Bæjarins besta - 31.01.2008, Blaðsíða 23

FIMMTUDAGUR 31. JANÚAR 2008 23
Horfur á föstudag: Minnkandi norðanátt og
dálítil él úti við sjóinn austantil en annars bjart-
viðri. Frost 8 til 20 stig. Horfur á laugardag:
Norðaustan átt, él norðaustan til en annars
bjartviðri. Horfur á sunnudag: Norðaustan átt,
él norðaustan til en annars bjartviðri.
Helgarveðrið
Sælkeri vikunnar er Smári Helgason á Ísafirði
Kjúklingur í fínu formi
Sælkeri vikunnar býður upp
á gómsætan kjúklingarétt.
„Þennan rétt held ég mikið
upp á en hann varð til þegar
ég fór að tína upp úr græn-
metisskúffunni eftir að hafa
tekið kjúkling úr frysti. Ara-
bískt kjúklingakrydd er skemmti-
leg og öðruvísi kryddblanda
sem mér finnst algjört sælgæti
en í henni er m.a. kanill og
fleira gott sem gefur kjúkl-
ingnum sérlega gott og fram-
andi bragð“, segir Smári. Í
eftirrétt býður hann svo upp á
ís með karamellu-mokka sósu.
Kjúklingur í fínu formi
4-6 gulrætur, skornar í bita
½ hvítkálshöfuð, rifið
Olía
1 tsk sykur
2-3 hvítlauksrif, pressuð
100 g ferskir sveppir
1 lítill kúrbítur
1 tsk sítrónupipar
2-4 msk sojasósa
1 dl matreiðslurjómi eða
kaffirjómi
1 stór kjúklingur, skorinn í
átta bita
1 msk arabískt kjúklinga
krydd frá Pottagöldrum
1 tsk salt
Skerið gulræturnar í bita og
rífið hvítkálið á rifjárni. Hitið
olíuna á djúpri pönnu og létt-
steikið gulræturnar í nokkrar
mínútur. Bætið hvítkálinu á
pönnuna og látið krauma í
nokkrar mínútur. Stráið sykr-
inum yfir og hrærið á meðan
gulræturnar og hvítkálið brún-
ast örlítið. Bætið hvítlauknum
á pönnuna, skerið sveppina
og kúrbítinn í sneiðar og bætið
út í. Kryddið með sítrónupipar
og sojasósu og hellið rjóman-
um yfir grænmetið.
Setjið grænmetisblönduna
í smurt, eldfast form. Kryddið
kjúklingabitana vel með krydd-
inu og snöggsteikið í olíu á
pönnu. Leggið kjúklingabit-
ana yfir grænmetið og setjið
lok eða álfilmu yfir formið.
Bakið við 200 gráður í 40-50
mínútur. Berið fram með hrís-
grjónum.
Ís
3 egg
6 msk flórsykur
1 tsk vanillusykur
½ l rjómi
18 Nóa konfekt flöskur (eru
seldar sér)
Þeytið eggjarauðurnar og
flórsykurinn saman þar til það
er orðið létt og ljóst. Bætið
við vanillusykrinum út í. Þeyt-
ið eggjahvíturnar. Þeytið
rjómann. Myljið flöskurnar í
matvinnsluvél. Blandið öllu
varlega saman. Frystið.
Karamellu-mokka íssósa
½ bolli púðursykur
½ bolli síróp
3 msk smjör
1 dl rjómi
1 tsk skyndikaffi leyst upp í
ögn af sjóðandi vatni
Hitið púðursykurinn, síróp-
ið og smjörið í potti og látið
malla í 10-15 mín. Hrærið í á
meðan. Takið af hellunni og
setjið óþeyttan rjómann og
skyndikaffið út í. Hrærið
saman og berið sósuna fram
volga með ísnum.
Ég skora á Sigríði Karls-
dóttur á Ísafirði að koma með
uppskrift í næsta blaði.
Fasteignagjaldastyrkur til félagasamtaka óbreyttur
Fjármálastjóri Ísafjarðarbæjar, Þórir Sveinsson, leggur til við bæjarráð að styrkur til áhugamannafélaga til greið-
slna fasteignagjalda verði óbreyttur á árinu 2008 frá fyrra ári, eða að hámarki 120 þúsund krónur. Ástæðan er
sú að grunnur álagningar – fasteignamatið hefur ekki breyst í þessum flokki fasteigna milli ára. Miðað er við
áhugamannafélög sem eru ekki í atvinnustarfsemi og ekki er veittur styrkur til greiðslu þjónustu-gjalda sem eru
lóðaleiga, vatnsgjald og sorpgjald. Af þeim hluta húsnæðisins sem leigt er út eða notað til að afla tekna skal
greiða fasteignagjöld. Styrkveiting er háð því að félög skili inn upplýsingum um notkun og tekjur vegna leigu
viðkomandi fasteignar. Bæjarráð leggur til við bæjarstjórn, að tillaga fjármálastjóra verði samþykkt.
Kennarar skólans tóku lagið við undirleik Guðmundar Hjaltasonar.
Foreldrar nemenda fluttu skemmtiatriði. Foreldrar og börn dönsuðu af mikilli snilld.
Það var líf og fjör í hringdansinum. Foreldrarnir stældu Cosmic-gengi stúlkna 10. bekkjar.
Þessir ungu herramenn ,,pósuðu“ fyrir ljósmyndarann.