-
ingatillöguna, telja að ónæði
og sjónmengun hljótist af veg-
inum.
Sem dæmi um athugasemd-
ir nefnir Tryggvi Guðmunds-
son lögfræðingur hjá Pacta,
fyrir hönd Valdimars Ágústs-
sonar að þegar vegarstæðið
verði orðið 40-50 cm hærra
en gólfhæð í húsi númer 40
við Stekkjargötu muni útsýni
yfir Djúp og Snæfjallaströnd
skerðast til muna og valda því
að fasteignin falli í verði og
verði jafnvel óseljanleg. Að
auki nefnir hann að sökum
einungis 7,4 metra nálægðar
við vegarstæði gæti hljóð-
mengun orðið yfir leyfilegum
mörkum, enda er miðað við
að umferðin verði yfir eitt þús-
und bílar á dag og þar af tölu-
verður þungaflutningur.
Umhverfisnefnd bendir á að
samkvæmt reglugerð um há-
vaða nr. 933/1999 er leyfilegt
jafngildishljóðstig í dB(A)
fyrir sólarhring, 65 utan við
húsvegg á jarðhæð. Útreikn-
ingar frá verkfræðistofu Sig-
urðar Thoroddsen hf. gera ráð
fyrir að jafngildishljóðstig
dB(A) sólarhringsgildi verði
u.þ.b. 51 dB(A) við húsin að
Stekkjargötu 29 og 31 og 40
og um 58-59 dB(A) við Stekkj-
argötu 7 og því vel innan leyfi-
legra marka.
Í flestum upplýsingum um
hljóðstig er einingin dB(A)
notuð en A stendur í grund-
vallaratriðum fyrir það hljóð
sem maðurinn greinir. Þegar
120 dB(A) hljóðstigi er náð
er talað um sársaukamörk fyrir
manninn. Til þess að gefa
mynd af hljóðstigi er t.d. skrjáf
í laufi um 10 dB, hljóð á skrif-
stofu um 50 dB, hljóð í ritvéla-
sal um 65 dB, hljóð innan í bíl
um 75 dB og hljóð í loftpressu
um 110 dB.
Á íbúaþingi Ísafjarðarbæjar
sem haldið var á Ísafirði í maí
2005 kom fram mikill vilji
íbúa Hnífsdals til að færa þjóð-
veginn sem liggur gegnum
þorpið niður fyrir byggðina
enda hafa þeir löngum kvartað
undan miklum hraða á þeirri
umferð sem liggur í gegnum
hið annars barnvæna þorp.
Umhverfisnefnd Ísafjarðar-
bæjar lagði til við bæjarstjórn
að samþykkja aðalskipulags-
breytinguna í Hnífsdal óbreytta
enda komi ekki fleiri athuga-
semdir við breytingartillög-
una.
– sigridur@bb.is
Hefja flokkun kaldastríðsskjala innan tíðar
Vonir standa til að hægt
verði að byrja að flokka skjöl
um öryggismál íslenska ríkis-
ins innan skamms tíma. Áætl-
að var að byrjað yrði að flokka
í haust en Jóhann Hinriksson,
héraðsskjalavörður á Ísafirði,
segir í samtali við svæðisút-
varpið á Ísafirði að það hafi
tafist. Öll skjöl sem varða ör-
yggismál Íslands á árunum
1945 til 1991 eiga að vera
flokkuð.
Samþykkt var á Alþingi í
mars í fyrra að stofnað yrði
sérstakt öryggismálasafns
innan Þjóðskjalasafnsins sem
fari með skjöl um öryggismál
frá þessu tímabili og aðgang
fræðimanna og annarra að
þeim. Talið er að það muni
taka um fjögur ár að flokka
skjölin og vista í sérstöku ör-
yggismálasafni og gera þau
aðgengileg. Héraðsbókasöfn-
in á Ísafirði og Húsavík eiga
að sjá um flokkunina.
Að því er fram kemur á ruv.
is verður tekið á leigu allt að
600 fermetra húsnæði í Hrað-
frystihúsi Gunnvarar. Ráðnir
verða allt að sex starfsmenn
og byrjað var að ráða í þessari
viku. Starfsmannafjöldi fer þó
eftir því hvort fleiri verkefni
en leyniskjölin úr utanríkis-
ráðuneytinu verða flokkuð.
Til greina kemur að Ísfirðing-
ar taki að sér að flokka skjöl
frá sýslumannsembættum. Héraðsbókasafnið á Ísafirði á að koma að flokkun skjala um öryggismál frá árunum 1945 til 1991.